Ubuhamya bwa Glenis wakijiwe aruhijwe n’ibyaha

Kwamamaza

agakiza

Ubuhamya bwa Glenis wakijiwe aruhijwe n’ibyaha


Yanditswe na: Ubwanditsi     2020-07-01 09:56:55


Ubuhamya bwa Glenis wakijiwe aruhijwe n’ibyaha

Glenis ni umugore watsinze kwihebeshwa n’ibyaha, gutwazwa igitugu na Satani, ndetse akaniyambura umuruho wo mu mutima binyuze mu kwiyegurira Umwami Yesu Kristo.

Uyu mubyeyi aradusobanurira inzira byanyuzemo kugirango yakire Yesu nk’umwami n’umukiza w’ubugingo bwe:

"Mbere yuko niyegurira Umwami wanjye Yesu Kristo, numvise mu mutima wanjye harimo ubusa. Mu rwego rwo kuziba icyo cyuho , buri gihe nifuzaga umuntu wanduhura umutima, akankiza n’icyaha icyo aricyo cyose. Muri icyo gihe sinari nzi ibibera mubuzima bwanjye n’impamvu nahisemo nabi, ntabwo nari namenye ko Umwuka Wera ariwo nari nkeneye rwose.

Nashatse mfite imyaka 25, mubyukuri sinigeze numva ko nkunda umugabo wanjye nubwo nyuma yimyaka ibiri -itatu namubyariye umwana wacu wambere w’umuhungu ariko numvaga ntaragira gukunda umugabo wanjye. Numvaga muri njye harimo ubusa rwose, numvaga ntacyo mfite muri njye cyo gutanga. Nari nduhijwe cyane kubera ibyaha byose nanyuzemo nibyo nari ndimo gukora icyo gihe , Satani yari yarangize imbata y’ibyaha rwose ! ntabwo nigeraga nitekerezaho ngo nibaze, nicuze ibyo nari ndimo.

Ndibuka ikintu kimwe nyuma gato yuko umuhungu wanjye w’imfura avutse, nari ntetse amazi kuziko, mugihe yarimo kubira cyane, umwana wanjye we yari mu cyumba nuko mu buryo ntazi butunguranye, numva nshitse intege mba nikubise hasi. Mubyukuri ntawundi muntu waruhari ngo antabare,ariko naje kuzanzamuka ndi muzima, nibaza impamvu y’ibyo, ntekereje ko ntacyo nabaye nshima Imana, menya neza ko ubuntu bwayo aribwo bunkijije.

Nyuma y’imyaka itanu mbyaye umuhungu wacu w’imfura , umugabo wanjye yifuje kuza muri Ositaraliya kugira ngo ashakishe imibereho myiza. Ngeze muri Ositaraliya naranzwe n’umubabaro mwinshi cyane, nasanze bigoye guhinduka bitewe nuko naranzwe no kwiheba.

Igihe cyaje kugera bigoranye tubona akazi, nyuma yuko hari hashize imyaka itari mike kubona amaramuko bitoroshye twabonye akazi ariko byaragoye cyane mumyaka itari mike kugirango tubone amaramuko.

Tumaze kwimukira munzu yacu nshya twiyubakiye, umunsi umwe naje kumva nifuje kujya mu rusengero. Njye n’umuhungu wanjye w’imfura twagiye mu rusengero rwo hafi aho, nyuma yo kuvayo umukobwa ukiri muto anaganiriza ku ijambo ry’Imana mutega amatwi ariko, numva nta bushake bwo gusubira muri urwo rusengero, bituma nifuza kuzasengera ahandi. Aho nagiye rero nibwiraga ko nzahahembukira,ariko bari bafite inyigisho z’ubuyobe, zitari iz’Imana.

Nari maze imyaka ndi mumyizerere ya gipagani maze ntangira kwishora mu bupfumu, nshakisha intego y’ubuzima bwanjye.

Iyo njye n’umugabo wanjye bitagendaga neza, najyaga mfata Bibiliya ngasoma mu Migani, kuko namenye ko aricyo gitabo cyuzuye ubwenge, nubwo ntigeze ntahura ubwo bwenge. Sinigeze menya uburyo bwo gusenga, ntibyigeze byinjira mubitekerezo byanjye. Sinigeze menya ko kwizera Yesu aribwo wumva Imana muri wowe. Icyo gihe nari mu mwijima cyane.

Igihe cyarageze rero buhoro buhoro urugo rwanjye rutangira gusenyuka, mbere yuko menya ibibera mubucuruzi bwacu ko bwari mu bihombo, umugabo wanjye yahoraga ataha yasinze kandi nakekaga ko akina urusimbi. Mbere yuko dutandukana, mu myaka itatu ndikumwe n’umugabo wanjye yambereye ikigeragezo, kuko naje kumenya ko ananca inyuma, imibereho igenda imera nabi, ibyo bituma ngenda mutakariz icyizere. Muri icyo gihe kandi naje gutwita undi mwana wa kabiri, ariko biza kurangira inda ivuyemo. Nyuma twaje kwemeranywa gutandukana n’umugabo.

Muri icyo gihe cyo gutandukana n’umugabo, hari umugore wari inshuti yanjye mugihe cy’imyaka itatu twajyaga tujyana gusenga mu itorero rye ariko sinigeze ntera intambwe ngo mvuke bwakabiri, nakire Yesu nk’umwami n’umukiza w’ubugingo bwanjye. Iryo torero naryo narivuyemo, bitewe nuko batemeraga ko kuvuga mu ndimi byaturutse ku Mana. Mu 2002,naje kubona itorero mbatizwa mu mazi menshi, nsanaga abantu baho bizera ko kuvuga mu ndimi ari ikimenyetso cy’umwuka wera, bituma nanjye mbigirira inyota.

Nubwo rero muri icyo gihe nagize umunezero, mu gihe kingana n’imyaka 6. Nyuma nibwo naje guhura n’Imana mu buryo butangaje, icyo gihe nari ndyamye numva ijwi. Naje kugira ibitotsi bidasanzwe mu ijoro, nsinzira amasaha 10-12, mugihe ubusanzwe nasinziraga amasaha 6 yanshyize mu bitotsi byimbitse bidasanzwe kuri njye, mubusanzwe nsinzira amasaha 6 gusa.

Muri icyo gitondo bucyeye rero Imana niyo yankanguye irampana, irancyaha nk’uko ijambo ryayo ribivuga( Ibyahishuwe:3,19) ko ihana abo ikunda. Yantegetse guhindura imitekerereze n’imyumvire yanjye, ngahindukira nkayikorera. Numvise noroheje cyane mu mutima kandi nuzuye imbaraga, nabonaga icyumba cyuzuyemo umucyo.

Kuva icyo gihe, ibintu byinshi mu buzima bwanjye byatangiye guhinduka. Kuri ubu mfite gutinya Imana cyane muri njye. Sinkiri imbata ya Satani, ntabwo ngitwazwa igitugu n’ibyaha. Kwiheba byararangiye kuko nzi uwo ndiwe muri Kristo Yesu. Mpora nibwira iby’ijambo ry’Imana kandi yanyoboye inzira y’uburyo bwinshi bwo gusenga. Nahawe gusobanukirwa nyuma yo gusobanurwa n’Ijambo ryayo.

Nasanze kwiyiriza ubusa atari umutwaro kuri njye kuko Iman yabivuze neza mu ijambo ryayo ko umuntu adashobora gutungwa n’umutsima gusa, ahubwo ni ijambo ryose riva mu kanwa k’Imana" (Matayo:4,4)

Mu gusoza ubuhamya bwe, Glenis aragira abantu inama agira ati:" Mushake ubwami bw’Imana no gukiranuka, ibindi byose muzabyongererwa. (Matayo:6,33),kuberako Imana ari iyera izabisohoza". Ikindi arasenga ngo ubuhamya bwe bugire aho bukura n’aho bushyitsa ababaukurikira.

Source: www.christianfaith.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?