Umuhanzi Ildephonse Mbarusha yavuze akari ku(...)

Kwamamaza

agakiza

Umuhanzi Ildephonse Mbarusha yavuze akari ku mutima we nyuma yo gusohora indirimbo yise "Bariyo"


Yanditswe na: Ubwanditsi     2020-08-07 09:36:02


Umuhanzi Ildephonse Mbarusha yavuze akari ku mutima we  nyuma yo gusohora indirimbo yise

Umuhanzi uri mu bari kuzamuka neza mu ndirimbo zo kuramya no guhimbaza Imana, Mbarusha Ildephonse aherutse gushyira hanze indirimbo ye ya mbere yise “Bariyo”, ikubiyemo ubutumwa bw’uko Abera tuzaramya Imana tugeze mu Ijuru dufatanyije n’Ibizima, Abakuru n’Abamalayika.

Ildephonse Mbarusha avuka mu Karere ka Karongi,umurenge wa Murambi, ateranira mu Itorero Presibiteriyene mu Rwanda (EPR) muri Presibiteri ya Kirinda. Mu buzima busanzwe akora inyigo zimbitse z’imishinga y’ubwubatsi (Architect).

Mu kiganiro yagiranye n’agakiza.org, Ildephonse aragira ati:"Kuririmba nabitangiye kera nkiga mu mashuli yisumbuye (2006) nakundaga kwandika indirimbo zo kuramya no guhimbaza Imana nkaziha ama Korale naririmbagamo, bigeraho numva ndabikunze cyane ,mfata umwanya wo kubisengera, ntangira kwandika izange, muri uyu mwaka wa 2020 nibwo iyambere nayishyize hanze yitwa "Bariyo".
Ildephonse Mbarusha akomeje umugambi w’ubuhanzi

Akomeza agira ati:",Impamvu nyamukuru yatumye ninjira mu muziki wo kuramya no guhimbaza Imana ni ukwamamaza ubutumwa bwiza bwa Kristo biciye mu ndirimbo. Nifuza ko ijambo rya Kristo riba mu bantu rifite ubwenge bwose" (abakolosayi 3:16).

Akora indirimbo "Bariyo" Ildephonse yashakaga gutanga ubutumwa agira ati:" Kuramya Imana turi mu Isi, ni byiza! Ndetse biduha ishusho y’uko Abera tuzaramya Imana tugeze mu Ijuru dufatanyije n’Ibizima, Abakuru n’Abamalayika. Niyo mpamvu nanditse iyi ndirimbo nyita BARIYO, kugira ngo nshimangire ko bariyo koko kandi bahora baramya Imana. (Ibyahishuwe 4:8-11).

Uyu musore avuga ko hari abahanzi afatiraho ikitegererezo:" buri muhanzi ukoze indirimbo yo kuramya cyangwa guhimbaza Imana nkumva ndayikunze hari ibyiza mwigiraho, uwo nkunda kumva indirimbo ze cyane ni Richard Ngendahayo. Hanze y’u Rwanda ni group igizwe na couple Jonathan and Melissa Helser bakorera umurimo mu itsinda rya Bethel Music ryo muri America ndetse na group yitwa Hillsong yatangiriye muri Australia."

Muri uyu mwaka wa 2020, Mbarusha Ildephonse arateganya gusohora indirimbo yitwa "Hosanna" ndetse afite n’izindi nyinshi zirimo gutunganywa kugirango zizakoreshwe hagamijwe kwamamaza Ubwami bw’Imana.

Indirimbo yose wayisanga hano:

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?