Ubuhamya: Kevin yakiriye agakiza nyuma yo kubatwa n’ingeso mbi zo kwanga ishuri.

Kevin mu gihe yari ingimbi, yarangwaga n’imyitwarire mibi: ku beshya, gusambana, kwiba n’ibindi. ntiyari azi intego cyangwa igisobanuro cy’ubuzima bwe, iyo bamwoherezaga kwiga yirirwaga areba filime aho gukora icyamujyanye ariko yaje kumenya Yesu maze arakizwa azinukwa ingeso mbi ndetse aba intangarugero mu myitwarire myiza.

Mu buzima nta munezero uruta kumenya Yesu akakubera umujyanama w’ubuzima bwawe kuko nta mahoro yo mu byaha, Kevin aradusobanurira uburyo yari yarigometse abaho mu buzima butagira intego hanyuma akaza guhindurwa mushya.

“mushiki wanjye yanshakiye ishuri kugirango rimfashe kumenya kwandika, gusoma n’ibindi. Narabyemeye njyayo ariko mu by’ukuri sinigaga. Byanteraga isoni kubwira mushiki wanjye ko nirirwa nkina imikino, ndeba filime kuri mudasobwa yanjye. Nakomeje kubaho mu buzima bwo kubeshya ko niga, ariko ntibyigeze binezeza ahubwo umunsi ku wundi byakomezaga kumpangayikisha.

Burya koko nyuma yo kubona ikintu, uhita ukenera ikindi mbese ni uruhererekane rutajya ruhagarara. Mushiki wanjye yaje kumfata ndimo gukina aho kwiga nagerageje gusaba imbabazi ariko ntacyo byatanze. Naguye mu kimwaro gikabije kuba baranshakiraga ubuzima bwiza nyamara njye nkanga kwiga.

Umwaka w’amashuri wararangiye nuko mushiki wanjye ampindurira ishuri anjyana ku kindi kigo. Nkimara kuhagera nakomeje gukora ya makosa yo kwanga kwiga, iyo umwigisha yaduhaga umukoro , sinawukoraga ahubwo nkiniraga imikino yo kuri mudasobwa yanjye cyangwa nkareba televiziyo. Igihe cy’ibazwa kigeze nagize ubwoba nibaza icyo nzasubiza kiranyobera mpitamo gukopera kugirango mushiki wanjye atazongera kuntonganya.

Mu by’ukuri ibintu byatangiye guhinduka muri njye mu gihe niberaga mu buzima bwo kubeshya, guhorana ikimwaro n’agahinda gakabije nibwo natangiye natangiye gutekereza intego y’ubuzima bwanjye iyo ari yo.

Umunsi umwe nagiye ku rusengero ari kucyumweru, ikirere cyari gikeye cyari icyumweru cy’umubatizo,bamaze kubatiza umwigisha w’ishuri ry’icyumweru yaduhaye Bibiriya z’ubuntu ngo tujye dusoma ijambo ry’Imana. Iyo bibiliya yasaga neza cyane yanditseho “ Bibiliya Yera” ubwo natangiraga kuyisoma nahingukiye ku magambo Yesu yavuze ko hahirwa abe, kuko ubwami bw’ijuru ari ubwabo.

Yesu yakomeje ko abarenganywa bahorwa gukiranuka bahiriwe kandi ko hahiriwe abatukwa bakarenganywa bahorwa izina rya Yesu bakwiye kwishima kuko ingororano zabo ziri mu ijuru. Kuko ibyo bibakorerwa byakorewe n’intumwa zo hambere.

Nyuma y’ibyumweru bike nasuye urubuga rwa murandasi nka you tube ntangira gukina indirimbo za gikristo ziranezeza cyane ndrtse zinyongerera imbaraga, umunsi ukutikiyeho nabonye kuri you tube hariho umusore urimo kuvuga ku bijyanye n’agahinda gakabije, avuga ububi bw’ubusambanyi, kwikinisha, avuga ku bubijyanye no gusenga atongera avuga ikuzimu n’ijuru ko abakora neza bazajya mu ijuru naho abakora nabi bakajya i kuzimu.

Kuva uwo munsi nabonye ibisubizo by’ibibazo nibazaga mu buzima bwanjye. Nahise nihana ibyaha nakoze harimo gukopera, uwangano, ubusambanyi, ubujura, ishyari nuko niyemeza kuzinukwa ibibi byose.

Kuva uwo munsi natangiye kumvira umutima nama wanjye no gusenga Imana kugirango isenye ibitekerezo by kurangarira televisiyo aho kwiga. Ariko icyaha nacyo kigira imbaraga cyakomezaga kunkurura ngo ndeke gukora ibyiza nyamara umwami Yesu Kristo yanshoboje gukomerera mu gakiza ke. Kugeza ubu umwuka wera aranyobora kandi nabonye umunezero usesuye.”

source: truthsaves.org