Ubuhamya: Uko Imana yarokoreye Ana kuri(...)

Kwamamaza

agakiza

Ubuhamya: Uko Imana yarokoreye Ana kuri mudasobwa yari agiye kwiyahura


Yanditswe na: Ubwanditsi     2021-05-18 03:46:11


Ubuhamya: Uko Imana yarokoreye Ana kuri mudasobwa yari agiye kwiyahura

Ana María ni umugore wo muri Espagne, ubwo yari amaze kwandika amabaruwa yo gusezera ku muryango we yashakishije kuri interinete uburyo bwiza yakwiyahuramo. Ni nyuma yuko yari yaratekereje kwimanika, kwisogota, kwinaga muri gariyamoshi cyangwa se kwihanura hejuru y’icyiraro, byose agasanga bidahagije ngo yiyahure. Muri ubu buhamya bwe, muramenya uburyo Imana yamuhamagaye akaba anejejwe no kuba mu muryango w’abana b’Imana. atangira agira ati"

Imana yankuye mu nzara z’urupfu, yankijije abanzi banjye. Imana yanyemeje iby’icyaha cyanjye nari ngiye kugwamo, ubwo nari ngiye kwiyahura. Hirya no hino ntawe nabonaga wamfasha, nta kerekezo nabonaga. Numvaga ibitekerezo bimbwira mu mutima ngo ndi mu biki ko nta numwe unyitayeho, kandi ko nta nuwiteguye kumfasha! Ubu Yesu yarampamagaye, ubuzima bwanjye yabuhinduye mu buryo butangaje, yampinduriye ubuzima mu buryo bwuzuye! Nizere ko Yesu ashobora guhindura uwo ari we wese.

Natekereje kwiyahura igihe kirekire kuko nabonaga nta gusubizwa mbona, kubaho numvaga ntacyo bimariye. Kubyibuka bijya binkomerera, nari mfitanye ibibazo n’inshuti, umuryango wanjye, ubukungu buhagaze nabi, kukazi naho ntibyari bimeze neza. Nari ngeze aho gusezera kuri buri muntu wo mu muryango wanjye. Nta kintu na kimwe nifuzaga mu buzima bwanjye, yewe habe no kwita ku mukobwa wanjye, mama cyangwa abavandimwe. Narahangayitse ku buryo bw’indengakamere!

Natekereje kwimanika, kwisogota, kwinaga muri gariyamoshi cyangwa se kwihanura hejuru y’icyiraro. Numvaga maramarije kwiyahura, kandi nkabikora mu buryo bwihuse ntawe uri bumbone ngo andokore, cyangwa se ngo ankize ambuza kwiyahura. Nifuzaga kubikora mu buryo bw’uko ntawe uri bumbone. Nyuma naje kwibwira nti kuri murandasi(Online) nta kijya kihabura, nibwo nashakishije uburyo bwiza bwo kwiyahuramo. Ubwo nari ngiye kuzimya mudasobwa yanjye, nabonye ubutumwa( notification)mu mfuruka y’ikirahure(screen) kuri computer ndabyitegereza, sinabasha gusobanura uburyo nabibonaga!

Ariko ubu naje kumenya ibyo ari byo, kubera ko Yesu icyo gihe yambwiye ati “ Reba hariya” nakanzeho, naho yari malayika wari uri aho! Umugore w’umukorererabushake kuri Pathcondios.net, niwe Imana yakoresheje mu kondokora, twagiranye ibiganiro. Ndagira ngo mbabwire ko guhura kwanjye n’Imana byari ibyishimo, uko nasenze nihana ibyaha byanjye byose, negurira Imana ubuzima bwanjye, nuzuye amahoro. Mbere ntabwo nigeraga numva ayo mahoro muri njye, ariko umunsi amahoro yaje hagti muri njye sinongeye kumva ubububabare.

Nashimye Imana bwa mbere mu buzima bwanjye, nari umuntu wagiraga amagambo mabi. Uyu munsi ndasenga ngo abamfata nabi bamenye ko nahindutse. Mbere sinihanganiraga umuntu wese wambabazaga, ariko uyu munsi wa none namenye kubabarira kandi abo bantu ndabasengera. Nubwo intambara zitabura, ariko ndashima Imana ko yakoze impinduka muri njye. Ntabwo ngihangayika kuko byose nifuza biri mu biganza bya Yesu, nkora byose mu rukundo rwe kandi kubw’icyubahiro cye!

Ntabwo nkiri Anna wambere, abu abanzi neza barabona impinduka. Bajya bambwira bati, “ Anna, ntabwo ukiri wawundi, warahindutse!” Nanjye nkavuga nti icyubahiro kibe icy’Imana. Nahuye n’abashumba banjye, ubu niyumva nk’umwana mu rugo utarigeze ababyeyi ariko wemewe mu muryango w’abana b’Imana, agahabwa byose.

Ubu numva ndi umuntu witaweho, uhora urinzwe, nahawe ubufasha mu buryo budasanzwe, numva ndi umwana mu rugo. Nabatijwe mu mazi menshi kuko nizera ko ari igihe cyo kubwira isi ko nafashe umwanzuro wo gukurikira no gukorera Yesu Kristo. Ibidashobokera abana b’abantu, bishobokera Imana!

Reba hano ubuhamya bwa Ana Maria

Source: Billy Graham Evangelistic Association(Youtube)

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?