Ubuhamya: Uburyo Paul yahuye na Kristo(...)

Kwamamaza

agakiza

Ubuhamya: Uburyo Paul yahuye na Kristo agakizwa


Yanditswe na: Ubwanditsi     2020-07-08 09:25:42


Ubuhamya: Uburyo Paul yahuye na Kristo agakizwa

Paul ni umugabo wigaraguye mu byaha bitandukanye kugeza n’ubwo yatandukanye n’umugore we kuko atari ashoboye kwihanganira ingeso mbi z’umugabo we. Icyakora umucyo wa Yesu waje kuvira Paul nuko arakizwa abona amahoro atemba nk’uruzi, ayo ab’isi batigeze kumenya.

Umugambi w’Imana nta kintu na kimwe kibasha kuwurogoya, Paul aratubwira uko byagenze kugirango abashe kwakira Yesu nk’umwami n’umukiza w’ubugingo bwe:

"Ndi umugabo w’imyaka 48 natandukanye n’umugore. Mfite abana babiri beza kandi kugeza ubu Umwami Yesu Kristo ni uwambere mubuzima bwanjye, ariko siko byahoze mbere nakuriye mu Itorero rya Metodiste, aho twitabiraga amatraniro yo ku Cyumweru kandi nabaga mu matsinda y’urubyiruko, ariko sinari nzi Imana by’ukuri.

Mugihe nari mfite imyaka cumi n’umunani, nari kure yImana ku buryo umuntu wese yabibonaga. Nanyoye ibiyobyabwenge by’ubwoko bwose, ndyamana n’abagore benshi bashoboka, naribye, ndabeshya, nkora uburiganya kandi nanywaga ibiyobyabwenge ku buryo nasindaga buri munsi.

Nyuma y’imyaka cumi n’umunani dukoze ubukwe, nasanze umugore wanjye aryamanye n’undi mugabo, mugihe twabiganiragaho yanze kureka iyo ngeso ambwira ko ashaka ubutane. Nyuma yaho gato, noherejwe mu mujyi ku kazi. Nishimiye kugenda kuko byampaye aho nacumbika, kubera ko uwahoze ari umugore wanjye yari yafashe inzu arayiharira.

Hagati aho nari mfite incuti magara yitwa Sammy, icyo gihe twararabanye ariko Sammy yatangiye kujya mu rusengero akitabira gahunda zose. Njye Sinabishakaga. Nabayeho mu buzima bwa nyamwigendaho kandi bwo kwinezeza. Akenshi Sammy yavugaga ku bintu byabereye murusengero jye nkavuga kubintu byabereye mukabari. Sammy yajyaga mu rusengero nijoro kuwa gatatu nkajya gukina poker. Nari narasomye Bibiliya nkiri muto ntekereza ko nzi neza ibijyanye n’ubukristo. Twajyaga impaka kubyo yemera kuko nari nzi neza ko abakristu bose aho bava bakagera ari indyarya kandi sinifuzaga ko Sammy aba umwe cyangwa ngo ayoborwe n’itsinda ryabo.

Natangiye gusoma Bibiliya, kugira ngo nitwaze intwaro zo kurwanya imyizerere ya Sammy. Nkimara gusoma, byanyeretse ko Sammy yari afite ukuri kandi icyo gihe hari ikindi kintu cyabaye. Natangiye kumva Imana impamagara . Uko nasomaga niko numvaga ndikumwe nayo. Nifuzaga kurushaho kwegera Imana, ariko sinifuzaga gusubira mu idini nakuriyemo.

Natangiye gukora ubushakashatsi ku madini yose atandukanye; Budisime, Hinduwisime, Islam n’andi madini. Nshakaga kumenya iryo nahitamo.

Sammy yambwiye ko inzira imwe igana ku Mana ari ukwemera Yesu nk’Umwami n’Umukiza wanjye. Yambwiye ko itorero rye rifite urubuga ansaba ko narusura. Narabikoze numva ubutumwa bwa Pasiteri kuri urwo rubuga. Natangiye kumva ubutumwa hafi ya buri munsi no gusoma Bibiliya umwanya wose nabonaga.

Umunsi umwe nyuma y’akazi nagarutse mu nzu yanjye numva ubutumwa bwa Pasiteri Stovall. Nibutse icyo ubutumwa buvuga, ariko burangiye narahagurutse mva kuri mudasobwa yanjye mvuga n’ijwi rirenga nti: “Sawa Yesu, ngukuriye ingofero. Icyo gihe nicaye ku buriri mpumiriza amaso ntangira gusenga. Nakiriye Yesu nk’Umwami n’Umukiza wanjye mpindura ubuzima bwanjye. Amarira yatembaga mu maso mugihe nabwiraga Yesu akajagari nagize mu buzima bwanjye no mu rushako.

Icyo gihe narasengaga cyane kandi ijwi ryasohotse hanze mbwira Imana amakosa yanjye yose y’ahashize, abantu nashutse nkabiba, nkoresha ibiyobyabwenge ndetse nkabigurisha. Nagiye kubona mbona umucyo mwinshi uje imbere yanjye. Nafunze amaso uko nshoboye, ariko byari bimeze nk’umuntu ufashe mu maso hanjye Nabonye urumuri ruje mumaso yanjye kandi buhoro buhoro umubiri wanjye wose. Byari ibyiyumviro ntari narigeze numva.

Nyuma y’ibyo nahamagaye Sammy nimugoroba kugira ngo mubwire uko byagenze, ko neguriye ubuzima bwanjye Kristo, Sammy yarishimye cyane ndetse dufatanya guhimbaza Imana kuko umugambi wayo wo kumpa agakiza wari usohoye ku buzima bwanjye. Ndashima umwami Yesu wahinduye ubuzima bwanjye akampa kumumenya."

Source: www.christianfaith.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?