Sobanukirwa ibintu bishobora kwangiza impyiko

Umubiri w’umuntu ugizwe n’impyiko ebyiri imwe iburyo indi ibumoso, impyiko iba ifite ishusho y’igishyimbo. Impyiko zigira akamaro gakomeye ko gutunganya amaraso zigakuramo uburozi buba bwaturutse mu biribwa turya, zishinzwe kandi kugenzura ingano y’amatembabuzi mu mubiri.

Iyo impyiko zacu zitari gukora neza,umubiri wacu nawo ntiwabasha gukora neza. Kwangirika kw’impyiko bishobora gutuma umubiri wose ubura amahoro. Mu rwego rwo kubungabunga umutekano w’impyiko hari ibiribwa n’ibinyobwa byagaragaweho kwangiza impyiko mu gihe bibaye byinshi mu mubiri ariyo mpamvu dukwiye kubifata ku kigero gishyitse.

Inyama zitukura
Inyama zitukura ni inkomoko ya proteyine. Ariko nanone kurya inyama nyinshi zitukura zagushyira mu kaga ko kurwara impyiko.

Mu bushakashatsi bwe, Dr Woon-Puay Kosh yakoze ku bantu bakuru 63,257 muri Singapore, yerekanye ko abantu barya kenshi inyama zitukura bafite ibyago byo kurwara imyiko ku kigero cya 40%
Inyama zitukura nk’ikimasa, intama, n’ingurube iyo umuntu aziriye ku kigero cyo hejuru, zishobora gutanga imyanda ishobora kwangiza impyiko ntizishobore kuyungurura amaraso bigatuma umubiri wose uhura n’ibibazo

Inzoga
Inzoga ni ikyobyabwenge cyemewe kuko ituma ubwonko bucika intege kandi yangiza ubushobozi bw’ubwonko bwo kohereza no kwakira amakuru, si ibyo gusa ahubwo inzoga ishobora kwangiza imikorere y’impyiko.

Kunywa inzoga akenshi byongera akaga ko kugira umuvuduko ukabije w’amaraso na diyabete bishobora kuba intandaro y’indwara y’impyiko. Ku basanzwe bafite uburwayi bw’impyiko, iyo banyweye inzoga biriyongera.

Ifi
Ifi ni ikiribwa cyiza ku bantu benshi kuko ari inkomoko y’intungamubiri z’ingenzi. Amwe mu mafi nka sardine iba igizwe n’icyo bita purines zishobora kwangiza impyiko umubiri ugahura n’ibibazo bikomeye. Ibiribwa bikungahaye kuri purines bituma calcium yiremamo ibibumbe mu mubiri bityo bikangiza iyungurura ry’amaraso.

Kudasinzira
Gusinzira ni ingenzi mu buzima kuko biha amahirwe inzungano (organs), imikaya kongera kwiyubaka no kugira imbaraga n’impyiko nazo ni uko iyo dusinziriye niwo mwanya mwiza wo gutunganya amaraso azakoreshwa n’umubiri ku munsi ukurikira.

Kudakora imyitozo
Imyitozo ngororamubiri ni ingenzi ku mikorere myiza y’impyiko kuko imyitozo igabanya umuvuduko w’amaraso ukabije ndetse n’ibiro. Bifasha umuntu gusinzira ndetse no gukora kw’imikaya. Ibi byose bifasha impyiko gukora neza imyitozo kandi ifasha umubiri gutunganya intungamubiri.

Ni ingenzi kubungabunga impyiko zacu dukurikiza inama duhawe haruguru kuko ahanini usanga impyikozifatiye runini umubiri kandi amagara yacu nibwo bukungu iyo aducitse tubura byose, yacubangana ho gato tukabura icyo dutoranya ngo kitumare agahinda.

Source: https://medical-news.org/

Vestine agakiza.org