Ushaka guca ukubiri n’akaga gaterwa na(...)

Kwamamaza

agakiza

Ushaka guca ukubiri n’akaga gaterwa na telefoni? Dore icyo wakora


Yanditswe na: Ubwanditsi     2021-06-28 08:45:31


Ushaka guca ukubiri n’akaga gaterwa na telefoni? Dore icyo wakora

Muri iki gihe isi yihuta mu iterambere, ikoranabuhanga na ryo rirakataje aho abantu baganira inyumvankumve cyangwa imbonakubone bakoresheje telephone. Nubwo ari byiza gukoresha telephone , hari ibyo abantu bakwiriye kwitondera kuko kuyikoresha nabi bishobora kwangiza ubwonko bikaba byabutera kanseri.

Nyamara nubwo izi telefoni zigendanwa zikomeje kwiyongera mu bantu, zifite ingaruka mbi ku buzima bw’abazikoresha harimo no kwandura kanseri y’ubwonko.

Ubushakashatsi bwakozwe n’impuguke z’Abafaransa bwemeza ko umuntu ukoresha telefone igendanwa nibura iminota 30 ku munsi, mu myaka icumi ashobora kuba amaze gufatwa n’iyi kanseri. Wari wumva ufite umunaniro, umunabi utazi aho bituruka? Akenshi gukoresha telephone igihe kirekire, bitera umuntu kumva afite umunaniro atazi aho uturuka, umunabi n’ibindi.

Dore zimwe mu nama ugomba gukurikiza mu rwego rwo kwirinda ingaruka mbi za telefoni:

1. Kutavugira kuri telefone igihe uri kugenda. Waba urimo kugenda n’amaguru, imodoka, igare n’ibindi.

2. Kwirinda kubika telefoni igendanwa mu mufuka w’ipantalo kuko byangiza imyanya myibarukiro.

3. Gushyira telefone igendanwa nibura muri cm 50 uvuye aho umutwe wawe uri igihe uryamye. Binashobotse nijoro jya urara uzimije telefone.

4. Ku bagore batwite, birabujijwe gukoresha telefoni kuko birinda umwana uri mu nda. Abana bari munsi y’imyaka 15 na bo ntibemerewe gukoresha iyi telefone igendanwa.

5. Kugabanya inshuro no gushyira intera mu ikoreshwa rya telefone.

6. Guhinduranya amatwi igihe uvugira kuri telephone, si byiza ko ukoresha ugutwi kumwe kugeza igihe gushyushye.

7. Ni byiza gukoresha ubutumwa bugufi (SMS) kuko bigabanya ingaruka ziterwa na telefoni igendanwa.

8. Kutavugira kuri telefone igendanwa igihe utwaye imodoka. Uretse ko byateza n’impanuka, ingaruka zikagera no ku bo utwaye.

9. Kwirinda ko telefone ari yo ugira igikoresho kikubyutsa cyangwa kikwibutsa (alarm)

10. Biba byiza gukoresha ekuteri zo mu matwi (ecouteurs) mu gihe uvugira kuri telefoni kuruta kuyishyira ku gutwi uko yakabaye.

Muri macye, kugira ngo tugire ubuzima buzira umuze, birakwiriye kubahiriza amabwiriza yose agenga imikoreshereze ya telephone kuko amagara araseseka ntayorwa.

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?