Ubuhamya: Mbere yo guhura na Yesu, Eddy yari(...)

Kwamamaza

agakiza

Ubuhamya: Mbere yo guhura na Yesu, Eddy yari imbata y’ubusambanyi


Yanditswe na: Ubwanditsi     2020-06-23 09:19:29


Ubuhamya: Mbere yo guhura na Yesu, Eddy yari imbata y’ubusambanyi

Mugihe cye cy’ubusore, Eddy yaranzwe no gukora ubusambanyi kuburyo yumvaga kubyikuramo bitamushobokera, Yakoze ibishoboka byose ngo arwanye iyo ngeso mbi nyamara biranga kugeza ubwo yakiriye Yesu nk’umwami n’umukiza w’ubugingo bwe hanyuma arabohoka.

Mubyukuri biragora kwigobotora ingoyi y’icyaha utabifashijwemo n’Imana kuko Satani aba yahumye umuntu amaso ariko gufata icyemezo cyo gukizwa niyo nkingi yo kubohoka ukaba mu mudendezo w’agakiza.

Mu magambo ye, Eddy aratubwira inzira yanyuzemo kugirango akizwe ndetse aneshe icyaha cy’ubusambanyi:

’’Mugihe nari mfite imyaka 21 y’amavuko, Natangiye kwifuza kwegera Imana, Nari mfite umukobwa twakundanaga ari nawe twakoranaga icyaha cy’ubusambanyi. Nari nzi neza ko ubusambanyi buhabanye n’umugambi w’Imana. Ijoro rimwe nabwiye uwo mukobwa ko ntazongera gusambana, Nyuma y’ibyo yahise andakarira cyane.

Kuva ubwo nanejejwe n’icyemezo cyiza nafashe, Ariko nasigaranye urugamba rwo gutegura gusaba Imana imbabazi aribwo nagiye mu rusengero negera Pasteri musobanurira uburyo nakoze ubusambanyi igihe kinini, Hanyuma aransengera ansabira Imana imbabazi.

Navuye ku rusengero nezerewe cyane ariko hashize amezi atatu natangiye kumva igitekerezo cyo gusambana kinjemo, Ariko nahitaga nsenga nkinginga Imana kugirango impe imbaraga zo kunesha kugeza igihe nzashakira.

Umunsi umwe, Incuti yanjye yantumiye ku rusengero rwitwa "Horizon Christian Fellowship" muri San Diego. Aho hantu nahumviye ijambo ry’Imana ndetse ndaryizera, Ntangira kwicuza igihe nataye ndi mu busambanyi. Umwigisha yatwigishije ku ijambo Yesu yavuze rivugako uwifuje umugore aba amaze gusambana.

Mubyukuri kuva icyo gihe nahagaritse ubusambanyi ariko nanirwa kureka kurarikira abakobwa, Ariko sinacitse intege nakomeje kwitabira ishuri rya Bibiliya ndetse niga imbaraga z’umwuka wera. Bibiliya ivugako Imana iduha imbaraga zo kwihanganira ibigeragezo (1Abakorinto 10:13) kuva ubwo nahise numva ko Imana ikomeye cyane kandi yabasha kunkiza kurarikira abagore.

Nyuma y’amezi atatu niga ishuri rya Bibiliya, Nasenze Imana nyisaba kumbabarira ibyaha byanjye ndetse nsaba umwuka wera kuza mu buzima bwanjye akampa imbaraga zo kubaho uko Imana ishaka. Ibi byose byabaye ari kuwa Gatatu mu iteraniro ku itorero ryitwa Horizon Christian.

Nakijijwe mfite imyaka 21 ariko nyuma y’imyaka itandatu nakoze ubukwe, Ubu mbanye neza n’umugore wanjye nta rwikekwe kuko Yesu yampaye agakiza sinkigendera mu nzira z’ibyaha"

M u gusoza ubuhamya bwe, Eddy arashima Imana ko yamukuye mu bubata bw’ubusambanyi no kwiruka mu bagore . Iyo icyo gitekerezo kimujemo, Ahita agihagarika ako kanya kubera imbaraga z’Imana. Aboneraho kandi gukangurira abantu ko ibyaha byose baba barakoze, Badakwiye gutinya Yesu ni umukiza.

Source: truthsaves.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?