Ubuhamya: Renan Yesu yamukijije agahinda gakabije

Ku myaka ye 23, Renan Imana yamukijije agahinda gakabije (depression) ubwo yabaga mu buzima bwo kwigunga, muri we yumvaga ari mu rungabangabo atazi icyo ashaka n’icyo abura ariko ku bw’umugambi mwiza wa Yesu yaramwiyeretse agahinda ke gahinduka iyishimo.

Renan aragira ati: “nakuriye mu muryango w’abakristo, ariko njyewe nizeraga imana nkwita ko ar inshyashya. Nashakaga kubaho mu buzima bunshimihije bityo nakoraga ibishoboka byose ngo nishakemo umunezero.

Nari mfite inzu yanjye mu mujyi.kugirango nirinde kuba mu rugo, nageragezaga kwirinda kuganira n’abantu no gusabana nabo. Nari mfite umuhungu w’incuti yanjye, ariko mu rwego rwo kugirango mbeho nigenga, nirinze gushakana nawe. Mu buryo bwose nagerageje kwishakamo umunezero, sinawubonye ahubwo byanteye agahinda gakabije (depression)

Mu by’ukuri sinigeze nishimira ubwo bwigenge (independence) ndetse no guha abandi akato. Muri icyo gihe nashatse akazi keza ndakabona yewe nahembwaga umushahara utubutse ariko intego yo kugera ku munezero ndayihusha ahubwo nkabona ngenda ndushaho kubaho nabi kurusha uko nari meze mbere.

Hanyuma naje kubona binyobeye ntakambira uwiteka nshiye bugufi maze nawe aranyumva ndetse aransubiza.

Mu minsi micye Imana yanyeretse impamvu ishaka ko ngumana na wa muhungu wahoze ari incuti yanjye, kuruta ko nashakira ibyishimo aho bitari. Si ibyo gusa ahubwo uwiteka yambwiye ko ngomba kureka akazi nakoraga kandi nakundaga nuko integeka gufata akandi kazi, mu by’ukuri ntibyari binyoroheye kureka akazi k’inzozi zanjye, ariko nemeye kumvira Imana.

Buhoro buhoro, Imana yatangiye gukorana natwe twembi (njyewe n’umusore dukundana), itwereka uko ishaka ko tubaho. Ikindi cy’ingenzi Imana yaduhishuriye ubuzima bw’ahazaza idutegurira.

Mu gihe cy’amezi atanu, Imana yatubwiye ko tugomba kujya mu gikorwa cy’ubukorerabushake mu bijyanye no gufasha abana. ibyo twarabyubahirijekandi muri icyo gikorwa uwiteka yaradusuye itwigisha uburyo dukwiye gutangira kwitegura ubukwe bwacu, kandi itubwira ko buzaba mu myaka ibiri iri imbere uhereye aho twatangiriye urugendo rwo kubana n’Imana kandi nahabonye umunezero udasanzwe.

Muri iyo minsi namaze imyaka ibiri nta mushahara kuko twakoraga ibikorwa byo gufasha abana, ubuzima bwatangiye kudukomerera. ariko Imana yatubaye hafi ikajya iduha ibyo dukeneye. Kwiga gukurikira Imana n’ubwo abandi Bantu batabyumvaga ahubwo babonaga ibyo dukora bibatera urujijo. Ariko ntibyaducaga intege habe na mba ahubwo natekerezaga ko igihe cyose nahereye nshakira amahoro aho atari, byari ubujiji.

Kugeza ubu turimo gutegura ubukwe, kuva twatangira kubana n’Imana no gukorana nayo, Imana yaduhaye amahoro kandi yaduhishuriye ubuzima bwacu bw’ahazaza kandi ku bwo kwigomwa iby’isi tukayikurikira byatumye tugirana umubano ukomeye cyane”

Mu gusoza ubuhamya bwe, Renan aributsa abantu ko amahoro nyakuri ava kuri Yesu niyo mpamvu ibyo abantu bibwira byose ari ubusa ahubwo gushyira Imana ku mwanya wa mbere ndetse no kuyumvira bitanga amahoro atemba nk’uruzi.

Source: wwwtruthsaves.org

Vestine agakiza.org