Uburyo bwagufasha kurwanya impumuro mbi mu kanwa.

Kugira impumuro mbi mu kanwa akenshi biterwa na mikorobe zo mu kanwa zikusanyiriza hamwe zigatanga umwuka unuka. Impumuro mbi kandi isobora guterwa n’isuku nke yo mu kanwa cyangwa ibibazo byo mu rwungano ngogozi, icyakora biravurwa bigakira.

Mu by’ukuri ntiwapfa kumenya ko mu kanwa kawe hafite impumuro mbi, uburyo bwiza kandi bwakorohera kubimenya ni ukubaza mugenzi wawe wizera cyane ukamubaza uti ese mu kanwa hanjye hameze gute? Nawe nk’inkoramutima yawe aguha igisubizo cy’ukuri.

Ese ni iki gitera impumuro mbi mu kanwa?

Nta mibare ifatika igaragaza ijanisha ry’abantu bafite impumuro mbi mu kanwa, ariko ubushakashatsi bwagaragaje ko 80% by’impumuro mbi yo mu kanwa biterwa n’indwara z’amenyo cyangwa kwangirika kw’ishinya, isuku nkeya mu kanwa aho ibisigazwa by’ibiribwa bisigara mu kanwa hanyuma microbes zikaza zije kubirya zikuzura mu kanwa zigateza kunuka mu kanwa.

Kugira impumuro mbi mu kanwa bishobora guterwa n’uburwayi aho usanga urwungano ngogozi rutabashije kunoza imirimo yarwo bityo ugasanga mu gifu hazamutsemo umwuka unuka bityo bikabangamira umuntu.

Impumuro mbi yo mu kanwa ishobora guterwa n’umwanda. Iyo umuntu adasukuye amenyo ndetse n’ururimi byanga bikunda mu kanwa ke ntihashobora guhumura neza.

Ku bantu basinzira basamye nabyo ni intandaro yo kugira impumuro mbi mu kanwa bitewe n’uko mu gihe turyamye dusinziriye nibwo imvubura z’amacandwe zohereza amacandwe mu kanwa kugirango aze koza mu kanwa iyo umuntu aryamye yasamye amacandwe yose ahita asohoka hanze ntakore icyo yagombaga gukora.

Dore uburyo bwagufasha kurwanya impumuro mbi mu kanwa:
Koza mu kanwa ukoresheje umuti wabugenewe, kunywa amazi menshi bifasha kwihutisha igikorwa cyo gusukura mu kanwa hakurwaho bagiteri ndetse n’ibisigazwa by’ibiryo biba byasigaye hagati y’amenyo. Ikindi kunywa amata nabyo bifasha mu guhumuza mu kanwa.

Si byiza kunywa icyayi cyinshi cyane. N’ubwo kiryoha, ariko kigira impumuro idashira mu kanwa vuba ahubwo ifata ku rurimi.

Kwirinda ibinyobwa birimo alcohol nabyo ni ingenzi kuko akenshi nabyo biba intandaro ituma umuntu agira impumuro mbi mu kanwa. Ikindi ni ukwirinda itabi kuko uburozi bubamo bwitwa nicotine bwangiza inzira z’ubuhumekero zose aho ziva zikagera. Ikindi ni ukurya ku kigero gicye ibiribwa bifite isukari nyinshi kuko nibyo microbe ziza zikurikiye zikangiza mu kanwa.

Muri macye impumuro mbi mu kanwa ntawayifuza ahubwo dukwiye gukumira hakiri kare ibyaba intandaro yayo tuzirikana kugira isuku yo mu kanwa, mu gihe bikomeje kwiyongera tukiyambaza muganga.

source: www.webmd.com