Ubuhamya: Candice yasengeye icyifuzo Imana iramusubiza

Ubuhamya bw’umugore witwa Candice buvuga ku ntambara yanyuzemo yibaza ku mugabo babanaga ariko batarasezeranye. Yakomeje gusenga Imana n’umwete we wose hanyuma Imana yaje kumuha igisubizo.{}

Mu magambo ye, Candice arasobanura uko byamugendekeye:

“Nakundanye n’umugabo hafi imyaka itatu. twarakundanaga cyane kandi tukagendana mbere y’uko mvuka ubwa kabiri. Twarabanaga ariko ntitwari twarasezeranye imbere y’amategeko n’imbere y’Imana.

Numvise binjemo kwizera uwo mugabo nuko turabana. Umunsi umwe nagiye kureba incuti yanjye dusengana nagiriraga icyizere cyane, bitewe n’uko numvaga ntangiye gushidikanya ku mibanire yanjye n’uwo mugabo. Ariko nari mfite ubwoba bwinshi bwo gutatira gahunda yo kubana twihaye.

Bidatinze naje kugera ubwo ntangira gusenga Imana ubutitsa nyibaza ngo: ese Mana uyu mugabo niwe wangeneye tuzabana? Ndayisaba ngo niba atariwe izamfashe abe ariwe uba imbarutso yo gutandukana kuko njyewe sinari gushobora kubikora. Nashakaga kubwiza Imana ukuri ntaho nyihishe kuko sinashakaga ikintu cyantandukanya nayo.

Nyuma y’isengesho rifite imbaraga nasenganye na mugenzi wanjye twasenganaga, Imana yasubije amasengesho yanjye.

Hashize igihe gito, umugabo twari tumaranye imyaka isaga itatu, yambwiye ko atagomba gukomeza kubana nanjye, ngo akurikije uko ambona yasanze mberanye no kubana n’umugabo tuzajya dushorerana tukajyana ku rusengero, naho we ngo ntiyabivamo na gato.

Nkimara kubyumva nahise nicuza icyo nabikoreye kumusengera isengesho rimeze gutyo. Ariko naje kugera aho ndabyakira ndetse biranshimisha numva ko ari igisubizo cy’Imana itajya yitiranya abantu cyangwa ibintu.

Kugeza uyu munsi, ndanezerewe kandi ndashimira Imana ibyo yankoreye ubu hashize ibyumweru bitanu dutandukanye n’uwo mugabo ariko ndakomeje mu rugendo rwanjye rwo gushaka Imana mu buzima bwanjye bwose. Mu by’ukuri gukurikira Imana byambereye byiza cyane kandi nanyuzwe kuko Yesu ambereye maso”

Mu gusoza ubuhamya bwe, Candice arakangurira abantu gusenga ndetse no gusobanuza Imana inzira kuko ibyo turebesha amaso y’umubiri hari igihe biba bidahuye no gushaka kw’Imana.bityo rero kunezeza umuremyi wacu niyo nzira nyakuri igana ku bugingo buhoraho.

Source: wwwtruthsaves.org

Vestine agakiza.org