Ubuzima n’amateka byaranze Martin Luther(...)

Kwamamaza

agakiza

Ubuzima n’amateka byaranze Martin Luther King


Yanditswe na: Ubwanditsi     2020-08-18 05:25:48


Ubuzima n’amateka byaranze Martin Luther King

Umwirabura w’umunyamerika Martin Luther King, Pasiteri, Dogiteri, umunyapolitike akaba n’umwanditsi ukomeye wamenyekanye cyane ku mbwirwaruhame yise “I Have a Dream” yayoboye Minisiteri ya gikristu muri Amerika ndetse aba indashyikirwa mu guharanira uburenganzira bwa muntu. Yanditse ibitabo byinshi harimo: “Stength to Love, I Have a Dream, A Gift of Love, Let the Trumpet Sound,…” Luther yavukiye muri Leta ya Georgia ho muri Leta Zunze Ubumwe za Amerika ku wa 15, Mutarama 1929, apfa ku wa 4 Mata 1962 arashwe.

Mu kigero cy’ubwana n’ubugimbi, Martin Luther King Junior, yabayeho yishimye kandi yakuriye mu muryango w’Abirabura ndetse arerwa n’ababyeyi bamukunda. N’ubwo yakuriye mu muryango w’abanyedini cyane, ikintu kimwe cyamuteye kwibaza kuri Bibiliya ni itegeko rivuga ko abakristo bagomba gukunda kabone n’ababagiriye nabi. Ibi byagoye Martin Luther King kuko yabonga abazungu bakora ivanguramoko.

Imyizerere ye ishingiye ku Idini no kurwanya amacakubiri ahanini byari imbaraga zuzuzanya mu buzima bwa King, maze akora ubushakashatsi kuri filozofiya na tewolojiya muri college, atangira kubona ko agomba guharanira ubwisanzure n’uburinganire mu nshingano ze za gikristo.Martin Luther King yakomereje amasomo ye mu iseminari maze ashyira imbaraga mu myizerere afatiye icyitegererezo kuri Mahatma Ghandi warwanyaga akarengane ku rwego rwo hejuru maze bituma Luther ahuza filozofiya na politike mu kwamagana amacakubiri.

Martin Luther King yatangiye ishuri akiri muto cyane kuko Mama we yari umwigisha mu ishuri riherereye muri Atlanta. Bitewe n’uko yari azi ubwenge cyane ntiyarangije Secondaire yarasimbutse ku myaka 15 yahise ajya kwiga muri Morehouse College aho mu mwaka 1948 yahakuye impamyabumenyi y’icyiciro cya 2 cya Kaminuza(Bachelor Degree) mu bijyanye n’Imibanire y’abantu (Sociology).

Nyuma y’igihe gito, Itorero ryaramuhamagaye ngo atangire urugendo rwo kwigisha uburinganire, maze bamwohereza kwiga mu Iseminari iherereye ahitwa Pennsylvainia aha King yahakoze ibikorwa by’indashyikirwa aho yigishije abayobozi agendeye ku nyigisho za Mahatma Gandhi zo kurwanya ivanguramoko. Mu 1951 King yahavanye impamyabumenyi (Bachelor of Divnity Degree).

Mu 1955 Martin Luther King yahindutse Dogiteri aho yabonye impamyabumenyi y’icyicirocya kane cya Kaminuza (PhD) mu bijyanye na Tewologiya muri Kaminuza ya Boston (Boston University) aho yibanze ku guhuza Filozofiya n’imyemerere ya Gikristo mu guharanira ubutabera binyuze mu rukundo no kwizera. Ari muri Boston, Luther King nibwo yahuye na Coretta Scott, nyuma y’igihe gito barashakanye babyarana abana bane: Martin Luther III, Yolanda King, Bernice King na Dexter King. Martin Luther King ari kumwe n’umuryango we

Mu 1520 Martin Luther king yagize impinduka zikomeye aho yashinze itorero ry’Abaprotestanti (Eglise Protestant) ndetse inyandiko ze zishishikariza abantu kumenya no gukorera Imana zahinduwe mu ndimi zitandukanye zigakwirakwizwa hirya no hino ku Isi ndetse zikundwa n’abatari bake.

King ni umuntu wamenyekanye mu bikorwa byo kurwanya ivangura kuko mu gihe cye hariho ubusumbane aho abazungu bakandamizaga abirabura. Uyu mugabo yanditse izina ubwo Rosa Park yafungwaga azira ko yanze guhagurukira umuzungu muri bisi ngo yicare, icyo gihe King yaharaniye uburenganzira bw’abirabura kuko yangaga ivanguramoko.

Uko Luther yagendaga amenyekana niko ibihungabanya umutekano we byiyongeraga aho bamushyiragaho iterabwoba ryo kumwica. Yatawe muri yombi n’abapolisi b’abazungu bari bashyigikiye ivanguramoko ndetse barasa ibisasu ku nzu ye ariko yiyemeje gukomeza kurwanya urugomo n’ibitero byarwo kandi abasha gushishikariza abaturage be kubikora, n’ubwo uburakari bwagendaga bwiyongera ndetse abaturage bagasaba kwihorera , ariko Martin Luther yababuzaga kubikora.

Muri ibyo bikorwa by’urugomo byabaga bishyigikiwe n’abapolisi, byageze aho Luther King nawe arafatwa arafungawa azira kurwanya ivanguramoko. Icyakora, mu 1956 imyigaragambyo yo guharanira uburinganire yaratsinze igera ku ntego maze abantu bahabwa uburenganzira bungana muri bisi nta gusuzugurwa. King yakomereje muri Ghana gushyira mu bikorwa umurage wa Mahatma Gandhi.

Agarutse muri Amerika, abamurwanyaga ntibagohetse kuko bashakaga kumucecekesha, abantu bamwe barafunzwe igihe kirekire, abandi bahabwa igihano cy’urupfu, abandi bakorerwa ihohoterwa rikabije baraswa. Mu 163 ubwo imyigaragambyo yari irimo kubera i Washington, Martin Luther King yahavugiye imbwirwaruhame “I have a Dream” Luther yavugaga ko afite inzozi ko umunsi umwe abirabaura n’abazungu bzasangirira ku meza amwe bahuje umutima. Iyi mbwirwaruhame yahinduye Isi ndetse yakunzwe n’abatari bake aho yari yitabiriwe n’abagera kuri ¼ cya miliyoni harimo abashyigikiraga ivanguramoko.

Mu 1964, kubera ubwitange bwa Martin Luther King, itegeko ryo guharanira uburenganzira bwa muntu ryahise ritorwa muri icyo gihe, muri uwo mwaka, King yegukana igihembo cy’amahoro cyitiriwe Nobel. Ibyo bintu byombi byagaragaje iterambere ry’umuryango uharanira uburenganzira bwa muntu, ariko ntabwo urugamba rwarangiye.

Yakomeje kwanga ihohoterwa kandi aharanira ubudacogora mu butabera kugeza igihe yiciwe ku ya 4 Mata 1968. Luther yaharaniraga gusohoza inshingano ze nk’umukirisitu mu guharanira ubutabera n’uburenganzira bw’abarengana.

Martin Luther King Junior azwi cyane nk’umwe mu banyapolitiki bakomeye wagaragaje ubwitange mu guharanira uburinganire n’ubutabera no kurwanya urugomo. Ikigeretseho ni uko ibyo bikorwa byose yabifatanyaga n’umurimo w’ivugabutumwa.

Urupfu rwa Martin Luther King Jr

Kuwa 4 Mata 1968, Martin Luther King Jr, umwirabura w’umunyamerika waharaniye uburenganzira bw’ikiremwamuntu ndetse akazana benshi kuri Kristo, yarasiwe kuri Motel ya Lorraine i Memphis, muri Tennesse. Akimara kuraswaYahise ajyanwa mu bitaro bya Mutagatifu Yozefu, ari naho yapfiriye saa moya n’iminota 5.

Kuwa ya 10 Werurwe 1969, James Earl Ray washinjwaga kwica Luther, yemeye icyaha maze akatirwa imyaka 99 muri gereza ya leta ya Tennessee. Ray yapfiriye muri iyo gereza mu 1998.

Martin Luther King amaze gupfa, Kuwa 7 Mata Perezida Lyndon B. Johnson yahise ashyiraho umunsi w’icyunamo ndetse asaba ko ibikorwa byose ( amashuri, imikino,inzu ndangamurage, ubucuruzi n’ibindi) bihagarikwa bityo bakibuka indashyikirwa Martin Luther King. Umuhango wo gusezera kuri Nyakwigendera Martin Luther King

Kuwa 9 Mata 1969 nibwo Martin Luther King yashyinguwe ahitwa Atlanta muri Leta ya Georgia, ni umuhango witabiriwe n’abantu benshi barimo umuryango we, abayobozi mu nzego za Leta, incuti za bugufi bakoranye umurimo w’Imana mu Rusengero rw’Ababatisita rwa Ebenezer (Ebenezer Baptist Church) aho Luther na Se bari abapasiteri bakomeye.

Martin Luther King yagize umumaro mu gihe cye kuko yaharaniraga gusohoza inshingano ze nk’umukristo, umupasiteri ndetse akabifatanya no kuba umunyapolitiki aharanira ubutabera n’uburenganzira bw’abarengana. Ibi bikwiye kubera isomo buri wese akamenya ko mu kazi akora akwiye gukuza Ubwami bw’imana.

Umva ubuhamya bwa Martin Luther King

Sources:

wikipedia.org

www.drmartinlutherking.net

www.supersummary.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?