Akira imbabazi z’Imana

Kwamamaza

agakiza

Akira imbabazi z’Imana


Yanditswe na: Ubwanditsi     2020-09-18 07:52:19


Akira imbabazi z’Imana

Imana ibonye imirimo yabo, uko bahindukiye bakareka inzira zabo mbi irigarura, ireka ibyago yari yabageneye. Yona 3: 10.

Ikinyamakuru Gosple Time.org, kibukije abantu inkuru yab’Inineve dusanga muri Bibiliya. Havugwamo ingingo ikomeye y’ukuntu Imana yaburiye uwo Mujyi ikawutumaho umuhanuzi Yona n’ubwo nyuma yabanje kwinangira, ariko amaherezo ubutumwa arabusohoza, Nineve barababarirwa.

“Haguruka ujye I Nenive wa murwa munini, uwuburire kuko ibyaha byabo birundanyije bikagera imbere yanjye” Yona 1:1

Rimwe na rimwe biragoye rwose kumva imikorere y’Imana . Hari ubwo tubona ibitubaho cyangwa tubona mu buhamya bw’abandi bikatwereka urukundo rwayo rutangaje ndetse ko n’imbabazi zayo zihoraho iteka ryose.

Ni muri uri urwo rwego, Imana yari yabwiye Nineve ko igiye kubatsemba, icyakora kuko baciye bugufi bakicuza ibyaha bagomeye Imana, byatumye Imana yigarura ibagirira imbabazi niko kurokoka k’uwo mujyi.

Nk’abakristo mu buzima bwacu bwa buri munsi, ni ingenzi cyane kumenya ko duhora mu ntambara turwana n’ibishaka kudutadutandukanya n’Imana. Ariko nanone intege nke ntizijya zibura muri uru rugendo rugana mu ijuru by’umwihariko no muri ubu buzima tubamo bwo kwigana Kristo, ubuzima bwo kwezwa. Hari ubwo rero bigera kure ibibi twakoze bikadutandukanya n’Imana, bikarema urusika rukomeye hagati yacu nayo. Ikiba gisigaye ni uko icyo kibazo kiri hagati yacu n’Umuremyi wacu tugikemura vuba na bwangu( kwezwa/ kwihana) .

Si byiza rwose gutindana ibyaha mu mutima wawe ukwiye kumenya ko, Imana n’ubwo yababajwe n’ibibi wayikoreye, kuri yo ikihutirwa si uguhana ahubwo ikiyibanza imbere ni ukubabarira. Nicyo cyatumye ibanza kohereza Yona ngo abanze aburire ab’Inineve. Nawe rero niba hari icyaha wumva cyakwizingiyeho mu mutima wawe gihora kikubuza amahoro, Yesu agutegeye amaboko ngo uze wihane.

Waba utari wakira Yesu nk’Umwami n’Umukiza w’Ubugingo bwawe? Ese urumva ushobora kuba warakoze ibibi bikabije? Ahari se umaze iminsi uterwa ubwoba na Satani akubwira ko Imana itakuzi? N’ayandi majwi nk’ayo abyiganira mu mutima wawe, Imana yiteguye kukuruhura kandi ikazaguha n’Ubugingo buhoraho.

Ni bibi cyane kwirengagiza Imabazi z’Imana

Twibukiranye ko nta cyaha na kimwe Imana itababarira, ariko nanone tumenye ko icyaha umuntu atihannye ngo akireke yakire imbabazi z’Imana, ntabwo kizihanganirwa (no Torelence). Ab’Inineve iyo badaca bugufi ngo bihane, bakire umuburo w’Imana, birashoboka ko uyu munsi tuba tubwirwa ko uwo mujyi wose warimbuwe bitewe no kwinangira bakanga imbabazi z’Imana.

Hari umuvugabutumwa umwe wagize ati « Imana ntizahana abantu kubera ko bakoze ibyaha, izabahora gusa ko banze kwakira incungu y’ibyaha bakoze » Ko banze kwemera amaraso Yesu yameneye ku musaraba kugira ngo acungure abazamwizera bose.

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?