Umwuka Wera Ni nde?

Kwamamaza

agakiza

Umwuka Wera Ni nde?


Yanditswe na: Ubwanditsi     2021-05-19 04:52:08


Umwuka Wera Ni nde?

Nubwo Umwuka Wera ataboneshwa amaso, ariko ariho kandi ni ukuri. Umwuka Wera ni umwe mu butatu, naho abantu batabisobanukirwa neza. Mu migani n’ibinyoma byagiye bihurirwaho na benshi, hari aho bagiye bafata Umwuka Wera nk’imbaraga z’umwijima. Muribuka ubwo yamanukiraga intumwa, abari bashungereye baravuze ngo “Basinze”. Nta nakimwe gishobora kuruta ukuri kandi itorero ritamufite ntiryabaho, ni ngombwa ko rimugira kandi rigasobanukirwa imikorere ye.

1.Umwuka Wera ni umuntu aratakereza, ashobora kubabara cyangwa kugira agahinda. Hari abashobora kumutuka cyangwa kumurwanya.

Matayo 12:31 hagira hati” Ni cyo gitumye mbabwira yuko abantu bazababarirwa icyaha cyose n’igitutsi, ariko gutuka Umwuka ni icyaha kitazababarirwa.”

Ibyakozwe n’Intumwa 7:51 : “Yemwe abatagonda ijosi, mwe abatakebwe mu mitima no mu matwi, iteka murwanya Umwuka Wera! Uko ba sekuruza wanyu bakoraga ni ko namwe mukora."

Abefeso 4:30: Kandi ntimuteze agahinda Umwuka Wera w’Imana wabashyiriweho kuba ikimenyetso, kugeza ku munsi wo gucungurwa.

Abaheburayo 10:29: Nkanswe ukandagiye Umwana w’Imana, agakerensa amaraso y’isezerano yamwejesheje, agahemura Umwuka utanga ubuntu! Ntimugira ngo azaba akwiriye igihano gikabije cyane kuruta bya bindi?

Yesaya 63:10: Ariko baragoma bababaza Umwuka we wera, bituma ahinduka umwanzi wabo ndetse ubwe arwana na bo.

2. Umwuka Wera agira imigambi, yerekana ubushake n’ubushishozi, arakunda, aravugana, ahamiriza umuntu, arigisha kandi arasenga. Ibi nibyo b’imutandukanya n’umuntu usanzwe.

Yohana 16:13: Uwo Mwuka w’ukuri naza azabayobora mu kuri kose kuko atazavuga ku bwe, ahubwo ibyo azumva ni byo azavuga, kandi azababwira ibyenda kubaho.

Nehemiya 9:20: Kandi watanze umwuka wawe mwiza wo kubigisha, ntiwabimye manu yawe yo kurya, bagize inyota ubaha amazi.

Yohana 15:26: Umufasha naza, uwo nzaboherereza ava kuri Data, ari we Mwuka w’ukuri ukomoka kuri Data, azampamya.

Ibyakozwe n’Intumwa: 13:2: Ubwo basengaga Umwami Imana biyiriza ubusa, Umwuka Wera yarababwiye ati “Mundobanurire Barinaba na Sawuli, bankorere umurimo mbahamagariye gukora.”

Abaroma 8:26-30: Uko ni ko n’Umwuka adufasha mu ntege nke zacu kuko tutazi uko dukwiriye gusenga, ariko Umwuka ubwe ni we udusabira aniha iminiho itavugwa, kandi Irondora imitima izi ibyo Umwuka atekereza, kuko Umwuka asabira abera nk’uko Imana ishaka. Kandi tuzi yuko ku bakunda Imana byose bifataniriza hamwe kubazanira ibyiza, ari bo bahamagawe nk’uko yabigambiriye, kuko abo yamenye kera yabatoranirije kera gushushanywa n’ishusho y’Umwana wayo, kugira ngo abe imfura muri bene se benshi. Abo yatoranije kera yarabahamagaye, kandi abo yahamagaye yarabatsindishirije, n’abo yatsindishirije yabahaye ubwiza.

1Abakorinto 12:11: Ariko ibyo byose uwo Mwuka umwe ni we ubikorera muri bo, agabira umuntu wese uko ashaka.

Umwuka Wera yigaragaje igihe Yesu yari mu isi

Umwuka Wera yagiye yigaragaza muri buri kiciro cyose cy’ubuzima bwa Kristo Yesu. Igihe Malayika yiyerekaga Nyina wa Yesu yagize ati: Marayika aramusubiza ati “Umwuka Wera azakuzaho, n’imbaraga z’Isumbabyose zizagukingiriza, ni cyo gituma Uwera uzavuka azitwa Umwana w’Imana." Luka 1: 35:

Yesu amaze kubatizwa, ari naryo tangiriro ry’umurimo we Umwuka Wera yamujeho afite ishusho y’ikintu kigaragara.

Yesu amaze kubatizwa uwo mwanya ava mu mazi, ijuru riramukingukira abona Umwuka w’Imana amanuka asa n’inuma amujyaho, maze ijwi rivugira mu ijuru riti “Akibivuga igicu kirabakingiriza, ijwi rikivugiramo riti “Nguyu Umwana wanjye nkunda nkamwishimira, mumwumvire.” Matayo 3:16/ Matayo 17:5

Source: biblestudytools.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?