Ubuhamya:Richard Imana yamukuye mu bwigomeke imuha agakiza.

Richard kuva mu bwana bwe yaranzwe n’ibikomere by’imbere mu mutima bitewe n’incuti ze zakundaga kumutoteza mu buzima bwa buri munsi bamwereka ko ntacyo ashoboye. Nawe mu rwego rwo kwirwanaho yadukanye imyitwarire yo kwigomeka no guhabura abantu ndetse no kwishora mu biyobwabwenge byamuviriyemo gufungwa ariko nyuma yaje gukizwa.

Mu buzima bwe, Richard yari umwana uzi ubwenge wishimye kandi wigirira icyizere. Richard yaje guhindura imyitwarire nyuma y’uko se umubyara ataye umuryango we. Kuva icyo gihe Richard yatangiye kujyana n’abandi bahungu gukina umupira w’amaguru.

Mu gihe babaga barimo gukina,abo bahungu baramutukaga, bakamukubita mbese ugasanga baramutoteza rimwe na rimwe bamuziza ko adatsinze igitego. Ibi byamubayeho igihe kirekire kugeza ubwo byamurenze atangira kwiga imico mibi yo kugira amahane no kurwana tutibagiwe no guhabura abantu yaba abaruta cyangwa bamuruta.

Iyi mico Richard yigishijwe na bagenzi be yaragiye imwangiriza ubuzima yumva atakaje icyizere cy’ubuzima bitwewe n’uko bamubwiraga ko kurwana ari uburyo bwo kwihagararaho kugirango hatagira abamuvogera ibi byatumye agira isura ikangganye mbese muri macye yahindutse ikigomeke.

si ibyo gusa ahubwo Richard yatangiye kwiga kunywa ibiyobyabwenge bigeza ubwo atangiye gufungwa kandi akiri muto. Mu by’ukuri yazengurutse gereza zitandukanye kubera ingeso mbi zo kurwana, guhohotera abantu bitewe no kunywa ibiyobyabwenge.

Umunsi umwe ari muri gereza ijwi ry’Imana riramusanga riramuganiriza rimwereka ko yayobye agakora ibyangwa n’uwiteka ariko ko Imana ikicaye ku ntebe y’imbabazi kandi yiteguye kumubabarira no kumukiza agahinda kamwizingiyeho. Richard kuko atari azi ko Imana ivuga yabanje gushidikanya ariko uwiteka yakomeje kumwibwira neza.

Nyuma y’igihe gito Richard yaje guhinduka yiga gusenga ubwo yari ari muri gereza kugeza ubwo yafunguwe ageze hanze atangira kujya mu materaniro yera arabatizwa ndetse yakira Yesu Kristo nk’umwami n’umukiza w’ubugingo bwe ubu ni umugabo wo guhamya Imbaraga z’Imana hirya no hino ku isi kugirango abatamuzi bamumenye.

Source: truthsaves.org