Wari uzi ko ari ingenzi gutondagura inshinga"gukun

Kwamamaza

agakiza

Wari uzi ko ari ingenzi gutondagura inshinga"gukunda"mu ndagihe


Yanditswe na: Ubwanditsi     2020-08-07 07:50:06


Wari uzi ko ari ingenzi gutondagura inshinga

Bakundwa dukundane kuko urukundo ruva ku Mana. Umuntu wese ukunda yabyawe n’Imana kandi azi Imana. Udakunda ntazi Imana kuko Imana (1Yohana 4: 7-8)

Bibiliya itwereka ko Imana yadukunze urukundo ruhoraho (Yeremiya 31: 3), ibi bisobanuye ko urukundo rw’Imana ruhoraho ibihe byose rudahinduka. Imana itondagura inshinga gukunda mu ndagihe kuko ihoraho ibihe byose, niyo mpamvu iduhamagarira gukundana none.

Indirimbo nyinshi, filime na televiziyo, akenshi bivuga ku rukundo rwahise aho usanga umutwe wa filime wanditse utya: "Twarakundanye" ariko urukundo rwo mu bihe byashize biba ari ukuri kubabaje ku bashakanye benshi. Si byiza rero ku bantu baba ababana cyangwa abandi muri rusange kuko aho kuvuga ngo twarakundanye, wavuga turakundana kuko akenshi twarakundanye ishobora kugaragaza kwicuza gukomeye ko urwo rukundo rutagihari.

Mubyukuri kwegera Imana no kuyicira bugufi ni cyo kintu cy’ingenzi kizagufasha kuvugurura urukundo rwawe rukajya mu ndagihe hatabayemo urwicyekwe kuko umuntu udafite Imana ntaba afite urukundo nyakuri kandi ntaba akorera mu mucyo.

Abandi batondagura inshinga gukunda mu nzagihe (futur) batigeze bayitondagura mu ndagihe (present) ugasnga umuntu abwiye undi ati: "nuhinduka, niwitonda, nukora ibi n’ibi, nzagukunda ". Uyu muntu aba afata mugenzi we nk’aho atujuje ibisabwa kugirango akundwe, iyo imyitwarire nk’iyi igeze mu bashakanye cyangwa abakundana, biba biganisha ku gusenyuka k’urukundo rwabo.

Imana yadukunze tutari abo kwemerwa

Birashoboka waba ufite indoto z’umugabo cyangwa umugore ushobora gukunda, ese azinjira mu bitekerezo byawe ryari? ushobora gutegereza igihe kirekire bikarangira utabashije kumukunda, hindura imyitwarire yawe umukunde uko ari kuko urukundo rwa none rushobora kuzatanga umusaruro mu gihe kizaza.

Imana ikunda mu ndagihe, ntiyategereje ko tuba beza bo gukundwa, ariko urukundo rwayo rwahinduye ubuzima bwacu.

Muri macye urukundo ni ingenzi kandi nk’abakristo ntidukwiye gushyiraho amahame avuga ngo nzakunda umuntu ariko yakoze ibi n’ibi. Dukwiye gutondagura inshinga gukunda mu ndagihe ntidutegereze kuzakunda mu nzagihe kuko Imana natwe idukunda ibihe byose.

Source: www.
topchretien.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?