Umumaro utangaje wo kurya amafi

Amafi kimwe n’ibindi bikomoka mu Nyanja ni ifunguro ry’ingenzi ku mubiri kuko bikungahaye ku ntungamubiri arizo proteyine , vitamine n’imyunyu ngugu ndetse kurya amafi birwarwanya indwara nyinshi.

i muri urwo rwego tugiye kurebera hamwe akamaro kurya amafi bifitiye umubiri wacu:

Amafi yongera ubushobozi bw’ubwonko:
Kurya amafi bituma ubwonko bw’abana bukura kandi bukagira ubushobozi, si ku bana gusa ahubwo n’abantu bakuru ni ingenzi kuko yongerera ubwonko ubushobozi bwo kubika amakuru bityo bigatuma umuntu atibagirwa.

Amafi yuzuyemo intungamubiri z’ingenzi ku mubiri w’umuntu:
Iyo umuntu ariye amafi, umubiri we uba ubonye imyunyu ngugu na vitamine D na B n’izindi ziyishamikiyeho arizo B1, B3, B12, biotin n’izindi. amafi kandi adufitiye umumaro ukomeye wo gufasha umubiri kugira imbaraga ndetse no kugira ubwiza.

Bitewe n’uko amafi akungahaye kuri vitamine A, umuntu ukunda kuyarya abasha kureba neza, naho vitamine D ituma amagufka amererwa neza, arakura ndetse agakomera naho kalisiyumu yongera ubwirinzi bw’umubiri.

Amafi afasha umutima gukora neza:
Amafi akize kuri omega-3fatty acids ibi bikaba bituma umutima utera ku kigero cyiza kandi gisanzwe. Ni byiza rero ko udakwiye kwibagirwa gufata amafi mu ifunguro ryawe kimwe n’ibindi biribwa bikomoka mu mazi.

Kurya amafi bikomeza amagufwa:
Kurya amafi ku kigero cyiza byagarajwe ko bikomeza amagufwa cyane cyane aho amagufwa ahurira (articulation)

Amafi afasha amaso kureba neza
Ubushakashatsi bwakozwe n’abaganga b’amaso bwerekanye ko abantu barya ibikomoka mu Nyanja badafite ibyago byo guhura n’ibibazo byerekeranye n’amaso kandi amafi afasha umuntu kureba neza mu gihe cy’ijoro.

Amafi afasha uruhu kugubwa neza:
Bitewe n’uko amafi akungahaye kuri omega-3fatty acids, bituma uruhu rudashobora kwangizwa n’imirasire y’izuba ikabije.

Amafi arwanya kugira agahinda gakabije (depression):
Kurya amafi kimwe n’ibindi bikomoka mu mazi ni ingenzi cyane ku buzima bwo mu mutwe kuko arwanya kwibasirwa n’agahinda gakabije kuko akenshi aka gahinda kajya kaba intandaro yo kwiyahura.

Amafi afasha umwana gukura neza mu gihe cyo gutwita:
Umubyeyi utwite agirwa inama yo kurya amafi kenshi ndetse n’ibindi bikomoka mu nyanja kuko afasha umwana uri mu nda gukura mu bwenge ndetse no kwiyongera kw’ibiro.

Amafi yongera ubudahangarwa bw’umubiri:
Kurya amafi ku kigero gishimishije bifasha umubiri kongera ubudahangarwa bityo bikamugabanyiriza ibyago byo kwandura indwara nka asthma n’izindi bijyanye. Niyo mpamvu mu ifunguro hatakagombye kuburamo ifi.

Nyuma yo gusobanukira akamaro k’amafi ku mubiri w’umuntu ni byiza kuyafata mu ifunguro ryacu kugirango turusheho kongera ubushobozi bw’ubwenge bwacu ndetse no kugira amagara mazima azira umuze.

www.healthfitnessrevolution.com

Vestine agakiza.org