Umukristo nyakuri arangwa n’iki?

Kwamamaza

agakiza

Umukristo nyakuri arangwa n’iki?


Yanditswe na: Ubwanditsi     2021-06-01 05:37:20


Umukristo nyakuri arangwa n’iki?

Ubukristo ni imibereho igizwe no kwizera Yesu Kristo hamwe n’ibikorwa, ibitekerezo n’imyifatire bihamya uko kwizera. Ariko se koko imibereho y’abagize Itorero mu gihe cya none igaragaza ko bose ari abakristo?.

Itorero rimaze kuvuka ku munsi wa Pantekote, ubuzima n’inyigisho by’Intumwa za Yesu byari ivugabutumwa. Byahinduye abayuda, bihana ibyaha, barabatizwa, binjira mu Itorero nabo bahabwa Umwuka wera atangira kubayobora no kubakoresha. Kuva binjiye mu Itorero, abakristo ba mbere berekanye bimwe mu bikorwa bihamya ubukristo bwabo, ari byo :

Gukundakwiga Ijambo ry’Imana no gusenga.

Gukoreshereza Imana ubutunzi ibaha no gufashanya hagati yabo.

Gukomeresha urukundo, ubumwe n’ubusabane gusangira Ifunguro ryera (igihango)

Kwitabira amateraniro.

Kugaragaza ubuhamya bwiza no gukuza Itorero.

Muri iki gihe, bamwe mu bagize Itorero n’ubwo babatijwe, nta kiberekanaho ubukristo. Ntibasoma Ijambo ry’Imana, ntibitabira amateraniro n’amasengesho, nta ruhare rugaragara bagira mu bikorwa bya gikristo, ndetse usanga bafite n’imyitwarire mibi mu ngo zabo n’aho batuye. Ibi bidindiza ugukura kw’Itorero, haba mu bwiza, mu bwinshi ndetse no mu bukungu. Mu rwego rwo gukemura iki kibazo, ni ngombwa ko abamaze kwinjira mu Itorero ndetse n’abigisha Ijambo ry’Imana baba bahindutse by’ukuri, kugira ngo imibereho yabo n’inyigisho bigisha bibe bimurikiwe n’Umwaka wera w’Imana, bibe ibigeza abantu ku kwihana no kwitandukanya n’icyaha.

Ubuzima, ibitekerezo, imyifatire n’ibikorwa dukomora kuri Yesu Kristo nibyo bitegerejwe ku bagize Itorero. Nibyo byerekana icyo abakristo barusha abatari bo, kandi nibyo bireshya abatizera, nibyo bibabera isomo ryiza, nibyo bishobora kubakura ku izima, bakemera kwakira Yesu Kristo no kuyoborwa n’Ijambo rye. Turenge ubukristo bwo ku izina gusa.Duharanire kwitwa abakristo turi bo koko. Tugaragarishe ubukristo bwacu imibereho igizwe n’ibikorwa ndetse n’imyifatire bihamya Yesu Kristo.

Src: http://www.epr.rw/

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?