Ubuhamya: Hatisha wamaze igihe atabyara,(...)

Kwamamaza

agakiza

Ubuhamya: Hatisha wamaze igihe atabyara, Imana yamuhaye umwana w’umuhungu


Yanditswe na: Ubwanditsi     2020-08-26 06:12:38


Ubuhamya: Hatisha wamaze igihe atabyara, Imana yamuhaye umwana w’umuhungu

Hatisha yamaze amajoro menshi adasinzira kuko yari amaze imyaka itanu ashyingiranywe n’umutware we Mandan, ariko barabuze urubyaro ariko hamwe no gusenga Imana yarabasubije babyara umwana w’umuhungu.

Hatisha ni umugore ubarizwa ku mugabane wa Asiya, mu gihugu cy’Ubuhinde. Yamaze mu kibazo cyo kubura urubyaro yahahuriye n’ingorane zo guhabwa akato, bakavuga ko ari umunyamwaku kuburyo bamubuzaga kwegera hafi y’aho abana bari, bityo abifitiye abana bagahora bamwamaganira kure.

Mubyukuri agahinda no kwangwa na rubanda sibyo byonyine byababazaga Hatisha, ahubwo iyo yabonaga umubyeyi uteruye umwana we, amarira yatembaga mu maso ye, Hatisha yategereje umwana igihe kirekire ageze aho atakaza ibyirigiro by’uko inzozi ze zo kuba umubyeyi zizasohora.

Uyu mubyeyi yababaye igihe kirekire kugeza ubwo umunsi umwe, umugabo we yaje mu rugo amusanga mu cyumba cyabo arimo kurira. Manadan yamubajije impamvu arimo kurira, abanza kumusubiza ko nta mpamvu, ariko nyuma umutima we uramufungukira amubwiza ukuri ati:"Tumaze imyaka itanu dushakanye, ariko ntidufite umwana, biramababaza cyane kuki tutajya ku bitaro cyangwa ngo tujye ku rusengero tumenye uko bimeze?".

Nyuma yo kureba akababaro umugore we afite atewe no kutabyara, Mandan yemeye gushyira mu bikorwa buri kimwe cyose umufasha we yashakaga. Bombi bagiye kwa muganga ndetse basura insengero zitandukanye.

Mu gihe babonanaga na muganga, bumvise amakuru mabi avuye kuri Dogiteri avuga ko Hatisha afite ikibazo ko nyababyeyi (uterus) itameze neza. Yafashe imiti itandukanye yahawe na Dogiteri, ndetse asengana umwete imana zabo, ariko nta na kimwe byabamariye.

Ubuzima bwarakomeje kuri Hatisha na Amandan, n’ubwo bwari bwuzuyemo umubabaro mwinshi. Umunsi umwe, ubwo Hatisha yari yihebye, umugore witwa Lucia yamusanze arimo gukora mu murima baraganira.

Lucia yabajihe hatisha ati:"Byakugendekeye bite?" nta kwihangana amarira yahise ashoka mu maso ya Hatisha ndetse yitsa umutima. Lucia yamuteze amatwi ndetse amusangiza uburyo Imana yamukoreye igitangaza mu buzima bwe ndetse aramukomeza ati: "Izere Imana"

Lucia yamubwiye ku bijyanye n’itorero n’uburyo yariboneyemo umugisha mu buzima bwe. Yashyizemo umuhate Hatisha wo kujya gusenga. Aya magambo yose yamusubijemo ibyiringiro.

Nyuma y’uwo munsi baganiriraga na Lucia mu murima, Hatisha n’umugabo we bagiye mu rusengero gusaba ngo babasengere. Pastor Kunja wari umuyobozi w’iryo Torero yihanganishije Hatisha n’umugabo we ndetse abaha ubuhamya bwa Hana wo muri Bibiliya, Imana yakoreye igitangaza ikamuha umwana w’umuhungu Samuel ati: "Imana izabaha umwana w’umugisha, icyo musabwa ni ugusenga no kugira ukwizera ukwizera kuzuye."

Kuva uwo munsi, ibyiringiro byakomeje kwiyongera mu mitima ya Amandan na Hatisha, uko bagendaga bajya mu rusengero bakarushaho kumva ibijyanye n’urukundo rwa Yesu n’imbaraga ze zikiza, Mandan yizeye imbaraga z’amasengesho, yiyemeza ko bagomba gusenga iminsi 40 basaba umwana. Hashize icyumweru kimwe, Imana yasubije Hatisha asama inda, nyuma y’amezi 9 abyara umwana w’umuhungu.

Hamwe n’umunezero mwinshi mu mutima we, Hatisha yashimye Imana cyane ati:"Ndashima Yesu cyane kuko yampaye umwana" yakomeje agira ati: "Nta cyizere cyo kubyara nari mfite mu buzima bwanjye, ariko Imana yahinduye ibidashoboka impa umwana".

Mandan nawe yibutse imirimo y’Imana ayiha icyubahiro kuko yumvise gusenga kwabo ikabasubiza. Ati:"Twagiye ku bitaro bitandukanye n’insengero zitandukanye ariko ntitwigeze tubona umwana. Uyu munsi, kubera ubuntu bw’Imana duhindutse ababyeyi b’umwana"

Uyu munsi, Hatisha afite umugisha uvuye ku Mana , ubu yizera Imana yumvise gusenga kwa Hana ikamuha umwana. Hatisha ahamya neza ko Imana iriho kandi yumva amasengesho y’abagore n’abagabo batabyara kandi yiteguye kubasubiza.

Source: gospelforasia-reports.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?