Patient Bizimana yasohoye amashusho y’indirimbo

Kwamamaza

agakiza

Patient Bizimana yasohoye amashusho y’indirimbo yise ’ikimenyetso cy’Agakiza’


Yanditswe na: Ubwanditsi     2020-07-07 06:28:24


Patient Bizimana yasohoye amashusho y’indirimbo yise ’ikimenyetso cy’Agakiza’

Umuhanzi Patient Bizimana uzwi cyane mu muziki wo kuramya no guhimbaza Imana yashyize hanze amashusho y’indirimbo ye ‘Ikimenyetso’ agaragaramo ari mu ishusho y’umunyabibazo ariko hanyuma akaza kugirirwa neza n’Imana akabona ubuzima bwiza.

Patient Bizimana ni umuramyi wamenyekanye mu ndirimbo zo kuramya no guhimbaza Imana. Nka ‘Iyo neza’,‘Amagambo yanjye’,‘Menye neza’, ‘Ikimenyetso’, ‘Ubwo buntu, ‘Ndaje’ n’izindi nyinshi. Umuramyi Patient Bizimana uhembura imitima ya benshi

Uyu muhanzi, umuziki yawutangiye akiri muto, akiyumvamo impano yatangiye kwihatira kwiga gucuranga piano mu rusengero hanyuma bigeze mu 2007 asohora indirimbo ye bwite yitwa ‘Andyohera’ ari nabwo benshi batangiye kumubwira ko afite ijwi ryiza.

Ubu Patient Bizimana yashyize hanze amashusho y’indirimbo ye yise "Ikimenyetso" aho ashushanya umusore uba ari umukene ujya kwaka akazi k’ubuyede bakakamwima n’igihe akaboneye bakaza kumwirukana. Nyuma ariko aza kubona akazi keza ndetse nawe agatangira kugaha abandi. Patient Bizimana mu buzima bugoranye

Aganira n’Igihe, Patient Bizimana yavuze ko amashusho yayo yafatiwe mu gace ko muri Nyamata ndetse no ku i Rebero mu giturage.

Ati “Amashusho yafatiwe i Nyamata no ku i Rebero mu giturage. Mu buryo amashusho y’indirimbo akozwemo agaragaza uko umuntu ashobora gukena akagera aho kubura imyambaro n’icyo kurya, ujya gusaba akazi k’ubuyede nako bakakakwima kurya ari ikibazo, nyuma Imana ikaza guca inzira.”

Patient Bizimana yakomeje agira ati “Nifuzaga kugaragaza urugendo rw’ubuzima hamwe n’Imana n’icyo umusaraba wakoze mu buzima bwacu ari mu buryo bw’ubugingo ndetse no mu buzima busanzwe.”

Indirimbo ‘Ikimenyetso’ Patient Bizimana yayikoreye amashusho nyuma y’imyaka isaga ibiri ayishyize hanze mu buryo bw’amajwi, mubyukuri ubutumwa bukubiye muri iyi ndirimbo bwagize umumaro ukomeye ku buzima bwa benshi.

Uyu muhanzi azwiho gutegura ibitaramo ngarukamwaka bya ‘Easter Celebration’ byitabirwa ku rwego rwo hejuru n’ibihumbi by’abakunda umuziki we. Yabiteguye ahereye ku byo yitaga ‘Poetic Evening of worship’ nyuma bibyara Easter Celebration iba buri mwaka mu kwizihiza Pasika.

Patient Bizimana yatangaje ko yitegura gusohora indirimbo nshya yafatanyije na Gentil Bigizi yitwa "Gusenga"

Video yose wayisanga hano:

Source: igihe.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?