Sobanukirwa uburyo 3 wakwifashisha mu gusenga

Ubusanzwe ku Bantu batunze telephone habamo uburyo butatu: uburyo bwa bucece (silence) vibureri na soneri no mu bijyanye no gusenga ubu buryo burakenerwa mu mibereho ya buri munsi ku bakristo.

Ku bakristo uburyo bwo gusenga bucece burakenerwa kuko bitewe n’igihe umuntu arahinduranya. Reka turebere hamwe icyo Bibiliya ibivugaho:

Turiza uwiteka (garde la silence) umutegereze wihanganye, ntuhagarikwe umutima n’ubona ibyiza mu rugendo rwe , n’umuntu usohoza inama mbi (Zaburi 37:7)

Dukenera kandi uburyo bwa vibreur aho umuntu asenga akabumbura umunwa gacye ku buryo nta muntu wumva ibyo avuga hanyuma ukareka umwuka wera akaba ariwe ugufasha aka gusabira ku Mana , ubu buryo Hana yarabukoresheje Imana iramusubiza.

Uko niko umwuka adufasha mu ntege nke zacu kuko tutazi kuko tutazi uko dukwiriye gusenga , ariko umwuka ubwe niwe udusabira aniha iminiho itavugwa (Abaroma 8:26)

Dukenera kandi gusenga ukoresheje uburyo bwo gusohora ijwi (sonerie) muri ubu buryo tubwira Imana mu ijwi riranguruye. Ubu buryo nabwo ni bwiza Eliya yarabukoresheje Imana imanura umuriro utwika igicaniro kirakongoka ndetse abahanuzi ba bayali bose barapfa.

Bibiliya ibivugaho iki? Ntimukagire icyo mwiganyira, ahubwo ibyo mushaka byose bimenywe n’Imana mubisabiye, mubyingingiye , mushima (Abafilipi 4:6)
Mu by’ukuri tugomba kwiga gukoresha ubu buryo bwose uko ari butu. Bitewe n’igihe umuntu arimo ashobora guhitamo uburyo bumunogeeye.

Nk’uko twifashishije urugero rwa telephone, iyo turebye imikorere ya telephone dusanga yo yo ifite ubundi buryo bwa kane ariko kirazira kikaziririzwa nta mukristo ukwiye kubukoresha kuko byashyira mu kaga umubano we n’Imana ubwo buryo ni offline (gufunga telephone ikaba itari gukora)

Wakwibaza ngo kubera iki ubu buryo ari bubi? Ubu buryo ni bubi kuko iyo telephone ifunze umuntu ntashobora kwakira ubutumwa cyangwa ngo ahamagarwe mu by’ukuri itumanaho riba ryahagaze.

Muri macye igikwiriye ni ukuguma ku murongo hamwe n’umwuka wera tubasha kuganira n’Imana ni byiza rero gukoresha buriya buryo 3 twabonye bitewe n’igihe umukristo arimo kandi bwose bufatanyiriza hamwe kutuzanira ibyiza.

Source: www.topchretien.com