Ubuhamya: Karen Imana yamukijije kanseri

Abantu benshi bibwira ko guhura n’ibibazo bikomeye mu buzima uri umukristo bisob anuye ko hari ikintu kibi wakoreye Imana. Ibi nibyo Karen yibazaga ubwo yari arwaye kanseri y’ibere akajya yumva amajwi amubwira ko apfuye ariko we akibaza icyo yagomeyImana gitumye imuhemukira kikamuyobera.

Mu gihe yamenyaga ko arwaye kanseri y’ibere, Karen yahuye n’uburibwe bukabije cyane ariko ikintu cya mbere cyaje mu bitekerezo bye ni “urupfu” iyo yafungaga amaso yabonaga urupfu rumusatiriye, akajya yumva amajwi amubwira ko ubuzima bwe burangiriye aho, nibwo yatangiye kubaza Imana impamvu itumye ibyo bimubaho, ayibaza n’kibi yayikoreye kugirango ibe imuhannye bigeze aho. Nyuma yafashe umwanzuro wo kugaruka mu ntekerezo nzima.

Karen yakomeje kubaho mu buzima bw’umubabaro yaterwaga n’uburibwe bwa kanseri butari bumworoheye ariko abanyamasengesho basenganaga bagerageje kumuba hafi bakamusengera ariko iyo bamaraga gutaha Satani yaramusangaga akamuteza kwiganyira ndetse akumva ko nta kizere cyo kubaho.

Nyuma y’igihe gito cyane yaje kurwara indi cancer yo mu maraso mbese kuri we ibintu byarushijeho kumubera amayobera yibaza icyatumye Imana imurema kuko yumvaga uburibwe ku kigero yendaga gusara kuko nta kintu na kimwe cyashoboraga kumunezeza ahubwo yahoraga ataka kandi yigunze.

Muri ubwo buribwe yakomeje gusenga Imana ndetse na bagenzi be baramusabira ngo Imana imukize nyamara yagiye yoroherwa buhoro buhoro atangira no gutekereza ku mugambi mwiza Imana imufiteho yibuka ko n’ubwo ababaye ariko akiri muzima kandi agihumeka niko kurushaho kuyigirira icyizere avuga ati uko biri kose ndacyahumeka uwiteka yangirira neza.

Kubera imbaraga zikomeye z’Imana, umunsi umwe Karen yari aryamye yumva ijwi rimuhamagara agiye kubona abona ishusho y’umuntu wambaye imyenda yera nyamara ubwo yari Marayika, nuko abwira Karen ko atumwe n’Imana kumukiza ko aho abaganga bo mu isi batashoboye kumukiza ko uwiteka agiye kumukiza ni uko marayika yaramwiyegamije aratangira aramuvura arangije arigendera .

Bukeye Karen ntiyongeye kumva uburibwe ubwo aribwo bwose ahubwo yumvise umubiri we uruhutse aguwe neza, ntibyarangiriye aho, Karen yafashe iya mbere ajya kwa muganga ngo bamusuzume basanga ari muzima n’amaraso ye ari mazima ataha anezerewe cyane ndetse ajya no mu rusengero gushima Imana.

Kugeza ubu Karen arashima Imana ndetse atanga n’ubuhamya bw’imirimo itangaje Uwiteka yamukoreye kandi ko yarushijeho gukunda Imana cyane. Kubwe aracyibaza impamvu yabanje kwiheba no kwivovotera Uwiteka, ariko yabisabiye imbabazi kandi yarazihawe. Ubu ni umwanditsi w’ibitabo ndetse n’imivugo bihimbaza Imana.