Uburyo 3 urukundo rwa Yesu ruhindura ubuzima(...)

Kwamamaza

agakiza

Uburyo 3 urukundo rwa Yesu ruhindura ubuzima bwawe


Yanditswe na: Ubwanditsi     2021-06-03 06:27:57


Uburyo 3 urukundo rwa Yesu ruhindura ubuzima bwawe

Ese dukunda Yesu? Iki ni ikibazo dushobora kwibaza ubwacu. Niba ari byo, dukora iki? Ni gute urukundo dukunda Kristo rwaduhindura? Nta gisubizo gihura n’ikindi kuri iki kibazo, ariko Bibiliya iduha amahame amwe n’amwe dushobora gukoresha kugira ngo atuyobore uko duhitamo kubaho mu buzima bwacu.

Reka turebere hamwe uburyo 3urukundo rw’Imana rubasha guhindura ubuzima bwacu:

1. Urukundo rwa Yesu ruduhatira gukora

Mu Butumwa Bwiza bwanditswe naYohana 21 dusoma ko Yesu arimo asangira na Petero n’abandi bigishwa, bamenye ko kumukunda byari gusaba ko bashobora kuhasiga ubuzima. Gukunda Yesu bisa nko "Kugaburira intama ze." Amagambo ye agomba kuba yari akomeye kuko abo bagabo basohotse muri uku guhura na Yesu mbere y’uko azamuka mu ijuru, kandi bose batanze ubuzima bwabo kugira ngo bagure (bazamure) itorero rya mbere.

Abakristo ntibakijijwe n’imirimo, ariko bakijijwe no kwizera (Abefeso 2: 8-9). Twahamagariwe gukunda bagenzi bacu nkuko Yesu abakunda (Yohana 13:34). Uru ni urwego rwo hejuru kuri twe nk’umubiri wa Kristo kugira ngo tubeho.

Iyo dusubiye inyuma kugira ngo dusuzume ibyo twahisemo, amagambo ya Yesu agomba kudusunikira ku rukundo rudacogora. Dukurikije itegeko rya Yesu ryo gukunda abandi, kugaburira intama ze no kugeza ubutumwa bwiza ku isi, dusanga dukora ibintu binyuranye n’umuco wacu wo kwikorera. Kwizera Yesu by’ukuri guhatira abakristo ibikorwa by’urukundo.

2. Urukundo rwa Yesu ruduhatira gusangizanya Ubutumwa Bwiza

Yesu yategetse abigishwa be bose kutaba abarobyi b’abantu gusa babwira isi ubutumwa bwiza, ahubwo bagaburira abantu b’Imana kugira ngo abera barusheho kugubwa neza. Twese dushobora gufata iki kitegererezo kugira ngo twite ku itorero ndetse turishyire ku mutima.

Ni gute dushobora kurushaho gukorera hamwe mu itorero ryacu? Ni gute dushobora kuba abantu bakurikira intama imwe yazimiye? Ibi ni ibibazo abizera bose bagomba gusuzuma bakamenya icyo gukora mu minsi basigaje kubaho mu isi.

Gukunda Yesu bivuze ko dushaka ko umuryango we waguka! Harimo gukura muri twe n’ icyifuzo nyacyo cyo kugeza ubutumwa bwiza bw’urukundo rw’Imana ku bantu bose dukunda. Kumenya Yesu ni impano ikomeye cyane kugira ngo tumwikomezeho.

3. Urukundo rwa Yesu ruduhatira kuba hamwe n’umuryango w’abizera:

Uko umuco wacu wihuta mu iterambere,bishobora kutworohera kuzana impamvu nyinshi zifatika zo kutitabira itorero cyangwa gufata umwanya wo guterana n’abandi bizera, ariko Bibiliya idutera inkunga yo kutirengagiza guterana kwera ngo dusangizanye ibitekerezo.

Abaheburayo 10:25 hagira hati: “Twe kwirengagiza guteranira hamwe nk’uko bamwe bajya bagira, ahubwo duhugurane kandi uko mubonye urya munsi wegera, mube ari ko murushaho kugenza mutyo”.

Itorero ntabwo ryigeze ritungana. Ahanini, kuva ryatangira, habaye ukutumvikana hagati y’abayobozi b’amatorero cyangwa ibibazo bijyanye n’uburyo abo mu itorero bahisemo kwitwara (1 Abakorinto). Nubwo bimeze bityo, itorero ni umugeni watoranijwe n’Imana.

Yesu yabwiye Petero gushyira imbaraga mu itorero rye kandi asobanura Petero nk’urutare azubakaho itorero rye. Bibiliya itubwira ko mu itorero ariho dushobora kubonera inkomezi . Itorero niho dushobora kubonera ukubaho (presence) kw’Imana mu buzima bwacu (Matayo 18:20).

Muri macye, urukundo rwa Yesu ruzahindura buri gice cy’ubuzima bwacu, nitumwemerera akatubera umuyobozi. Gukurikira Yesu ni ibintu bitangaje kuko nta gice cy’ubuzima bwacu gisigara kidakozweho n’amagambo ye. Ni byiza kuba mu muryango wa Kristo. Aho waba uri hose mu buzima bwawe, ushobora kubona ibyiringiro ko Yesu agikora. Urukundo rwe rugomba guhora ruguhatira kumwiyegereza buri munsi.

Source: https://www.crosswalk.com/

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?