Umuhanzi Israel Mbonyi yakoreye igitaramo(...)

Kwamamaza

agakiza

Umuhanzi Israel Mbonyi yakoreye igitaramo kuri murandasi kinyura benshi.


Yanditswe na: Ubwanditsi     2020-06-22 09:38:54


Umuhanzi Israel Mbonyi yakoreye igitaramo kuri murandasi kinyura benshi.

Kuri uyu wa Gatandatu tariki 20 Kamena 2020 nibwo umuhanzi Israel Mbonyi wamenyekanye mu ndirimbo zo kuramya no guhimbaza Imana, Yakoreye igitaramo kuri murandasi kikaba cyarakoze ku mitima ya benshi.

Israel Mbonyi yasusurukije abakurikiye igitaramo cye

Umuhanzi Israel Mbonyi abarizwa mu itorero ryitwa : "Restoration church" kwa Masasu. Muri iki gitaramo yaririmbye indirimbo zakunzwe n’abatari bake ndetse bamusaba ko yazisubiramo kugirango barusheho gufashwa kuko zirimo ijambo ry’Imana: Hari ubuzima, Number one, Mbwira n’izindi.

Iki ni igitaramo kitabiriwe cyane kandi cyaryoheye abatari bake ku buryo abarenga ibihumbi bitanu babashije gukurikira iki gitaramo mu gihe cy’isaha imwe n’igice. Cyagarayemo kandi abacuranzi bafashije Israel Mbonyi gutegura iki gitaramo.

Mu magambo ye yaragize ati: ”Ndashimira buri wese wakurikiranye igitaramo, ndashimira abacuranzi na buri umwe wadufashije ngo kibashe kubaho, Ndashaka kubamenyesha ko mu mezi abiri ari imbere mfite igitaramo cyanjye kuri youtube ya Israel Mbonyi tukazaba tumurika Album yanjye ya gatatu.”

Mu gusoza igitaramo, Israel yashimiye buri wese wamukurikiye ndetse n’abamufashije ngo igitaramo cye kibeho.

Source: Impinga.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?