Dufatanye gusengera aba Somali bo muri(...)

Kwamamaza

agakiza

Dufatanye gusengera aba Somali bo muri Somaliya

byanditswe na: Ubwanditsi     2019-10-18 07:27:52

agakiza

Mu rwego rwo kwifatanya n’abantu benshi batuye mu bihugu bitandukanye ku isi mu gusengera amoko ataragerwaho n’ubutumwa bwiza, tugiye gusengera abahausa bo muri Niger.

Igihugu cya Somaliya gifite abaturage 10.859.000 ururimi ruhurirwaho na benshi rwitwa Somali, ibijyanye n’iyobokamana, Isilamu niyo ifite abayoboke benshi ku kigero cya 99.70% mu gihe Abakristu ari 0.30%

Imibereho y’abatuye Somali

Umuryango wo muri Somaliya ugizwe n’umugabo umugore n’abana. Borora ihene n’intama abazitaho ni abagore n’abakobwa. Haboneka kandi ingamiya zikamwa. umubare munini w’ingamiya umuryango ufite, icyubahiro cyinshi ugira. Abagabo n’abasore nibo bita kuri izo ngamiya.

Abantu bo muri Somaliya ni abarwanyi. rimwe na rimwe abagabo basiga ingo zabo bakajya kwitoza kuba abarwanyi bakomeye cyane. Abantu bo muri iki gihugu bagabanyijemo amoko, uko kurwana akenshi kuba hagati y’amoko abiri. Amoko y’ingenzi yo muri somaliya ni Somaal na Sab, Somaal ni aborozi naho Sab ni abahinzi n’abanyabukorikori.

Abasomali bashimishwa no kuganira binyuze mu mivugo.incuro nyinshi ku mugoroba barahura bakariririmba bigatuma bahorana akanyamuneza.

Ibyo bizera

umubare munini w’abasomali ni abayoboke b’idini ya islamu 99.70%n’ubwo hafi ya bose ari abayoboke b’idini ya Islam, haba n’iyindi myemere ishingiye ku miryango muri macye bamwe bajya mu musigiti naho abandi baguma mu ngo zabo.

Ibyo bakenera

Umubare muto w’abasomali b’abana bajya ku ishuri, abakuru barenga kimwe cya kabiri baba batazi gusoma no kwandika. Ibi ntibitangaje cyane kuko ntibigeze babona inyandiko kugeza mu mwaka w’1972.

Kugira ubuzima bwa gisirimu biri mu byifuzo byabo. Kuko imibereho myiza byiberaga gusa muri Etiyopiya. Bitewe n’inzara, intambara zitera ibibazo byinshi, imirire mibi yagiye yica ibihumbi by’abantu muri Somaliya guhera mu mwaka w’1972.

Ibyifuzo byo gusengera

 Gusenga kugira ubutumwa bwiza bugere ku basomali bo muri Somaliya.
 Gusenga kugirango abasomali babashe kumenya Yesu Christ, we mutsima w’ubugingo.
 Gusengera abasomali b’abakristo banzwe n’imiryango yabo.
 Gusaba Imana gukora ku mitima y’abakristo bo muri Etiyopiya y’amajyaruguru bakabasha gusangiza ijambo ry’Imana abasomali bo mu ntara z’amajyaruguru.
 Gusaba Imana kuzamura abigisha b’inyigisho za gikristo hagati mu basomali ndetse bakabasangiza urukundo rwa Kristo.
 Gusaba Imana gukuza amatsinda y’abanyamasengesho, amatsinda yo kuramya no guhimbaza ndetse n’amatsinda yo kubwiriza ijambo ry’Imana.
 Gusenga kugirango filime zivuga inkuru za Yesu zibashe kwamamara muri Somaliya.
 Gusaba Imana kuzamura amatorero ya gikristo mu bice bitandukanye byo muri Somaliya.

Source: Joshua project.net

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?