Dufatanye gusengera Abarabu,Abatuniziya bo mu(...)

Kwamamaza

agakiza

Dufatanye gusengera Abarabu,Abatuniziya bo mu gihugu cya Tuniziya

byanditswe na: Ubwanditsi     2019-09-30 14:41:02

agakiza

Mu rwego rwo kwifatanya n’abantu benshi batuye mu bihugu bitandukanye ku isi mu gusengera amoko ataragerwaho n’ubutumwa bwiza, twiyemeje gusengera Abarabu n’Abatuniziya batuye mu gihugu cya Tuniziya (Tunisia) kibarizwa ku mu gabane wa Afurika.

Tuniziya ni igihugu gifite abaturage 10.697.000 indimi zihuriweho na benshi ni Icyarabu n’Igituniziya (Arabic and Tunisian) ku byerekeranye n’imyemerere, umubare munini w’abatuye iki gihugu ni abayoboke b’idini ya Isilamu ku kigero kingana 99.40% naho abakristo ni 0.22%

Tuniziya nicyo igihugu gitoya muri Afurika y’amajyaruguru, gikunda gukurura ba mukerarugendo baje kureba inyanja ya Mediterane ndetse n’ubutayu bwa Sahara.

Imibereho y’abaturage bo muri Tuniziya
Ubukungu bwo mu gihugu cya Tuniziya bushingiye ahanini ku buhinzi ,ubucukuzi bw’amabuye y’agaciro n’ubukerarugendo. Abarabu bo muri Tunisia baba ari umuryango ushyize hamwe, wumvikana. Muri rusange, barakundana ikirenze kuri ibyo abantu bo muri iki gihugu bakunda kwakira abashyitsi.

Igihugu cya Tunisiya gifite umubare muremure w’urubyiruko rwize amashuri ahanitse 2/3 by’abaturage b’abarabu bari munsi y’imyaka 30. Ibi bituma habaho ibura ry’akazi muri ki gihugu aribyo bituma hakunda gukora imyigaragambyo bivumbura kuri Leta ya Tunisia.

Ibyo bizera
Abatuniziya b’Abarabu hafi ya bose ni abayoboke b’idini ya Isilamu. Muri rusange Isilamu niyo igenga umuco w’abaturage ba Tunisia.

Ibyo bakeneye
Muri iyi myaka, ibitangazamakuru bya gikristo (imbuga zandika inkuru za gikristo, televiziyo, ibiganiro byo ku maradiyo ndetse n’ubuhamya butandukanye) byarahererekanijwe muri Tunisiya bivuga kuri Yesu Kristo. Kugeza ubu habonetse amagana macye y’abizera Yesu mu ri iki gihugu. Ariko ikibazo gihari ni uko abakristo bahura n’ibibazo bikomeye birimo kwamburwa akazi, gutakaza imyanya bari bafite mu muryango mugari ndetse no gutotezwa n’ubuyobozi.

ibyifuzo byo gusengera

 Gusaba Imana guha imbaraga, gukomeza no kurinda umubare muto w’abizera Yesu bari muri Tuniziya.
 Gusengera Abakristo bo muri Tuniziya kugirango babone uburenganzira bwo gusangiza bagenzi babo ubutumwa bwiza.
 Gusenga kugirango Bibiliya ibashe guhindurwa mu rurimi rw’ibanze abaturage bose bahuriyeho muri Tunisia.
 Gusaba Imana ngo yongere umubare w’abantu baziba icyuho cy’Abarabu.
 Gusenga kugira ngo imiryango yose ihinduke abakristo
 Gusaba Imana kumenyekanisha itorero ryo muri Tuniziya ndetse no kunguka abizera bashya.
 Gusengera abayobozi bakomeye kugirango bareke amatorero ya gikristo ashingwe mu migi ndetse no mu byaro mu gihugu cya Tunisiya

Source: Joshua project.net

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?