Ubuhamya:Uko Imana yiyeretse Pastor Terry(...)

Kwamamaza

agakiza

Ubuhamya:Uko Imana yiyeretse Pastor Terry wafashwe ku ngufu n’abagabao 3 ku munsi w’ubukwe bwe (igice cya I)


Yanditswe na: Ubwanditsi     2021-07-12 04:35:11


Ubuhamya:Uko Imana yiyeretse Pastor Terry wafashwe ku ngufu n’abagabao 3 ku munsi w’ubukwe bwe (igice cya I)

Terry Gobanga ni umupasiteri wo muri Kenya yanyuze mu magorwa akomeye cyane ubwo umunsi w’ubukwe bwe wari ugeze, yafashwe ku ngufu n’abagabo batatu biba ngombwa ko ajyanwa mu bitaro bya Nairobi, akize ahita asezerana na wa musore wamukunze ndetse bagira ubukwe bw’akataraboneka.

Mubyukuri n’ubwo Imana yagucisha mu bikomeye iba ifite impamvu kandi ibyo yibwira kugirira abantu bayo si ibibi, ahubwo ni ibyiza. Uyu Terry Gobanga muri 2005 mu kwezi kwa mbere yari afite ubukwe. Mu gitondo cy’umunsi w’ubukwe bwari kuba saa yine ahitwa All Saint Cathedral Nairobi. Yaje gusanga umugabo we yibagiwe cravate yagombaga kwambara mu bukwe, hari mugenzi we wari wararanye na we ahita amubwira ati “Iyi cravat yimushyire mu gihe mba ndimo kwitegura, ariko reka nguherekeze nkugeze ku modoka utege uyimushyire”.

Mugenzi we yaramuherekeje amugeza aho bategera imodoka ahita amusezera aragenda. Mugihe Terry yarimo agenda kuko hari mugitondo cya kare, hari umugabo umwe wari wegamiye imodoka, akimara kumucaho ahita amufata mu mugongo amwinjiza mu modoka asanga harimo abandi bagabo 2 bamujyana hanze ya Nairobi bamuzirika igitambaro ku munwa kugira ngo ataza gusakuza hanyuma bamufata ku ngufu. Terry yarabiginze ati “Nimundekure mfite ubukwe uyu munsi” umwe muri abo bagabo yaramubwiye ngo nukomeza gusakuza turakwica. Terry yarumye umwe muri bo aramubabaza cyane.

Amaze kumubabaza cyane bahise batsa imodoka bagendera ku muvuduko mwinshi, baramufata bamujugunya mu muhanda wa kaburimbo. Yikubise hasi arakomereka cyane inda ye irasaduka noneho ahita atakaza ubwenge. Umwana wamubonye yahise ahamagara nyirakuru amwereka uwo Terry noneho bahita bahamagara polisi iraza itekereza ko yapfuye, bahita bamufata bamushyira mu modoka ya polisi bamutwikiriza couvre-lit bagiye kumujyana mu buruhukiro (morgue), bumva aritsamuye bahita bamujyana kuri hopital ya Nairobi.

Umwe muri abo bapolisi Imana yamukoreyemo aratekereza ngo uyu muntu ashobora kuba yari afite ubukwe, bahita batangira kubaza ahantu hose mu matorero noneho bagwaa kuri All Saint Cathedral babajije baravuga ngo ni byo koko hari umugeni dutegereje hano, umugabo we yamubuze n’ababyeyi bamubuze abantu bose bayobewe aho yagiye. Bakimara kubivuga ababyeyi be bamenya ko yakoze impanuka baragenda baramureba urumva nta bwenge yari afite kugeza aho bugarukiye atangira kubabwira uko byagenze.

Nyuma yaho urumva ubukwe ntabwo bwabaye, ariko guhera uwo munsi batangiye kumuha imiti yo kumurinda SIDA kuko urumva abantu batatu bari bamufashe kungufu, bashoboraga no gutekereza ko yarwaye SIDA. Nyuma yaho wa mugabo bagombaga gushakana yaraje aramubwira ati “Nyewe ndacyagukunze, n’ubwo ntari nabona ibisubizo bya muganga kuko bari bamubwiye ko bizaboneka nyuma y’amezi atatu”.

Amezi atatu arangiye, bazanze Terry ari muzima, hanyuma umugabo we yaramubwiye ngo ndacyagukunze kandi ndifuza ko tubana, ariko hagati aho kwa muganga bari bamubwiye ngo wakomeretse cyane mu nda ntuzabyara. Terry yarabyakiriye, ariko kuko umugabo yamwingigaga ngo bakore ubukwe aracyamukunda, icyakora n’ubwo kwa muganga bari basanze ari muzima, baramubwiye ngo ategereze amezi atatu maze abe atandatu kugira ngo babe bizeye neza ko nta kibazo afite.

Barategereje ukwezi kwa 6 kuragera basanga nta kibazo bahita bategura ubukwe mu kwa 7. Umuntu umwe wigeze gufatwa ku ngufu na we yumvise amakuru ya Terry aragenda aramubwira ngo rwose twebwe n’ishyirahamwe ryacu tukwemereye kugukoreshereza ubukwe bwose, icyo ushaka cyose ugikore, n’aho ushaka gukorera ukwezi kwa buki hose uzahajye byose tuzabyishyura.

Pastor Terry Gobanga n’umugabo we Harry bakoze ubukwe bwiza, bushimishije muri Nyakanga 2005 ku buryo abantu bose babwitabiriye bashaka kureba uko byagenze. Murumva rero ko Imana yemera ko umuntu wayo aca mu bigeragezo bikomeye, ariko ifite umugambi wo kumugirira neza.

Ifoto igaragaza ubukwe bwa Terry na Harry

Mu gice cya kabiri tuzareba uko Terry yapafakaye hashize iminsi 29 akoze ubukwe n’uburyo Imana yamuhojeje amarira ikamuha undi mugabo ndetse bakabona urubyaro mugihe abaganga bari baramubwiye ko adashobora kubyara bitewe n’ukuntu yangiritse mu gihe yafatwaga ku ngufu.

source: agakiza Tv, http://new.mannaexpressonline.com/

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?