Ubuhamya bwa Carla Imana yahereye agakiza mu(...)

Kwamamaza

agakiza

Ubuhamya bwa Carla Imana yahereye agakiza mu kabari, yabatijwe mu Mwuka Wera akimara kwihana


Yanditswe na: Ubwanditsi     2021-06-22 06:40:48


Ubuhamya  bwa Carla Imana yahereye agakiza mu kabari, yabatijwe mu Mwuka Wera akimara kwihana

Kubatwa n’ibiyobyabwenge, uburaya, gutsikamirwa n’ibikomere, gushakira umunezero mu by’isi bikaba iby’ubusa, uko Yesu yamuhamagariye mu kabari ku munsi w’isabukuru y’amavuko ye, byose ni ububuhamya Carla Pradaco agiye kutugezaho. Muri ubu buhamya murumvamo n’ukuntu yabatijwe mu Mwuka Wera kubera kwihana abikuye ku mutima. Yatangiye agira ati"

Ubuzima bwanjye bwose narwanye no gushaka uko abantu banyiyumvamo, nshakisha uko nakundwa. Ku ishuri muri segonderi nari umuntu ugaragra neza ndetse ndi n’umuyobozi, nyuma nagiye muri kaminuza aho nihuje n’amatsinda agera kuri 15 y’abayobora imiryango y’igenga. Numvaga nshaka ko ngaragara nk’umuntu w’ingirakamaro, icyinyoma nibeshyaga ni uko kugera kuri ibyo byose aribyo bizampa agaciro. Nashakishije inzira zose ngo nkunde mbe umuntu w’agaciro, mbatwa n’ibyo bintu.

Nakuriye mu muryango wa gikristo, ariko ntabwo nari naremenye uburyo Yesu anyitaho ntabizi. Nyuma yuko ndangije kaminuza, nakomeje gushaka gushyira inzozi zanjye mu biorwa mparanira gushaka kubahwa. Nahise nerekeza mu mujyi wa NewYork, aho nahise ngira amahirwe yo gukorana na abayobozi 500. Guhera ubwo nibwo natangiye kujya mu bikorwa by’amajoro: Nko mu tubyiniro ari nako tunywa inzoga, ninjira no mu bikorwa by’ubusambanyi buri munsi. Najyaga mu kazi nyuma nkakesha ijoro muri karabu, hafi saa 4:00 za mu gitondo nibwo najyaga ku kazi.

Nari mfite amafaranga meshi impande zose, kandi nari nkikijwe n’ibyamamamare. Nari mu kigero cy’imyaka 20-22, nakoze uburaya aho nahuraga n’abagabo bakomeye, nabaga mu buzima buhenze. Nishyurwga amadorari igihumbi(1000$) mu ijoro rimwe kandi hatariho inzoga nanywaga, ubwo iyo hajyagaho izindi serivise hari n’ubwo byageraga hagati y’ibihumbi bitanu n’icumi by’amadorari (5000$-10000$) mu ijro rimwe!

Najyaga mu kabari gatatu cyangwa kane mu cyumweru, kunywa inzoga numvaga ari byo binyibagize umubabaro nari mfite wo kumva ko natawe: Aho numvaga nitesheje agaciro, ko ntakunzwe, kugerageza kwikura muri uwo mubabaro rero nabishakiraga mu biyobyabwenge n’ubusambanyi. Nashakaga kwiyumvisha ko ngomba gukundawa uko byagenda kose! Iyo umugabo yandaranaga numvaga ko bucya mu gitondo nabaye umuntu ukunzwe cyane, ariko ikibabaje ni uko mu gitondo nasangaga atibuka n’izina ryanjye.

Nararaga mu kabyiniro, bwacya nkirirwa mu kazi. Igihe kimwe rero ubwo isabukuru yanjye yegerezaga, nahamagaye inshuti zanjye twabanaga mu kubyiniro ngo baze twishimire isabukuru yanjye. Umwe muri abo bakobwa niwe wanyeretse ko ubuzima nari ndimo bwari bubabaje, ahita afata ikemezo cyo kuduta mu kabari aritahira, icyo gihe nafasheicyemezo nsigara ngenyine mu kabari. Iyo yari isabukuru yanjye ku nshuro ya 23, numva ngomba gushaka umugabo turi butahane. Uwo mugabo namubwiye ko ubwo narimo kunywa numvise ijwi rimbwira ngo “ Ubu sibwo buzima bwawe”

[Ari kurira] ati”Kandi koko mu gihe numvaga iryo jwi, namenye ko ibyo byari ukuri!” byasaga nkaho hari umuntu umurikiyeho umucyo muri ako kabari. Nubwo nari nkirimo kunywa inzoga ariko, numvaga murikiwe kandi mpumutse amaso. Nari nkeneye kuva aho muri ako kanya nkajya gusobanukirwa, ese ubuzima ni ubuhe Imana yashakaga ko mbamo. Ako kanya nahise nshyira icupa hasi, umugabo twarimo dusangira agerageza kumvugisha ariko ndanga ndasohoka.

Naragiye nicara ahantu, nyuma mbona umugore n’umugabo bemera ko njyana nabo mu rugo. Uwo mugore yirengagije inshingano ze, anyicara imbere abwira umugabo we amagambo neza yahuye na rya jwi numvishe mu kabari! Ako kanya menya ko ari ijwi ry’Imana. Nibwo nababazaga nti “Ese murakijijwe?” nuko batangira kumbwiriza ubutumwa, bamwira icyo Yesu anyifuzaho, bambwira urukundo ankunda, bambwira iby’ukuntu yamfiriye. Ibyo bambwiye numvise ari inkuru numvise bwa mbere mu matwi yanjye, [Arira] Ati” Nahise menya ko Yesu ariwe ugomba kuba umugenga w’ubuzima bwanjye! Ko ariwe ugomba guca akajagari kose kari muri njye”.

Icyo gihe bambwira ayo magambo, ako kanya nahise ntangira kwatura ndihana. Iryo joro byose byarahindutse mu buzima bwanjye, natangiye kwitegereza ubuzima bubi nari mbayemo, Natangiye gushakisha kumenya uwo Imana ishaka ko mba we.

Naravuze nti’ Iyi Mana ishobora kurokora ubuzima bwanjye insanze mu kabari, ni ikihe kindi igiye kunkorera? Ndibaza nti ese ni iki ikunda?”. Naje kubona itorero, umushumba wanjye anjyana imbere andambikaho ibiganza, muri ako kanya numva nkaho ari umuriro ugurumana mu mubiri wanjye, ntangira gusobanukirwa.

Ntangira gusenga mu ndimi nshya ntari narigeze no kumenya, birumvikana ko ibi byose ntabikoraga kubw’imbaraga zanjye. Aha niho natangiye urugendo rwanjye rw’umwihariko n’Imana, imivumo yamvuyeho kandi kuva ubwo irari ryo kunywa inzoga/ ibiyobyabwenge ryaragiye! Kuva icyo gihe navuye mu buraya, nta n’irari ryo gusambana nongeye kugira kuva ubwo. Nyuma naje kwisanga natangiye kujya nsengera abantu muri NewYork, byibura ngo nabo bamenye Yesu.

Imana ntiyigeze insaba kwinjiza urukundo rwayo muri njye kuko ntari kubibasha, ahubwo yo yankunze mbere. Urukundo Imana yankunze si kubw’imirmo, si kubwo gukiranuka, ahubwo iyo twizeye tugasobanukirwa ko Imana yabanje kudukunda, tukamenya ko twaremewe kuba ibikoresho by’Imana kubw’urukundo rwayo, nibwo dutangira gukora ibihuye n’umutima wayo.

Hari itandukaniro rikomeye hagati y’amahoro isi itanga, n’amahoro Yesu ashobora kuguha. Izo nizo mpano nahawe ubwo namaraga kwakira agakiza.

Source: 700 Club Interactive

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?