Sobanukirwa byinshi birebana n’indwara y’umusonga

Umusonga ni indwara ifata inzira z’ubuhumekero cyane ibihaha ikaba iterwa na virusi, iyo virusi iragenda igafunga ibihaha bityo umwuka ukananirwa gutambuka, umusonga ushobora gufata igihaha kimwe cyangwa se ibihaha byombi. iyi ndwara ifata abantu bose haba abana n’abaakuze ariko iravurwa igakira.

Microbes zitera umusonga zirakwirakwizwa bishatse kuvuga ko zishobora kuva ku muntu umwe zikajya ku wundi binyuze mu mwuka haba mu gukorora cyangwa kwitsamura. Ushobora kandi kugerwaho n’umusonga binyuze no gukora ku kintu kiriho virusi zitera umusonga.

Ibimenyetso by’indwara y’umusonga:

Kunanirwa guhumeka mu gihe urimo gukora uturimo tworoheje cyangwa se ntacyo urimo gukora, gukororora cyane, kugira umuriro, kugira ibyuya byinshi, kubabara mu gituza mu gihe ushaka gukorora cyangwa guhumeka, kugira umunaniro mwinshi, gutakaza ubushake bwo kurya, iseseme cyangwa kuruka ndetse no kurwara umutwe.

Ibindi bimenyetso bijyana n’ikigero abantu bagezemo:

Abana bari munsi y’imyaka 5 y’ubukure bahumeka vuba vuba cyangwa se bakanirwa guhumeka. Mu gihe impinja zo zishobora kutagaragaza ibimenyetso, ariko rimwe na rimwe zikaruka, kubura imbaraga, kunanirwa kunywa cyangwa kurya.

Ese indwara y’umusonga iterwa n’iki?

Hari ibintu byinshi harimo bagiteri ndetse na virusi zifata imyanya y’ubuhumekero zikayifunga twavuga nka rhinoviruses (izanwa n’ubukonje), influenza (gripe).
Habaho kandi umusonga ukomoka ku butaka cyangwa se inyoni. Ibi byose byanduza umusonga ku bantu badafite ubwirinzi bw’umubiri buhagije.

Ni bande bafite ibyago byinshi byo kurwara umusonga?

Muri rusange, buri wese ashobora kurwara umusonga, ariko hari abantu bamwe usanga bafite ibyago byinshi byo kurwara umusonga kurusha abandi harimo:
Abana bakivuka kugeza ku myaka ibiri
Abantu bafite guhera ku myaka 65 kuzamura
Abantu badafite ubwirizi bw’umubiri bukomeye cyangwa se banywa imiti ya cancer.
Abantu banywa ibiyobyabwenge.

Dore uburyo bwo kurwanya indwara y’umusonga:

Icyambere ni ni ugufata urukingo rw’indwara y’umusonga, kugerageza kureka itabi ku bakunzi baryo, gukaraba intoki buri gihe ukoresheje isabune n’amazi meza, gufata ibinyobwa bihagije. gukoresha igitambaro mu gihe cyo gukorora no kwitsamura kugirango hirindwe ikwirakwizwa rya virusi zitera umusonga ikindi ni ukugerageza kongera ubudahangarwa bw’umubiri binyuze mu kurya indyo yuzuye ndetse no gukora imyitozo ngororamubiri.
Muri macye rero nyuma yo kunguka byinshi ku bijyanye n’indwara y’umusonga, birakwiye gufata ingamba zo kuyirinda ndetse no kugana kwa muganga ku barwayi hagamijwe kubungabunga ubuzima buzira umuze.

Source: www.healthline.com