Ubuhamya: Joe Numbi Imana yamukijije uburwayi bw’impyiko

Joe Numbi ni umukobwa ufite imyaka 21 y’amavuko abarizwa mu gihugu cya Repubulika iharanira Demokarasi ya Congo. Joe arashima Imana ko yamukijije ubwo yari akomerewe n’indwara impyiko, Yesu yaramukijije ubwo ababyeyi be babonaga igisigaye ari ugupfa.

Ari mu kigero cy’imyaka itandatu y’amavuko, Joe Numbi yarwaye impyiko ku buryo bukomeye cyane, yababaraga amanywa n’ijoro. Mu gihugu cyabo iyo umuntu yarwaraga indwara nk’iyo nta yandi mahitamo yabaga ashoboka cyeretse gutegereza urupfu.

Mu magambo ye, Joe Numbi aradusangiza ubuhamya bwe uburyo Imana yamukoreye igitangaza gikomeye:

“Umunsi umwe ndi mu bitaro, Mama, Papa, basaza na bakuru banjye batangiye kurira bitewe n’uko babonaga ndembye cyane ngiye gupfa, ariko Yesu umwami w’abami ntiyigeze avuga ijambo rya nyuma ku buzima bwanjye.

Muri icyo gihe cy’ububabare nibwo docteur yatubwiye ko uburyo bushoboka kugirango impyiko zikire, ari ukubagwa kandi byagombaga gukorerwa mu gihugu cy’ubufaransa, kugirango tugereyo byadusabaga kwishyura amadorari ibihumbi bitanu kugirango nkire, ariko mu by’ukuri nta mafaranga twari dufite,ibi byatumye papa wanjye ahagarika akazi yakoraga ajya gushaka ikindi yakora kimwinjiriza menshi kugirango arebe ko nabasha gukira akongera kumbona nishimye.

Ikintu cyiza cyane ntazibagirwa ni uko mama wanjye yakoreshaga intwaro yo gusenga buri munsi. Kubera ayo masengesho yesu yarankijije ntagombye kujya mu gihugu cy’ubufaransa. Niyo mpamvu ntazigera ndeka guhimbaza Imana.

Umuryango wanjye wose waransengeye ku buryo bukomeye, bakoze uko bashoboye bibutsa Imana ibitangaza byose yakoreye abayizeye bo hambere, bayibukije ukuntu yahumuye impumyi zikabasha kureba, ibirema byabashije kugenda, yazuye umukobwa wa Yayilo, uburyo yazuye Lazaro amaze iminsi ine mu mva, bavuze gukomera kw’Imana ahasigaye bayisaba kunkiza, ariko icyo nkundira Uwiteka ni uko yumvise gusenga k’umuryango wanjye akankiza.

Bityo wihangayikishwa n’ibiteye ubwoba urimo kunyuramo kandi wirambirwa kuko utari wenyine, umuremyi wacu, umubyeyi wacu urukundo rwe ruhoraho iteka ryose. Mu bibi n’ibyiza tujye kumugaragariza icyizere, tumusabe ibyo dushaka ni umubyeyi utagira uko asa kandi ibyo yibwira kutugirira si ibibi ahubwo ni ibyiza.

Kugeza ubu meze neza ndi umuririmbyi mu itoreroro. Ariko ndashaka kukwibutsa ko niba uri mubihe bigukomereye nk’ibyo nanyuzemo, cyo usabwa ni ugusenga ukabifatanya no kwizera Imana, manika amaboko yawe ubwire data wo mu ijuru uti ndakwizeye gira icyo ukora ku buzima bwanjye kugirango wihese icyubahiro kandi kubaha Imana iyo bifatanyije no kugira umutima unyuzwe bigira inyungu nyinshi”.

Source: http://2praisegod.com

[email protected]