Abavugabutumwa

Kwamamaza

agakiza

Kuri uyu wa 02/11/2013, Itorero rya ADEPR Paruwasi ya Butare ryafunguye umudugudu mushya witwa Rehoboth.

Umuhango wo gufungura uyu mudugudu mushya wari uyobowe na Rev. Pasteur Ruganza Emmanuel, witabirwa n’abayobozi batandukanye bo muri Paroisse ya Butare barimo Pasteur Segatarama Faustin na Pasteur Mulisa Augustin. Hari amakorali nka Korali Bumbogo, Wisigara, Voix de la Paix, En-hakkore, Abategereje Yesu na korali ikorera umurimo w’Imana kuri uyu mudugudu.

Uyu mudugudu utangiranye Abakritso 70, bashoboye gutangiza umushinga w’inyubako y’urusengero rujyanye n’icterekezo ubu rugeze ku madirishya. Uyu mudugudu kandi ufite korali imwe. Mwalimu wahawe inkoni yo kuyobora uwo mukumbi ni Twagirimana Casmir usanzwe afite inararibonye kuko amaze imyaka 21 ari umudiyakoni ukuriye abandi ku mudugudu wa ADEPR Bumbogo.

Mu ijambo Rev. Pasteur Ruganza yavugiye muri uwo muhango, yatanze ubutumwa agira ati “Muhamagariwe guhindura abantu, bakakira Kristo; kurwanya ubujiji; kwiga imishinga y’iterambere; kwita ku mibereho myiza hatangwa mutuelle de santé no kuba umusemburo w’umuti mu kurwanya ibibazo bikunze kuboneka mu bashakanye.”

Mu ijambo ry’Imana ryahavugiwe riboneka muri Yosuwa 1:3 “Aho muzakandagira hose ndahabahaye nk’uko nabwiyte Mose…” Nyuma y’ijambo ry’Imana, abagera kuri 4 bahise bakira Kristo nk’Umwami wabo n’Umukiza.

Mutesa Epimaque