Yanditse indirimbo 8000! Fanny Crosby wagize(...)

Kwamamaza

agakiza

Yanditse indirimbo 8000! Fanny Crosby wagize uruhare rukomeye muri Gosple Music: Menya ibidasanzwe kuri we


Yanditswe na: Ubwanditsi     2021-09-13 05:33:22


Yanditse indirimbo 8000! Fanny Crosby wagize uruhare rukomeye muri Gosple Music: Menya ibidasanzwe kuri we

Fanny Crosby yari umuhanzi w’indirimbo zihimbaza Imana, yanditse indirimbo ziramya Imana zirenga 8000 n’izindi z’ubutumwa bwiza(Gospel), kandi ikintu cyari gitangaje kuri we ni uko yabikoze afite ubumuga bwo kutabona(Yari impumyi)

Frances Jane van Alstyne (Fanny) yavutse 24 Werurwe, mu 1820 mu cyaro cyo mu majyepfo y’iburasirazuba bwa New York. Yatakaje amaso ye kubera enfegisiyo(Infection) biturutse ku burangare bw’abaganga ubwo yavurwaga mu gihe yari afite ibyumweru bitandatu avutse.

Kubera ubuhumyi, amafoto yose amwerekana yambaye amarinete y’ijimye kandi bigatanga ishusho y’umugore w’icyubahiro, usanzwe kandi ukomeye. Itandukaniro rye: Fanny yari umuntu utuje, ususurutse kandi wishimye.

Nubwo bimeze bityo ariko, Fanny yakuriye mu muryango wiyemeje kumuha uburere bwiza bushoboka kandi yiga Bibiliya. Fanny yiyemeje hakiri kare gukurikira Kristo kandi yaharaniye kwishakira urwibutso, yiga ibitabo byose bya Bibiliya, abizirika ku nkingi y’umutima we.

Fanny afite imyaka cumi n’itanu, yagiye mu kigo cya New York Institute for Blind, aho yagombaga kumara imyaka makumyabiri n’itatu: Cumi n’ibiri nkumunyeshuri na cumi n’umwe nkumwarimu. Yateje imbere impano ye yo kuririmba kandi yiga gucuranga ibicurangisho bitandukanye. Ikigo kandi cyamushishikarije guteza imbere impano ye yo guhimba imivugo. Umuvugizi ushoboye, Fanny yaharaniye uburezi bwiza ku bafite ubumuga, yanabaye umugore wa mbere wavuze muri Sena ya Amerika.

Fanny yahoraga agaragaza ko yizera imivugo n’indirimbo kandi yarushagaho gushakishwa nk’umwanditsi w’indirimbo za gikristo. Nubwo yamamaye cyane nk’uyobora inama akaba n’umuvugabutumwa, yakomeje kugira uruhare mu itorero rye. Yirengagije ubuhumyi bwe agira uruhare mu bikorwa bya gikristo yita ku bakene mri New York, ndetse akora nk’umuforomokazi mu gihe cy’icyorezo cya kolera muw’1849.

Mu 1858, Fanny yashakanye na Alexander van Alstyne, Babyaranye umukobwa umwe wapfuye nyuma gato yo kuvuka: Indirmbo ya menyekanishije Fanny ni’ Safe in the Arms of Jesus’’Umutekano mu biganza byaYesu’. Fanny yabayeho kugeza mu 1915, apfa afite imyaka idasanzwe kuko icyo gihe yari mirongo cyenda n’ine.

Fanny yari afite ubushobozi butangaje bwo kwandika amagambo; yabihimbiraga mu bitekerezo bye hanyuma akabona kubyandika. Yashoboraga gukora ku muvuduko udasanzwe, rimwe na rimwe agakora indirimbo zirindwi ku munsi.

Yamaze imyaka mirongo itatu yandikira indirimbo Ira Sankey, umuririmbyi wamuherekezaga mu ivugabutumwa (D.L. Moody) mu bikorwa bye by’ivugabutumwa bidasanzwe, kandi abantu benshi bafashe icyemezo cyo kwakira Kristo Yesu mu gihe amagambo ye yaririmbwaga. Indirimbo nyinshi za Fanny ziracyaririmbwa mu rusengero no kugeza n’ubu. Harimo ’Ibyiringiro Byiza’, ’Mu nzira zose Mukiza wanjye anyobora’, ’Mumushimire, Mumushimire’, ’Imana ihabwe icyubahiro’ na ’Yesu Unkomereze hafi y’umusaraba’.

Tewolojiya ya Fanny yari yoroshye kandi ishingiye kuri Kristo. Ikigaragara ni uko mu gihe Amerika yarushagaho kwakira abimukira bari bazi icyongereza kidahagije, amagambo ye yari yoroshye kuyumva no guhindura abantu. Indirimbo ze zakoze impinduramatwara mu buzima bwa gikristo, kandi byatanze umusaruro ukomeyemuri ’Gospel music’ n’indirimbo zo kuramya Imana. Mu 1975, nibwo yaje kwitaba Imana.

Fanny Crosby yari umugore udasanzwe, kandi hari ibyo twamwigiraho nk’itorero rya none:

Icya mbere ni uko yerekanye ubwitange budasanzwe mu kwamamaza ubutumwa bwiza. Reka tubirebere muri iyi shusho, nta muntu ushobora kwandika indirimbo 8000 adafite urwego rukomeye rwo kwitanga! Mu ndirimbo ze, Fanny ntabwo yavuze ku kwizera kwe gusa ahubwo yanavuze ku cyifuzo cye gikomeye cy’uko abandi baza kuri Yesu Kristo. Yavuze ko ashaka kumenyekanisha Kristo Yesu ku bantu ama miliyoni binyuze mu ndirimbo ze: Fanny yerekanye ubwitange bwe atari mu magambo ye gusa, ahubwo no mu bikorwa bye. Yahaye Yesu byose!

Icya kabiri, yageze ku itumanaho ridasanzwe ry’ubutumwa bwiza. Ivugabutumwa ni ukuvugana neza, mu magambo ahinnye no kugira impuhwe mu gutambutsa ubutumwa bwiza bwa Yesu Kristo, kandi rwose Fanny Crosby yari umuvugizi n’umuvugabutumwa udasanzwe muri ubwo buryo.

Hanyuma, ikindi yerekanye kunyurwa mu butumwa bwiza yatambutsaga. Mu buzima bw’ubumuga, ingorane no gutenguhwa, Fanny ntiyabonye ihumure muri Yesu Kristo gusa, yabonye no kunyurwa. Umurongo we wa mbere, wanditswe afite imyaka umunani, wagaragaje ko atigeze yiyanga mu buzima bwe: ’Yoo! mbega umutima wishimye! Nubwo ntashobora kubona, Niyemeje ko kuri iyi si Nzanyurwa. ’

Reka natwe tubeho ubuzima bushimishije kandi twerekane umunezero wa Kristo Yesu muri twe, nubwo twaba twaratengushywe.

Source: Christian Today

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?