Ubwongereza bwiyemeje guhana Guverinoma ya Nigeria kubera gutoteza Abakristo

Guverinoma y’Ubwongereza yiyemeje gufatira ibihano abayobozi bagize Guverinoma ya Nigeriya bakomeje kurebera iyicwa ry’Abakristo bo mu bihugu bya Afurika y’Iburengerazuba.

Ayo Adedoyin, Umuyobozi mukuru wa w’umuryango uharanira amahoro n’ubutabera bw’abaturge mu Bwongereza (Peace and Social Justice UK) yavuze ko Guverinoma y’Ubwongereza igomba gufata ingamba zo kurinda abaturage b’abakristu bo mu gihugu cya Nijeriya nyuma y’ibitero bikomeje kwica abantu benshi.

Umuryango uharanira Amahoro n’Ubutabera bw’Abaturge mu Bwongereza (PSJ UK), urimo gukora mu izina ry’Abakristu bo muri Nijeriya, uherutse kwandika raporo nshya igaragaza uruhare rw’intagondwa mu rupfu rw’Abakristu bagera ku 100.000 muri Nijeriya mu myaka 20 ishize.

Raporo yakozwe n’umuryango mpuzamahanaga uharanira ubwisanzure bw’amadini, ivuga ko igihugu cya Nijeriya aricyo cyagaragayemo imfu nyinshi ziturutse ku rugomo mu bihugu by’Afurika y’i Burengerazuba.

Ihohoterwa rikorwa n’imitwe yitwara gisirikare nka Boko Haram na al-Qaeda, ndetse n’abitwa Fulani. Imitwe y’iterabwoba ikomeje kuvutsa ubuzima abakristo batari bacye muri Nigeria

Bwana Adedoyin yavuze ko Abakristo bo muri Nijeriya barimo guhura n’ibiza (catastrophe), kandi ko iki kintu kitazihanganirwa na gato.

Adedoyin yakomeje agira ati:"Abakristo 100.000 barishwe abandi baratotezwa ndetse bakurwa mu byabo" Ubushakashatsi bwagaragaje ko Guverinoma y’Ubwongereza ikwiye kugira icyo ibikoraho gikomeye.

Hafi ya kimwe cya kabiri cy’abakuze mu Bwongereza bavuze ko bagomba gushyigikira ihagarikwa ry’imfashanyo z’amahanga z’Abongereza muri Nijeriya kubera gutoteza Abakristo, mu gihe batatu kuri batanu bavuze ko bagomba gushyigikira ibihano ku bantu bafite uruhare mu ihohoterwa ry’uburenganzira bwa muntu.

Bwana Adedoyin yunzemo ati: "Guverinoma y’Ubwongereza igomba gukora byinshi kugira ngo ishyigikire Abakiristo bo muri Nijeriya kandi igomba gufatira ibihano abagize guverinoma ya Nijeriya, bahanga amaso cyangwa se barebera nibura, ibikorwa by’ubwicanyi bwibasiye Abakristo.

Source: christiantoday.com

[email protected]