Waba ugifitiye Umumaro Itorero?

Kwamamaza

agakiza

Waba ugifitiye Umumaro Itorero?


Yanditswe na: Ubwanditsi     2020-08-07 05:49:56


Waba ugifitiye Umumaro Itorero?

Nuko twubaka inkike yose turayirangiza, ariko yari igicagase kuko abantu bari bagize umwete wo gukora. Nehemiya 3: 38

Reka twibukiranye aya mateka mu magambo make

Ubwami bwa Babuloni bwatsinze Isiraheli bituma Abisiraheli batatanira hirya no hino. Ntibyarangiriye aho kuko Yerusalemu nayo yahuye n’akaga gakomeye, inkike zarasenywe, amarembo yaho ahinduka icyavu . Icyakurikiyeho ni uko Abaperesi baje gukomera kungoma yabo ubwo bari batwaye Babuloni.

Aha niho Nehemiya yari yaranyagiwe hamwe na bagenzi be.Yaje kumenye amakuru y’uko Yerusalemu yabaye igitutsi, ashenjagurwa n’agahinda k’Umurwa w’Imana . Ibyo byatumye yinginga Umwami w’Ubuperesi ngo amureke ajye i Yerusalemu kongera kubaka inkike zaho, agira umugisha ahabwa uburenganzira. Nubwo bitamworoheye ubwo yari arimo kongera kubaka agahura n’abamurwanya kumurimo, yabonye ukuboko kw’Imana ye , abwira abasigaye i Yeruzalemu impamvu yari aho baramwumva bafatanya umurimo w’Imana. Inkike zitangira gusanwa Umurwa w’Imana uvanwaho igitutsi.

Abategetsi, abakora imibavu, abanyabukorikori ba zahabu, n’abacuruzi, bari bamwe mu bantu bagize uruhare mu kongera kubaka inkike z’ Iyerusalemu bafatanyije na Nehemiya. Icyo gihe ntibyasabaga ko Imana ikenera abantu b’abahanga cyane , ahubwo yari ikeneye abafite ihsyaka n’umutwaro wo kongera kubaka. Abongeye kubaka Yerusalemu babikoze bafite ishyaka n’umuhate nubwo banahuraga n’ababaca intege, ikindi ni uko banubakaga biteguye no kurwana Nehemiya 4:4-17 , ntibigeze bashyigikira nagato ko umurimo w’Imana udeha.

Iyi ni indorerwamo nziza Abakristo bakwiye kwireberamo uyu munsi wanone

Ntagushidikanya ko buri wese wahamagawe n’Imana hari umusaruro yari imutegerejemo. Gusa iyo urebye muri iki gihe uko umurimo w’Imana wagiye usubira inyuma, n’uko abantu bagiye bacogora bikanagaragazwa no kugwa kwa benshi hirya no hino mubizeraga Imana, uwavuga ko twatengushye Imana ntiyaba abeshye. Nubwo ubuzima bw’uyu munsi bwarushaho gukomera , ibigeragezo bikaza intambara zikiyongera, nta ngingo n’imwe dushobora kubona iturengera yo gucogora mu murimo w’Imana.

Mumpera z’umwaka wa 2019, icyorezo cya Covid 19 cyagwiririye isi, bigira ingaruka k’ubukungu bw’ibihugu byose, birumvikana ko n’Abakristo byabagizeho ingaruka mu nguni zose z’ubuzima bwa buri munsi. Turanabyibuka neza ko noguteranira hamwe mu nsengero byahise bihagarikwa hagamijwe kwirinda ikwirakwira ry’icyo cyorezo .

Hari ubwo abantu bashobora kwibeshya ko hajya habaho ikiruhuko mumurimo w’Imana ariko siko biri. Muby’ukuri niba Nehemiya n’abantu bake bari kumwe barabashije kongera kubaka Iyerusalemu mubihe byari bigoye baranahigwaga, Natwe uyu munsi twari dukwiye kwisubiramo tukita kuby’Imana yadusigarije gukora, tutitwaje ko turi mubihe bibi, ko twahuye n’ibihombo, n’ibindi. Hari abantu uzi basubiye inyuma bava mubyizerwa , hari kandi abatarakira Yesu nk’Umwami n’umukiza mu bugingo bwabo, wari ukwiye kugira icyo ukora.

Kora umurimo w’Imana Urinda agakiza kawe

“ Abubakaga inkike n’abikoreraga n’ababakoreraga, umuntu wese yakoreshaga ukuboko kumwe ukundi gufashe inwaro ye y’Intambara. N’abubatsi umuntu wese yabaga afite inkota ye mu rukenyerero akubaka ameze atyo, n’uwavuzaga ikondera yabaga ari iruhande rwanjye” Nehemiya 4:11-12

Gukora umurimo w’Ima ni kimwe kandi no kubaho ubuzima bwejejwe ni ikindi, ntabwo satani yishimiye ko dukorera Imana ninayo mpamvu ahora arwanya abakristo ariko dukwiye kuba twiteguye kumurwanya, tukabaho twirinda icyaha n’igisa nacyo. Abakristo dukwiye gusenga Imana ubudacogora twishyingikirije inkota y’Umwuka ariryo jambo ry’Imana. Umwuka Wera niwe muyobozi muri uyu murimo, Imirimo yose dukorera Imana tukiri mu isi izibukwa. Icyakora twibuke ko byose bikorwa umuntu yejejwe kuko Imirimo izaherekeza ubugingo bwejejwe ubwo umwami Yesu Kristo azaba agarutse gutwara Itorero.

[email protected]

Source: The Gosple Time

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?