Sobanukirwa inyungu zo kugendesha ibirenge

Kugendesha ibirenge, mu yandi magambo kugenda utambaye inkweto maze ibirenge byawe bigakandagira ku butaka, ni igikorwa gifite inyungu nyinshi ku buzima bwa muntu, n’ubwo usanga abantu baratoye umuco wo kwambara inkweto ibihe byose.

Ubushakashatsi bwagaragaje ko kugenda ku butaka utambaye inkweto bifasha umuntu gusinzira neza. Gukandagira ku butaka bituma umubiri ujya kuri gahunda, kugendesha ibirenge kandi byongera ubudahangarwa bw’umubiri. Mu gihe umuntu agendesha ibirenge, uturemangingo two mu maraso twera (white blood cells) turamanuka hanyuma uturemangingo two mu maraso dutukura (red blood cells) two turazamuka bigafasha mu kongera ubudahangarwa bw’umubiri.

Ubushakashatsi bwakorewe muri PubMed bwerekanye ko kugenda utambaye inkweto bigira ingaruka nziza ku mikorere y’umubiri maze bigatuma umuntu aruhuka neza. Abagendesha ibirenge bagira ibitotsi byiza ugereranyije n’abahora bambaye inkweto burigihe.

Kugendesha ibirenge ugakandagira ku butaka bituma hari electrons ziva mu butaka zikinjira mu mubiri maze zikagira umumaro wo kongera ubudahangarwa bw’umubiri aribyo bituma ubudahangarwa bw’umubiri bwiyongera. Si ibyo gusa ahubwo kugendesha ibirenge byongera oxygen (umwuka mwiza wo guhumeka) mu mubiri.

Ubushakashatsi bwerekana kandi ko inkweto zigira ingaruka mbi ku birenge. Umuntu uhora yambaye inkweto usanga imitsi y’ibirenge ifite intege nke kuruta ikindi gihe cyose, kandi ibirenge bye biba byoroshye cyane bigatuma imitsi y’ibirenge bye icika intege aho usanga kugirango umuntu ahagarere, umubiri wifashisha indi mitsi igize amaguru kuko iy’ibirenge iba yacitse intege.

Abahanga bagarutse ku nyungu zo kugendesha ibirenge bemeza ko iki gikorwa kiringaniza umusemburo witwa cortisol utera umunaniro, iyo umuntu agendesha ibirenge bigabanya uyu musemburo ndetse bigatuma umuntu arwanya amarangamutima yo kumva yihebye.

Nanone kandi, kugendesha ibirenge byica icyo twita free radical aho usanga ibizigize byangiza uturemangingo tw’umubiri. Kugendesha ibirenge bifite umumaro ukomeye kuko bifasha umubiri kurwnya indwara z’umutima.

Muri macye, kugendesha ibirenge bifitiye umubiri wacu akamaro kuko biturinda ibibazo bimwe na bimwe ndetse n’uburwayi butandukanye, nimucyo rero tujye tunyuzamo twitabire gushyira mu bikorwa izi nama duhabwa n’inzobere mu buzima kugirango turusheho kugira amagara mazima.

Source: The Newtimes

[email protected]