Menya ibyo agakiza kuzuye gakiza

Kwamamaza

agakiza

Menya ibyo agakiza kuzuye gakiza


Yanditswe na: Ubwanditsi     2020-08-05 09:42:16


Menya ibyo agakiza kuzuye gakiza

Iyo umuntu amaze kwakira Yesu nk’umwami n’umukiza w’ubugingo bwe wenda amaze no kubatizwa, benshi bakunze guhita bavuga ngo ‘Yarakijijwe’. Ariko burya agakiza ni urugendo kandi kuri buri wese iyo akijijwe koko bimugaragaraho. Mwibuke ijambo riri mu (Befeso 6 : 17) Haravuga ngo « Mwakire agakiza kabe ingofero ». Niba umuntu wambaye ingofero ntawe utamubona, ubwo ninako umuntu wakijwe nawe akwiye kugaragarira buri wese. Nkuko tugiye kubibona muri iyi nyigisho, Turasobanukirwa neza ibikubiye mu gakiza , kuko abantu benshi baziko Agakiza ari ukuva mu byaha gusa.

Mu kiganiro ‘Ubutumwa bukiza’ gitambuka kuri Agakiza Tv, Pasiteri Habyarimana Desire yasobanuye ko burya bidahagije kuvuga gusa ko umuntu yakijijwe, urebeye kugukira ibyaha gusa.Yasobanuye muburyo burambuye ko agakiza kuzuye kagizwe no gukira ibyaha, gukira indwara, gukira imibabaro no gukira imivumo. Nibyiza ko umuntu yajya yikorera ubugenzuzi buri gihe kugirango arebeko hari intambwe arimo gutera kubigendanye no guhinduka, ahereye igihe yakirijwe.

Pasiteri Desire ati « Agakiza kuzuye icyambere kabarira ibyaha, niba utarababariwe ngo ube warahindutse kuba Umwana w’imana habe hari impinduka zabaye mu buzima bwawe, nibyiza ko watangira bundi bushya ugasubiramo uko bakizwa » Abantu bakwiriye kwitondera ubugingo buhoraho kuko hari ubwo umuntu yakwibeshya ko abufite, Kubera ko igihe umuntu azaba avuye mu mubiri cyangwa Yesu agarutse ntamahirwe azaba afite yokugaruka gukosora ibyo yishe. Ibyiza ni uko umuntu yareka gukerensa, akitonda akareba niba koko inzira anyuramo ari iy’ukuri.

Agakiza kuzuye gakiza indwara

Mu butumwa bwiza bwa Yesu uko bwanditswe na Mariko 16 : 17, Havugwamo ibimenyetso bizagumana n’abizera, harimo nogukira indwara. « Kandi ibimenyetso bizagumana n’abizera ngibi :bazirukana abadayimoni mu izina ryanjye, bazavuga indimi nshya. Bazafata inzoka kandi nibanywa ikintu kica ntacyo kizabatwara na hato, bazarambika ibiganza ku barwayi bakire. » Indwara zishobora kuza mu buryo busanzwe kuburyo bisaba ko umurwayi ajya kwa muganga kuko Imana ariyo yashyizeho abaganga. Ariko hari n’ubwo habaho indwara abaganga batavura.

Abantu basabwa kwimika Imana mbere y’ibindi byose, kuko igihe uburwayi bwananiwe n’abaganga haba hasigaye ah’Imana gusa. Itorero ryaba ridafite bene icyo kimenyetso cyo gukiza indwara zananiranye, muby’ukuri twavuga ko rifite ikibazo, kuko bishobora gutuma abakristo bajya mu ntege nkeya , bakagwa bakajya mu bapfumu, bakiringira imbaraga z’umwijima kandi Imana yakagombye gukorera imirimo hagati muri iryo torero, igakiza izo ndwara zananiranye.

Agakiza kuzuye gakiza imibabaro

Imibabaro ni urwunge rw’ibintu bitandukanye : Agahinda, Intimba n’ibikomere. Benshi bafite ibikomere kandi bitigeze bivurwa,Hari abakomerekeye mu muryango, Mu itorero hakaba n’abakomerekeye mu mateka mabi y’ibihugu nk’urwanda muri Genocide yakorewe abatutsi mu 1994, naho abandi bakomeretswa n’ ibidukikije. Nubwo biba bitoroshye kubishyikira, ariko abantu bagomba gutera intambwe bakegera Yesu akabakiza bene ibyo bikomere bitavuwe kubera ko aba ari ibyanzu satani yinjiriramo. Biragoye ko umuntu yuzura umwuka wera atarakira ibikomere, hari n’imigisha utabasha kwakira keretse ukize ibyo bikomere. Mu gitabo cy’umuhanuzi Yesaya 61 , Havuga ko Yesu ataje gukiza ibyaha gusa ahubwo yaje no kuvura imvune zo mumutima.

Agakiza kuzuye gakiza imivumo

Burya imivumo ikomoka mubisekuru byacu, aho tuba twarakuriye hatandukanye. Birababaje ko muri iki gihe hari abagoreka ubutumwa bwiza babwira abantu ko bashobora kubakuraho imivumo, Ariko se koko muby’ukuri niba amaraso ya Yesu abasha gukuraho ibyaha by’abantu, agakiza indwara, agakiza imibabaro, kubera iki imivumo yo atayikiza ? Igihe umuntu yateye intambwe yo kwezwa no guhinduka, ntacyatuma Yesu atamukiza umuvumo wa karande. Nibyiza kwiringira amaraso ya Yesu niyo yonyine yagukiza umivumo.

Umva inyigisho irambuye ku biranga agakiza kuzuye. Pasiteri H.desire

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?