Ubuhamya bwa Rose wikomeje kuri Yesu nyuma(...)

Kwamamaza

agakiza

Ubuhamya bwa Rose wikomeje kuri Yesu nyuma yuko umugabo we yishwe n’intagondwa


Yanditswe na: Ubwanditsi     2020-08-19 05:24:57


Ubuhamya bwa Rose wikomeje kuri Yesu nyuma yuko umugabo we yishwe n’intagondwa

Rose wo mu gihugu cya Nigeria yagize ubutwari bwo kwikomeza kuri Yesu no kurera abana be yari asigaranye nyuma y’urupfu rutunguranye rw’umugabo we Matthew wishwe n’intagondwa zitwaje intwaro z’umutwe witwa Fulani.

Matthew na Rose biteguraga kubyara umwana wa gatatu , umunsi umwe umutwe w’intagondwa winjiye wo muri Nigeria bica Matthew maze Rose asigara ari umupfakazi urera abana babiri b’abakobwa.

Umutwe w’abahezanguni witwa Fulani warashe Matthew isasu rimwe ahita apfa, asiga umugore we w’imyaka 34 n’abana babiri b’abakobwa ndetse n’inda nkuru yendaga kuvuka, ibyo byabaye muri gahunda ya guma mu rugo yatewe n’icyorezo cya coronavirus cyugarije isi.

Mu gitondo cyo kuwa 7 Mata, Rose yiteguraga kujya ku ivuriro kuko yari afitanye gahunda na muganga kugirango akurikirane ubuzima bw’umwana uri mu nda n’umubyeyi.

Rose arabisobanura agira ati: "Nabyutse numva meze neza kandi nshishikajwe no kujya ku ivuriro. Ndangije imirimo yanjye yose yo mu rugo, ndetse ntegurira ifunguro umugabo wanjye n’abakobwa banjye”.

Ariko ubwo Rose yasezera ku mugabo we uwo munsi mu rugo rwabo muri Nbra Zongo, muri Leta ya Plateau, ntabwo yigeze amenya ko atazongera kumubona ukundi ari muzima.

Kuri uwo mugoroba ubwo Matthew yari arimo gutembera mu mudugudu wabo, yahuye n’igitero cy’umutwe w’intagondwa (Fulani) wiganjemo abahoze ari abasirikare b’abaislamu bahita bamurasa arapfa.

Rose yakomeje agira ati: “Ubwo nari mvuye kwa muganga, abaturanyi banjye banjyanye ahantu umugabo wanjye yiciwe, aryamye ndetse n’imva yamaze gucukurwa. Umugabo wanjye yapfuye urupfu rubabaje arashwe.”

“Mugihe twari dutegereje ko isanduku iza, nagize akanyabugabo ndamwegera ndamusengera mu ijwi rituje, hanyuma niyegereza abakobwa banjye ndarira”

Kuva uwo munsi ingorane zari zitangiye ku buzima bwa Rose kuko Nyirabukwe yamushinje kuba yaragize uruhare mu rupfu rwa Matthew, amushinja kandi ko yashakaga kumwica bakimara gushakana ndetse no mu rupfu rwe akaba ataramubaye hafi.

Icyo gihe bagiye mu rugo rwa Rose banyaga amatungo, ibiryo byabo ndetse n’ibindi bintu byose bifite agaciro. Rose bamusize abereye aho nta kintu na kimwe cyo kwirwanishaho.

Muri icyo gihe, guverinoma ya Nigeria yahise itangaza ko ifunze (Lockdown) kugira ngo ikumire ikwirakwizwa rya COVID-19. Kubaho byabaye ingorabahizi kuri Rose nabakobwa be bato.

Rose arasobanura ati: " Twahuye n’inzara ikabije, kandi nta mafaranga twari dufite yo kurya ntabwo twashoboraga gucuruza ngo tubone amafaranga kubera ko amasoko yari afunze. Nta n’imbaraga nari mfite zo gukora akazi gakomeye kugirango ngaburire abana banjye.

Cyari igihe cy’imyembe, ku buryo ariyo twaryaga gusa, ariko icyo igihe kirangiye, rimwe na rimwe twajyaga kuryama nta kintu turiye."

Mugihe itorero rye ryakoraga ibishoboka byose ngo rifashe Rose, guma mu rugo yari yaragabanyije amafaranga ndetse n’ubushobozi bwo gufasha abababaye. Mubyukuri abakristo babaga bategereje imfashanyo bari benshi. Rose yaje kwibaruka nyuma y’uko umugabo we yitabye Imana

Ariko kubera umubano we n’Imana, Rose yabonye imbaraga zo kurera abana be nk’umupfakazi. Ati: “Nashyize ibyiringiro byanjye ku Mana gusa, kugeza ubu turi bamwe mu bantu bahumeka. Ni igitangaza!

Iyo nsomye Zaburi 119:11 “Nabikiye ijambo ryawe mu mutima wanjye, kugirango ntagucumuraho” mpita numva nongewemo imbaraga n’aho naba ndi mu gihe kigoye”.

Rose yaje kugera aho arabyara ubu afite abana batatu kandi arashima Yesu ko yabaye mu ruhande rwabo kuko ahora abereye maso abamutegereje.

Source: www.christiantoday.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?