Ubuhamya:Nyuma yo kuba imfubyi, John yabaye(...)

Kwamamaza

agakiza

Ubuhamya:Nyuma yo kuba imfubyi, John yabaye umuvugabutumwa ndetse ashinga ikigo cy’imfubyi


Yanditswe na: Ubwanditsi     2020-07-07 09:08:59


Ubuhamya:Nyuma yo kuba imfubyi, John yabaye umuvugabutumwa ndetse ashinga ikigo cy’imfubyi

John yabaye mu buzima bukomeye nyuma yo kuba imfubyi akajya kurererwa mu wundi muryango. Ariko kuko Imana yari imufiteho umugambi yaje kwakira Yesu nk’umwami n’umukiza w’ubugingo bwe, aba umuvugabutumwa ndetse arangiza amashuri ye by’umwihariko atangiza ikigo cy’imfubyi.

Mu magambo ye, John aradusangiza ubuzima yanyuzemo n’uburyo yaje kugera kuri byinshi abifashijwemo na Yesu:

"Navukiye mu muryango wizeraga ibintu karemano (animism) nk’ibimera, amatungo urutare n’ibindi. Nkomoka mu muryango wa Laymyo Dai navutse mu mwaka 1985. Sogokuru yanyoboye inzira ya gikristo nkiri umwana. Ni muri ubu buryo namaze imyaka itari mike ntazi Imana iyo ari yo. Sinigeze menya ko nari umunyabyaha imbere y’Imana kandi nkeneye kubabarirwa ibyaha n’Umwami Yesu Kristo.

Mu 1990, mfite imyaka itanu, natandukanye n’ababyeyi banjye mpinduka imfubyi hamwe na mushiki wanjye na murumuna wanjye. Imana yaje kuduha umupapa uturera mu1995 kugirango aturere kandi anyishyurire ishuri ryisumbuye. Nyuma yo gutsinda icyiciro cya munani, Papa yambwiye ko ngomba guhagarika kwiga kubera ko umuryango wacu utishoboye. Ariko Imana yangiriye neza kuburyo Marume yansezeranije gushyigikira imyigire yanjye mu mashuri yisumbuye.

Ku bw’ubuntu bw’Imana mbifashijwemo na benshi, narangije amashuri yanjye mu 2002. Nubwo nashakaga kuba umupolisi ariko Mama ntiyanyemereye kubikora ahubwo ashaka ko nkora umurimo w’Imana kandi nkiga ijambo ryayo. Imana yashubije isengesho rya Mama mu 2004 ubwo Pasiteri wanjye yangiraga inama yo kwiga Bibiliya muri College ya Bibiliya. Nizeraga cyane ko Imana yampamagaye mu murimo wayo kandi ikampa amahirwe yo kwiga Bibiliya binyuze mu idini yanjye.

Natangiye urugendo njya mu Buhinde kwiga Bibiliya mu 2004 ngenda n’amaguru icyumweru kubera ikibazo cy’amafaranga. Nyuma yo kwinjira muri kaminuza ya Bibiliya, hari ibibazo byinshi n’ingorane nyinshi zaje kunzaho nko kutagira umurinzi, kudashobora kuvuga icyongereza.

Mubyukuri najyaga ahandi kugirango mbone amafaranga nkora amakara no gutema ibiti nibindi. Igihe nari ku kazi, naje kwibaza impamvu ibyo bintu bimbaho. Kandi mbaza Imana ikibazo kigira kiti: "Kuki Mwami, naje kwiga ijambo ryawe ntabwo ari ugushaka kwawe?" Imana yambwiye mu ijwi riranguruye ko igihe cyanjye kitaragera kandi ngomba gutegereza. Kuva uwo mwanya, natumiye Kristo kuba muri njye kandi mwemera nk’Umwami n’Umukiza wanjye muri 2005.

Muri icyo gihe, Imana yampaye kurangiza amasomo yanjye muri 2008 hanyuma nsubira mucyaro cyanjye kavukire gukorera Umwami nka Asst. Pasiteri muri (uwungirije Pasiteri )2009. Nahakoze umwaka umwe gusa, numva ko nkeneye kwiga byinshi ku bijyanye nijambo ryImana no gutoza ubumenyi bwibyanditswe. Byongeye kandi, naje kumenya ko abantu banjye bakeneye cyane ko hagomba kubaho gahunda yo kwigisha abana kigo cy’imfubyi, kandi ntangira gusenga Imana ngo yiheshe icyubahiro.

Imana yongeye kumfungurira inzira yo kwiga amasomo yanjye ya M. Div i Yangon, muri Miyanimari muri 2009 ndangiza amasomo yanjye muri 2011. Nkimara kurangiza amasomo yanjye natangiye umurimo muto witwa "Hope Children Home" hagamijwe kwita ku bana b’imfubyi badafite kivurira.

N’ubwo iki kigo cy’imfubyi cyatangijwe nta bafatanyabikorwa bahari cyangwa incuti zo kudushyigikira, Imana izadufasha kugirango abana bayo bagubwe neza kandi izina ryayo rihimbazwe"

Source: www.christianfaith.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?