kuva amaraso mu kanwa biterwa n’iki? ni gute(...)

Kwamamaza

agakiza

kuva amaraso mu kanwa biterwa n’iki? ni gute wabyivura?


Yanditswe na: Ubwanditsi     2020-06-09 09:43:01


kuva amaraso mu kanwa biterwa n’iki? ni gute wabyivura?

kuva amaraso mu ishinya (gingivitis) ni ubwoko bw’indwara iterwa na bagiteri iyi ndwara yangiza amenyo kandi igatuma imitsi yo mu ishinya iryana bigatuma amenyo atukura cyangwa akijima tutirengagije no kuva amaraso.iyi ndwara akenshi iterwa n’umwanda uba witekeye mu menyo bikazana microbes nyinshi zikangiza ishinya.

Ese kuva amaraso mu kanwa biterwa n’iki?

Iyi ndwara iterwa n’umwanda wo mu kanwa ariho microbes zigenda zikirunda mu kanwa zigatangira kwangiza ishinya, ikabimba noneho ikagera aho itangira kuva amaraso ibi bigeza aho ubona ishinya yarashize ku menyo asigaye yonyine.

Koza amenyo nabi. Ibi bituruka ku mpamvu zitandukanye ; harimo koza mu kanwa n’imbaraga nyinshi ndetse ugenda umujyo umwe. Ubundi koza amenyo ugomba kujya hasi hejuru hirya no hino ; bitari ukugenda hirya no hino gusa.

Koza mu kanwa ukimara kurya. Ibi nabyo bituma ishinya yangirika ukaba wava amaraso, ibyiza ni ugutegereza akanya gato nyuma yo kurya.

Imiti y’amenyo ukoresha. Hari imiti imwe n’imwe yoza amenyo igaragaramo ibintu byangiza ishinya yawe.

Gukoresha uburoso bukomeye cyangwa bushaje (uburoso bw’amenyo ntibugomba kurenza amezi 3 ukibukoresha)

kunywa itabi: ubushakashatsi bwagaragaje ko itabi ari kimwe mu bintu bikomeye byangiza ishinya ndetse rigatera n’ubundi burwayi bwangiza inzira z’ubuhumekero.

stress: ubushakashatsi bwagaragaje ko stress yangiza ubwirinzi bw’umubiri bityo ugasnga umubiri udashoboye kurwanya microbes cyangwa ibindi bintu biza kwangiza umubiri.

imirire mike: iyo umubiri utabashije kubona intungamubiri zihagije, ubushobozi bwawo mu kurwanya indwara buragabanuka ndetse bugashira.

Dore uburyo wakoresha wivura kuva amaraso mu ishinya:

Amazi arimo umunyu : Mbere yo kuryama nijoro, fata amazi y’akazuyazi uyavangemo akunyu gacye (mu gakombe k’amazi shyiramo agace k’akayiko k’umunyu) maze wunyuguze mu kanwa ucira (bikore kugeza ku munota 1) ibi byirukana za mikorobe zashoboraga gufata ku ishinya, bikanarinda impumuro mbi mu kanwa

bicarbonate na Peroxyde d’hydrogene :ugura umunyu ugurishwa muri farumasi witwa bicarbonate na peroxyde d’hydrogene (cyangwa eau oxygénée ubajije muri farumasi bayiguha, yo ni amazi) mu gihe utayibonye ushobora gukoresha indimu nayo ikora akazi kamwe, byombi urabivanga ku rugero rukwiye, ku buryo biba nk’umuti usanzwe wogesha amenyo, uru ruvange urukoresha mu koza amenyo cyane cyane wibanda aho hari ibyo bintu bikomeye. Uru ruvange rufasha mu gukuraho ibyo bifata ku menyo, mu guhumuza mu kanwa ndetse no kugira amenyo yererana.

Ibibabi by’imyembe : Fata ibibabi by’imyembe (bisukuye neza) ubishyire muri litiro y’amazi yabize neza hanyuma ubitereke bihore. Iyo bimaze guhora neza ushobora kubijundika mu kanwa ubizunguza hanyuma ugacira.

Imiti yoza mu kanwa : Hari imiti yoza mu kanwa iboneka muri pharmacie zitandukanye (mouthwash). Ariko niba udashoboye kuwigurira nta kibazo dore uburyo wawikorera ; fata igikombe cy’amazi ushyiremo akayiko 1 ka vinaigre cg umutobe w’indimu hanyuma ubikoreshe buri gitondo. Ushobora no kubinywa nta kibazo

source: www.crest.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?