Wasobanukiwe ko ugukomera kose kutari muri(...)

Kwamamaza

agakiza

Wasobanukiwe ko ugukomera kose kutari muri Kristo Yesu kuzagira ingaruka mbi?


Yanditswe na: Ubwanditsi     2020-12-26 07:40:24


Wasobanukiwe ko ugukomera kose kutari muri Kristo Yesu kuzagira ingaruka mbi?

Yesu ni Imana mu butatu bwera, nta cyaremwe mu isi kitaremwe na we. Wasobanura ute ukuntu Imana yashinze ijuru nta nkingi rizifashe rikaba ritatugwira?, wasobanura ute ukuntu isi igizwe na 2/3 by’amazi, ayo mazi akaba atadutwara?. Wasobanura ute ukuntu ibyo yaremye batararangiza kubivumbura?. Hejuru y’abakomeye bose hari ukomeye kubaratu, ni Yesu!

"Nuko umwana yatuvukiye duhawe umwana w’umuhungu, ubutware buzaba ku bitugu bye. Azitwa igitangaza, umujyanama, Imana ikomeye, Data wa twese uhoraho, Umwami w’amahoro". Yesaya 5: 9.

Mu mazina 7 Yesaya yahanuye ko Yesu azitwa, uyu munsi turagaruka ku izina rya 4, ‘ Imana ikomeye’. Ni mu kiganiro ‘Ubutumwa bukiza’ gitegurwa kikanatambutswa na Pasiteri Desire Habyarimana kuri Agakiza Tv.

Iyo tuvuze ugukomera kw’Imana, biragoye ko twabona igisobanuro neza kijyanye no gukomera kwayo, kuko tutazi neza aho kugarukira. Pawulo yavuze ko ‘ Duhanura agace, tubwiriza agace ibyuzuye byose tuzabimenya tugeze mu Bwami bw’Imana’, Imana irakomeye gusa nta kindi twabona twarenzaho.

Gukomera kw’Imana hari igihe tukugereranya n’ukwabantu, muby’ukuri mu isi dufite abantu bakomeye pe!. Imana yabwiye Dawidi ngo ‘Nzaguha izina rihwanye n’iry’abakomeye bo mu isi’, ariko ntabwo bakomeye kukigero gihwanye no gukomera kw’Imana. Gukomera kwayo kugaragarira mu byo yaremye.

Imana ni Imana nya Mana. Mwibuke ko hari izindi mana zitari Imana zikorwa n’abantu babaza mu mashusho bakaziramya, izo banura imvura iguye. Ibyo ni ibigirwamana, ariko Imana yo ni Imana nyaMamana, ibyo ikora birafatika, irumva, irareba, iravuga ibera hose icyarimwe, muby’ukuri ntitwarondora ugukomera kwayo.

Dore bike mu biranga Yesu

Imana ni Umwami w’abami

Ibihugu byo mu isi bigerageza kuyobora ibindi bihugu bagasa nk’aho bayoboye isi ariko hejuru y’abo bakomeye hari undi Mwami ukomeye. Ni Umwami w’abami kubera ko abo bandi barakomera bagasaza bakageza igihe bakanapfa. Imana ni Imana ikomeye, urebye nk’ibyabaye kwa Farawo mu gihe cyose yayoboye yari akomeye. Yayoboraga Ampire( Impire), ariko ibyago icumi bahanishijwe byabagaragarije gukomera kw’Imana, byaberetse ko Imana ari Imana ikomeye.

Uzakomera, uzatera imbere, uzagira imigisha, uzagira izina ryogeye ni byiza ariko ukwiye kumenya ko hejuru yawe hari yo Imana ikomeye kuruta abantu bose bo ku isi. Iyo ukwiye kuyubaha kandi ukayitinya.

Ni Imana igira imbaraga nyinshi

Twavuze ko iyo ushaka kumenya Imana uyibonera mubyo yaremye. Iyo urebye ibyo yaremye uko biteye, uko bikora nibwo uhita ubona imbaraga z’Imana. Ni imbaraga z’Imana zikiza Kanseri, Sida, Diyabete, ni Imana ifata ibitariho ikabigira ibiriho. Ni umuremyi, ni Imana igira imbaraga nyinshi, ni Imana iteye ubwoba.

Ni Imana itita ku cyubahiro cy’abantu

Ni yo igitanga ikagiha abantu ariko ntiwayikangisha icyubahiro cyawe. Tuzi abantu bakomeye ku isi ubu batakibukwa, bakomeye mu gihe cyabo ariko ubu baribagiranye. Hirya yo gukomera kwacu dukwiye kumenya ko hari Imana ikomeye.

Ni Imana ibera hose icyarimwe

Iyo tuvuze ngo ni Imana ibera hose icyarimwe, iyo urebye ingendo abantu bakora bava mu mugabane bajya ku wundi ukareba amafaranga bitwara birahenze cyane. Muby’ukuri Imana yo ibera hose icyarimwe. Tugeze mu gihe cy’ikoranabuhanga aho umuntu ashobora kumenya amakuru yo muri Amerika cyangwa iburayi ariko nta muntu ubera hose icyarimwe.

Imana imenya byose, ushaka kubimenya nawe mwaba inshuti ikakumenera ibanga ry’ibirimbere n’ibizakubaho.

Ushaka kuba mukuru akorere abandi( abe mu nsi y’abandi)

Yesu yatanze urwo rugero yoza ibirenge by’abigishwa. Wibuke ko hirya y’uko uri Apotre, umushumba, uri musenyeri, uri nyakubahwa Imana ibishimirwe, ariko hejuru yawe hari Yesu ukomeye ntuzamusuzugure. Ujye umubaza ngo ‘ Wowe Yesu nyiri ntama iri torero ndikorere iki?, aba bantu wampaye kuyobora mbayobore gute?. Yesu ni we ukomeye kuruta bose.

1Petero 5: 16 havuga ngo ‘ Mwese mukenyere kwicisha bugufi, kuko Imana irwanya abibone abicisha bugufi Imana ikabahera Ubuntu. Mwicishe bugufi muri munsi y’ukuboko kw’Imana izabashyira hejuru mu gihe gikwiriye’. Hirya yo gukomera ukwiye kubaho wicisha bugufi ukubaha Imana ikomeye.

Hari ubwo umuntu akomera Yesu atabigizemo uruhare

Hari ubwo umuntu abeshya, akagambana, ngo akunde akomere ariko wibuke imbuto yose ubibye uzayisarura. Niba ugambanira abandi nawe bazakugambanira, niba kandi wiba abandi nabo bazakwiba. Ibyo wabonye mu buriganya nawe bazabikuriganya.

Gukomera kose wagira Yesu atagizemo uruhare kuzagira ingaruka mbi!, ariko gukomera Yesu yagizemo uruhare bizaba uruhererekane rw’umugisha no kubazagukomokaho.

Reba hano inyigisho yose: Muri Kristo Yesu niho dukomerera/Ugukomera kose wagira atabigizemo uruhare bizagira ingaruka mbi

Source: Agakiza Tv

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?