Sobanukirwa umumaro wo kunywa amazi arimo cocombre

Amazi agira akamaro mugihe tuyanyweye ukwayo kimwe n’uko na concombre ifite ibyiza yihariye. Nyamara nanone uruvange rw’amazi na concombre rufite ibyiza ntagereranywa nk’uko muri iyi nkuru tugiye kubivuga.

Akamaro k’amazi arimo concombre

Uruhu rwiza

Muri concombre harimo ibisohora imyanda mu mubiri ndetse na za vitamin naho amazi yo azwiho kurwanya umwuma no gusukura umubiri. Uruvange rwabyo rero rwirukana imyanda ishajisha uruhu, rukarwanya iminkanyari yaruzaho, ndetse rukanarwanya utubara tuza ku ruhu kubera gusaza.

Kugabanya ibiro

Amazi arimo concombre atera igihagisha. Ndetse anarinda inyota dore ko hari igihe ugira inyota bikagendana no gusonza. Niba wifuza kugabanya ibiro, ifunguro ryawe rinini ribeho aya mazi kuko akurinda kuryagagura cyangwa kurya byinshi.

Imikorere myiza y’umutima

Concombre ikungahaye kuri potasiyumu uyu ukaba umunyungugu mwiza ufasha abafite ikibazo cy’umutima. Ubwinshi bwayo mu mubiri bugabanya igipimo cya sodiyumu, iyi ikaba mbi kuko ubwinshi bwayo mu mubiri butera umuvuduko ukabije w’amaraso. Kunywa aya mazi rero birwanya indwara z’umuvuduko, stroke, n’izindi zifata umutima.

Uburemere bw’amagufa

Nubwo muri concombre hatabamo imyunyungugu myinshi ariko habamo silicium na manganese, imwe mu myunyungugu umubiri udakenera ari myinshi, ariko ikenerwa ngo amagufa agire ireme. Kunywa aya mazi rero birafasha kugira amagufa afite ireme bikakurinda za rubagimpande n’izindi ndwara zifata amagufa uko usaza.

Amazi arimo cocombre arwanya Kanseri

Muri concombre habamo cucurbitacin iki kikaba ikinyabutabire kiboneka muri yo gusa kikaba kizwiho gusohora imyanda mu mubiri by’umwihariko kunywa amazi arimo concombre bigafasha kurwanya kanseri ya porositate ku bagabo, n’izindi kanseri zinyuranye muri rusange.

Gusukura umubiri:

Kunywa aya mazi bizatuma unyara kenshi bityo uko unyara ube uri gusohora imyanda n’uburozi mu mubiri. Ibi bizakorwa vuba kandi birinde ko hari imyanda n’uburozi byaguma mu mubiri wawe.

Gukomeza imikaya

Muri concombre habonekamo silicium idakunze kuvugwaho cyane nyamara ikaba ari ingenzi mu gutuma ugira imikaya ikomeye kandi ikora neza.

Kunywa amazia avanze na cocombre ni ingenzi mu buzima bwa buri munsi kuko bifasha mu gusukura umubiri wacu bityo tukabaho ubuzima buzira umuze.

source:umuryango.rw

[email protected]