Ubuhamya bwa Kinnari:Abakristo bamwereye(...)

Kwamamaza

agakiza

Ubuhamya bwa Kinnari:Abakristo bamwereye imbuto bimutera gukizwa


Yanditswe na: Ubwanditsi     2020-10-08 04:33:44


Ubuhamya bwa Kinnari:Abakristo bamwereye imbuto bimutera gukizwa

Mahvandad umugabo wa Kinnari wari umusinzi n’umurwanyi yaje kwitaba Imana azize kwangiza ubuzima bwe. Uyu muryango nta bana wagiraga habe n’abaturanyi bo kubaba hafi, ku myaka 59 y’amavuko, Kinnari yasigaye wenyine atagira kivurira.

Mubyukuri mu rushako rwabo nta rukundo rwigeze rugaragaramo, incuro nyinshi Pasiteri Brirar yajyaga gusura Kinnari n’umugabo we Mahvandad agamije kuzana ubwumvikane n’amahoro mu muryango wabo, ariko bombi basuzuguraga inama za Pasiteri, kugeza ubwo yasanze ko nta kintu cyabasha guhindura imyitwarire ya Mahvandad y’ubusinzi uretse imbaraga za Kristo. Igihe cyarageze Mahvandad arapfa.

Mugihe Pasiteri yumvaga ko Mahvandad yapfuye, we na bamwe mu bagize itorero rye basuye Kinnari. Uyu mupfakazi ntiyari yiteze ko Pasiteri Brirar yagaragara mu rugo rwe, ikindi kandi ntiyari yiteze ko yayobora umuhango wo gushyingura.

Uyu mupfakazi nta wundi yari afite wo kumwitaho. Yari asigaye yirwanaho ku giti cye. Yibaza ga iki kibazo ati: "Kuki aba bakristo banyitaho cyane? Kuki banyereka urukundo nk’uru? kandi ntahuje imyemerere na bo, kandi nkaba ntarigeze mbitaho?

Nyuma y’umuhango wo gushyingura, umuntu umwe yatumiye Kinnari mu bikorwa by’itorero harimo kwitabira amateraniro. Pasiteri Brirar n’abagize itorero rye nabo bafashe igihe cyo gusura Kinnari, bamutera inkunga kandi baramuhumuriza nk’umupfakazi wibana.

Umunsi umwe, Kinnari yibutse Ibyanditswe Byera Pasiteri yamusangije ku bijyanye n’ukuntu Imana ikunda kandi yita ku bantu bayo.

Mugihe cyakurikiyeho, Pasiteri Brirar yasuye uwo mupfakazi aramubwira ati: "Ntituri twenyine muri iyi si. Imana iri kumwe natwe mu bihe byose kandi ihora ituyobora".

Kugeza ubu Kinnari yumvise impamvu abakristo bamweretse urukundo. Bashakaga ko yumva ko atari wenyine, atari uko umugabo we yapfuye gusa, ahubwo na mbera hose yakundwaga n’Imana , imwe ikunda Pasiteri Brirar n’itorero rye, Imana yabanye na we mu byo yanyuzemo byose. Byageze aho Kinnari yumva ashaka kuba muri urwo rukundo iteka ryose.

Uwo munsi Kinnari yafunguye umutima we, yakira Yesu nk’Umwami n’Umukiza w’ubugingo bwe maze abona amahoro adatangwa n’iyi si.

Magingo aya, Kinnari akomeje kwitabira amateraniro n’ibindi bikorwa bitandukanye bihuza abakristo bagenzi be bakishimira urukundo rw’Imana rutangaje.

Muri macye umukristo umumenyera ku mbuto ze. Ni ngombwa ko abantu batora umuco wo kurangwa n’imbuto zikwiriye abaihannye kuko ni umusemburo w’impinduka nziza ku bantu batarakira Yesu Kristo. Nk’uko uyu mubyeyi abakristo bamugaragarije imirimo myiza bikamutera guhinduka, niko buri wese akwiriye kunyaga iminyago myinshi ayizana kuri Kristo.

Source: gospelforasia-report.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?