Ubuhamya: Kubyara ntibikwiye kuba urwitwazo(...)

Kwamamaza

agakiza

Ubuhamya: Kubyara ntibikwiye kuba urwitwazo rw’uko uburira umwanya Imana


Yanditswe na: Ubwanditsi     2021-08-13 07:30:23


Ubuhamya: Kubyara ntibikwiye kuba urwitwazo rw’uko uburira umwanya Imana

Mu myaka yashize imyizerere yanjye yarangiritse. Kuba umubyeyi no guhuza inshingano zitandukanye byihariye umwanya wanjye nagiranaga n’Imana, kandi ubusabane bwanjye nagiranaga na yo bwabaye buke ubwo natangiraga kwitwa mama.

Mbere si uku nahoze. Sinzigera nibagirwa igihe ninjiye bwa mbere mu itorero aho mvukira i Berlin, ubwo nahaga ubuzima bwanjye Kristo Yesu ntangira urugendo rwanjye n’Imana. Nirengagije ubuzima bwanjye bwo kwinezeza no kunywa inzoga. Nashakaga gutangira ubuzima bwanjye bushya no kwigira byose kuri Yesu watanze ubuzima bwe ku bwanjye. Numvaga buri gihe gusa indirimbo zo kuramya, ntwara Bibiliya yanjye ahantu hose, ndetse igihe kimwe nafashe CD zose nakundaga zitari iza gikristo ndazijugunya mu rwego rwo gutangira ubuzima bwanjye bushya n’Imana.

Mu myaka 20, ndi kure y’ubwo buzima bw’umwangavu ushishikariye gushaka Imana, igitangaje iyo nza kwita ku bukristo bwanjye nkiri muto mba narageze ku nzozi zanjye, ubu mba mvuga nti "Yego". Ku bakristo benshi bimwe mu byifuzo bikomeye bagira ni ubukwe hamwe n’abana. Ibyo bibaye ari cyo gipimo cy’ubuzima bwa gikristo bwiza, mba narabigezeho.

Nubatse mu myaka icumi ishize, kandi mfite abana batatu beza. Ariko iyo urebye ubuzima bwanjye bw’umwuka no gukura kwanjye, nasubiye inyuma cyane. Aho kubaka umubano wanjye wimbitse n’Imana nko mu myaka yashize, ubu inshuro nyinshi nibaza niba ngifitanye isano n’Imna. Kubyara byambereye urwitwazo, nsenya umubano wanjye nagiranaga n’Imana mpugira mu bana! Kuva nkimara kuba mama, natangiye kwibanda ku byo umwana wanjye akeneye. Igihe cyanjye n’Imana cyaragabanutse cyane. Nirengagije ko natakaje ubusabane bwanjye n’Imana, mpagarika ibihe byo gusenga kuko nari nihugiyeho cyane.

Ibyo bihe byose nabifashije hasi, ndibwira nti: "Nzongera kugaruka mu murimo w’Imana abana nibamara gukura". Ikibabaje ni uko ibyo bitigeze bibaho! Abana bamaze gukura nasubiye ku kazi, ariko ubu nibwo ndemerewe kuruta bakiri bato! Rimwe na rimwe numvaga ndi umukristo w’indyarya, nari umukristo udafata umwanya wo gusenga. Nakunze kubyirengagiza no kubipfobya, ariko nisanze naratakaye! Ubwoba no guhangayika ni byo byari byuzuye amarangamutima yanjye ubwo ibyanjye byose byari bimaze kuva kuri gahunda. Nyuma muri ibyo bihe, ni bwo nitekerejeho nsanga narubatse inzu yanjye ku musenyi.

Nari nzi ikintu gikeneye guhinduka. Igihe isi yose yatangiraga kuvuga ku buzima bwo mu mutwe no kwiyitaho, narebye kure mu mibereho yanjye yo mu mwuka ntangira kwiyitaho. Ubu namenye ko gukomera mu buryo bw’umwuka ari ingenzi kuri njye, ko kugirana umubano mwiza n’Imana bitagereranywa! Ntabwo ari njye ubwanjye gusa, ahubwo n’umuryango wanjye kuko niba ndwana urugamba, umuryango wanjye nawo birawureba.

Natangiye gutera intambwe no gufata ibyemezo byo kumarana umwanya n’Imana. Mbere, nakundaga gukora isengesho ry’umunota nsinzira ngiye kuryama, kugira ngo ntacirwa urubanza ko ntasenze. Ariko ubu mara igice cy’isaha nsoma Bibiliya kandi mbigambiriye, hejuru y’ibyo mpura n’umwe mu nshuti zanjye magara buri cyumweru kugira ngo dusenge, nubwo dukoresha ikoranabuhanga. Kugira umfasha mu masengesho byamfashije gukomeza urugendo, kandi byamfahije kugera ku ntera ishimishije mu masengesho.

Ubu nsigaye ngerageza gushyira mu gaciro nubwo impinduka zitaba mu ijoro rimwe, ariko ndasenga ngo ishyaka nari mfitiye Yesu mu myaka yo hambere i Berlin rigaruke kuko ndi mu nzira yo kubanza Imana imbere!

Source: Christiantoday.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?