Umusaraba wa Yesu uhurira he n’inkoni ya(...)

Kwamamaza

agakiza

Umusaraba wa Yesu uhurira he n’inkoni ya Mose?


Yanditswe na: Ubwanditsi     2021-09-15 04:34:36


Umusaraba wa Yesu uhurira he n’inkoni ya Mose?

Abisiraheli bambutse inyanja itukura, barishimye ariko bari batangiye kuzenguruka imisozi ya Snayi. Imisozi ya Sinayi ni miremire kuko aho Mose yaherewe amategeko kuva hasi kugera hejuru harengeje metero ibihumbi 2000 (kilometero 2 z’ubutumburuke). Mu kuzenguruka kw’iyo misozi, aha ni ahantu hihariye umukristo wese akwiye kumenya. Icya mbere bakubitanye nacyo gikomeye ni amazi y’i Mara, hanyuma icyo Mose yakoresheje ahumanura ayo mazi ni inkoni ye tugiye guhuza n’umusaraba.

Iyi nkoni ya Mose yakoresheje mu rugendo rw’Abisirahe ihuriye he n’umusaraba wa Yesu yabambweho acungura Itorero?

Igihe Mose yari aragiye mu butayu yaragizaga inkoni, hanyuma igihe Imana yamwoherezaga kujya gukura Abisiraheli muri Egiputa yongereye imbaraga inkoni ihinduka inzoka.[…Nta wundi Desire Imana izarema, izafata we imuhindure, imukoreshe kubw’inyungu z’ubwami bw’Imana] Pst Desire. Iyo nkoni ya Mose yakuje Abisiraheli muri Egiputa, igereranywa n’umusaraba uzaba uyoboye itorero.

Inkoni niyo yambukije Abisiraheli inyanja itukura, Imana yaramubwiye ngo uratakishwa n’iki? Rambura inkoni hejuru y’inyanja, Abisiraheli bambuke! Nta gikorwa na kimwe Imana yakoresheje Mose hatarimo inkoni, ni nk’uko Imana nta gikorwa na kimwe ishobora gukoresha itorero kitayobowe n’umusaraba.

Muri iki gihe hari umugambi wa Satani uyobowe na Antikriso. Abahanzi ba Gosple, cyangwa se abavugabutumwa (Cyane cyane abahanzi), barababwira bati muhange indirimbo ariko hari ibintu bibiri bitagomba kubonekamo: Ijambo umusaraba, n’ijambo Yesu! Izo ndirimbo zirakundwa cyane! Kandi hari abahanzi benshi baziririmba. Ariko ubutumwa bwose, indirimbo zose, ibintu byose dukora,… iyo bibuzemo umusaraba, bikaburamo ijambo Yesu, biba bipfuye!

Isi ifite ibintu byinshi byuzuye ubwenge.“Ingendo nagiye nkorera mu Buhinde, barakubwira bati wowe Yesu kumuvuga nta cyo dupfa nawe, ariko kuvuga ko ari we nzira, n’ukuri, n’ubugingo, ntawe ujya kwa Data atamujyanye, ni icyaha gihanwa n’amategeko. Ariko wivugiye Imana ntabwo mubipfa! Icyo kintu n’icyo isi irimo gukuramo. Ubutumwa bwinshi rero bugaruka: Ku mahoro, ku mibanire myiza, ku gutera imbere, ariko ukuyemo umusaraba n’agakiza. Indirimbo nyinshi ziririmbwa ushobora kuyitangira ukarinda usoza utumvishemo ijambo umusaraba, utumvishemo Yesu, utumvishemo agakiza! Baririmba ibintu biri mu njyana nziza iruhura(Ni ibintu biri Satanic). Nta gikorwa na kimwe mu rugendo rw’Abisiraheli kitarimo inkoni.

Amazi y’i Mara

Bajyeze ku mazi y’Imala basanga ararura, Mose atakira Imana iramubwira ngo nafate inkoni ayijugunye muri ayo mazi arahinduka meza. Reka nkubaze: Amazi y’i Mara batarayashyiramo inkoni yateraga urupfu, none uburyohe bwo muri ayo mazi bwavuye he? Bwavuye mu nkoni! Hanyuma se uburure bw’amazi bwagiye he?

Nabwo bwagiye mu nkoni! Umusaraba ni cyo kintu gishobora kwakira ubusharire bwacu, umubabaro, ubupfubyi, ibyaha, ibikomere, umuruho, byose… ibyo bigashirira mu musaraba.

Hanyuma umusaraba ugatanga amahoro n’ibyishimo, umusaraba ushobora gutanga ibyiza wakiriye ibibi byacu. Amazi meza nta handi hantu ateze kuzava, usibye mu musaraba! Umuririmbyi yararimbye ngo” Nagerageje kunywera ku migezi y’isi irikama, ndiheba cyane!” Ariko Yesu we yabwiye Umusamariyakazi ngo “Unywa amazi nzamuha azamuhindukamo isoko kandi ntazagira inyota ukundi!”.

Reba hano ikiganiro cyose, Pasteri Desire Habyarimana aradufasha guhuza urugendo rw’Abisiraheli no gucungurwa kw’Itorero. Ni kuri Agakiza Tv

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?