Uko umeze kose,ubaha Imana

Umukecuru wo mu gihugu cya Filipine aba mu nzu idafite amashanyarazi. iyo ashaka gusoma ijambo ry’Imana , afata Bibiliya ye agasohoka hanze akayisomera ahabona. mu by’ukuri uyu mukecuru ni umukene ku butunzi bw’isi ariko kandi ni umuherwe mu by’umwuka wera kuko umutima we wuje ijambo ry’Imana ari nayo mpamvu dukwiye kumwigiraho gukunda ijambo ry’ Imana.

Mu by’ukuri ukurikije ikigero cy’ubukure uyu mukecuru agezemo ntiyakagombye kuba akibasha gusoma ariko burya Imana itanga imbuto ku mubibyi, kubera umuhate afite Uwiteka aramushoboza akabasha gusoma.

Mu rwandiko rwa mbere Pawulo yandikiye Timoteyo 6: 6 Pawulo avuga yeruye ko kubaha Imana ndetse no kunyurwa n’ubuzima ubayemo ari inkingi ya mwamba.“Icyakora koko kubaha Imana iyo gufatanije no kugira umutima unyuzwe kuvamo inyungu nyinshi”

Kubaha Imana ntibigombera gutunga ibya mirenge, ahubwo bisaba gufata umwanzuro ukiyemweza gusohoza icyo waremewe kuko Imana yaturemeye kuyubaha no kuyubahisha bityo dukwiye kuba abahuza b’abantu n’Imana.

Ibyo ntibisaba ibintu bihenze, kwirinda mu ngeso tukagira ubuhamya bwiza muri bagenzi bacu, abaturanyi n’ahandi, guhamirizwa n’umutima wawe ko uri umukrsto nyakuri, ikirenze ibyo ni uguhamirizwa n’Imana ko ukiranuka nk’uko Yobu Imana yamwiratiye Satani. Si Yobu gusa ahubwo na Nowa Imana yamutangiye ubuhamya ko akijijwe by’ukuri ubwo abandi barimbuzwaga umwuzure we yasigaye yemye.

Umubwiriza Salomo aravuga ati “ ni ubusa gusa nta kamaro, byose ni ubusa nta kindi gifite akamaro atari ukubaha Imana (umubwiriza 12:8)
Ubwatsi buraraba , uburabyo bugahunguka , ariko ijambo ryImana yacu rizahoraho iteka ryose. (Yeasya 40: 8) Ijambo ryawe ni itabaza ry’ibirenge byanjye , ni umucyo umurikira inzira zanjye (Zaburi 119:105)

Ijambo ry’Imana ni intwaro ikomeye niryo riha intege abananiwe rigakomeza amavi asukuma, ijambo ry’Imana ni umutsima utera imbaraga, uyu mukecuru kuko atunze ijambo ry’Imana niyo mpamvu tubona umubiri we w’inyuma usaza ariko umuntu w’imbere arushaho kuba mushya bityo bikamutera imbaraga zo gukomeza gukunda ijambo ry’ Imana.

Inkuru y’uyu mukecuru ikwiye kudutera umuhate wo gukunda ijambo ry’Imana. Tutiyaho ko turi abakire cyangwa abakene. Ijambo ry’Imana ni amahoro yacu ndetse ni ubutunzi. Reka dukurikize urugero rw’uyu mukecuru dukukunde ijambo ry’Imana nayo izaba mu ruhande rwacu.

Vestine agakiza.org