Amasomo dukwiriye kwigira kuri Martin Luther(...)

Kwamamaza

agakiza

Amasomo dukwiriye kwigira kuri Martin Luther muri iki gihe cya coronavirus


Yanditswe na: Ubwanditsi     2020-04-03 08:58:41


Amasomo dukwiriye kwigira kuri Martin Luther muri iki gihe cya coronavirus

Martin Luther ni umudage akaba yari Professeur mu ishuri rya Bibiliya yakoze ivugurura mu mwaka wa 1527 igihe mu gihugu cy’Ubudage hateraga icyorezo cyahitanye benshi, Martin Luther yabajije abantu niba bishoboka guhunga (gucika ) icyo cyorezo ndetse agaragaza n’uruhare rwe uko abyumva.

Martin Luther yaravuze ati: “ ndasaba Imana kudufasha ku bw’ubuntu bwayo. Hanyuma nkirinda, ngafata imiti, nkirinda kujya ahantu bitari ngombwa ko njya mu rego rwo kugirango ntandura ndetse nkanduza n’abandi bigateza urupfu biturutse kutita ku mabwiriza.

"Niba Imana ishaka kunjyana, izambona injyane ariko nakoze icyo nagombaga gukora, ntabaye intandaro y’urupfu rwanjye ndetse n’abandi. Si byiza ko abantu bapfa bishwe no kutagira ubwenge cyangwa guhinyura”

Dore ingingo eshatu Martin Luther yatanze abantu bashobora kugenderaho bakaba mu mahoro mu gihe cy’icyorezo:

Kugira ubwenge:

Mu by’ukuri muri iyi minsi hari gahunda nziza yo kugira isuku hagamijwe gukumira icyorezo cya coronavirus. Martin Luther nawe muri kiriya gihe cye yashimangiraga icyo twakwita kwiheza uburyo bwose bushoboka umuntu akareka kujya ahatari ngombwa.

Igitecyerezo cye yashakaga kubwira abaturage bo mu Budage ko mu gihe bakora ingendo zitari ngombwa bashobora kwandura ndetse bakanduza n’abandi.

Martin yagize icyo avuga ku bantu bahora basaba uburinzi bw’Imana nyamara bo ubwabo ntacyo bakora ngo birinde ahubwo bagashinja Imana ko itarimo kurinda abantu, kuri we iki ni ikintu kitari cyiza.

N’ubwo hashize imyaka 500 icyorezo cyo mu budage kibaye ariko biratwigisha ko mu gihe isi ihanganye na COVID-19 dukwiye kugira ubwenge tugaha agaciro imiti yavumbuwe n’abahanga mu buvuzi ndetse tukirinda ikwirakwizwa rya coronavirus.

Kuba mu buzima bwo gukiranuka:

Luther yavuze ku bantu batinda cyane ku isengesho ryo kuvuga ngo Imana ibarinde ndetse agira icyo abivugaho ko Imana aho yashakira kumujyana (gupfa ) yabikora, kuri we icyo aha agaciro ni ugukora icyo asabwa gukora cyose agakiranuka hanyuma byaba ngombwa ko Imana imujyana akagenda yejejwe.

Benshi muri twe basenga bavuga ngo “Mana undinde uyu munsi” nyamara Martin Luther we yabonaga ko agomba gushyira ubuzima bwe bwose mu biganza by’Imana yumvaga ko agomba guhorana gukiranuka.

Gukundana bihagije:

Ubusanzwe gukundana ni itegeko ry’Imana, by’akarusho mu gihe isi ihanganye n’icyorezo cya coronavirus, dukwiye gukunda Imana ndetse na bagenzi bacu abadukeneyeho ubufasha tukabumva vuba.

esu yabajije abantu ati: byabamarira iki kugira ubukire bw’isi yose nyamara ukabura ubugingo buhoraho? (Matayo 16:26) ntacyo twakunguka twitaye ku by’umubiri nyamara roho igapfa, dukwiye kumenya uko twitwara.

Muri macye mu bihe bigoye turimo ntiducike intege, twizere Kristo niwe ufite ubuzima bwacu mu biganza bye. Yesu ni Emmanuel bisobanura ngo Imana iri kumwe natwe bityo yiteguye kutugirira neza.

Source: www.christiantoday.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?