Patient Bizimana Yagize icyo avuga ku bukwe(...)

Kwamamaza

agakiza

Patient Bizimana Yagize icyo avuga ku bukwe bwe n’umukunzi we Gentille


Yanditswe na: Ubwanditsi     2020-07-09 09:24:59


Patient Bizimana Yagize icyo avuga ku bukwe bwe n’umukunzi we Gentille

Patient Bizimana umwe bahanzi bakunzwe cyane mu muziki wo kuramya no guhimbaza Imana, yamamaye mu ndirimbo "Andyohera" "Ubwo buntu", "Menye neza" n’izindi, Kuwa 13 Ukuboza 2020 azasezerana kubana akaramata n’umukunzi we Karamira Uwera Gentille uba muri Leta Zunze Ubumwe za Amerika.

Patient Bizimana n’Uwera Gentille baritegura kubana akaramata nyuma y’uko imihango yo gusaba no gukwa bayikoze mu kwezi kwa Kamena 2019, ikaba yarabereye mu Rwanda mu karere ka Rubavu mu n tara y’i Burengerazuba. Urukundo rwabo ntirwavuzwe mu itangazamakuru! Nyamara imyaka ibiri irashize bombi batangiye urugendo rwo gusengera urukundo rwabo no kubana nk’umugabo n’umugore.

Patient Bizimana uherutse gusohora amashusho y’indirimbo “Ikimenyetso” aganira n’INYARWANDA yavuze ko ajya guhitamo uwo bazarushinga atagiye kure y’inshuti z’akadasohoka z’umuryango avukamo.

Yavuze ko umuryango we n’uwa Gentille uziranye ku buryo guhana inka n’abageni, ari igisobanuro cy’ipfundo ry’ubushuti burambye.

Patient avuga ko aziranye na Gentille kuva mu buto bwabo, ariko ko urukundo rwatangiye gushora imizi mu myaka ibiri ishize, ndetse ngo inshuro bavugana ku munsi ntiyazibara.

Uyu muhanzi yavuze ko Gentille yamurutiye abakobwa ati “Namukundiye ibintu byinshi cyane. Ikintu cya mbere ni uko namusabye kunkunda akanyemererera. Ikindi kintu ni uko aruta abakobwa bose twahuye.” Gentille yarutiye Patient abakobwa bose

Akomeza ati “Yari afite byinshi byose nifuzaga. Ntabwo wavuga byose ngo ubirangize ariko harimo kuba azi ubwenge, harimo kuba azi kubana agira urugwiro.”

Yashimangiye ko urugwiro no gucisha make kwa Gentille ari kwo kwamukuruye akomeza inzira yo kumutereta kugeza ubwo Imana imweretse ko ari we mu mugore bazatandukanywa n’urupfu. Patient Bizimana ashima byimazeyo imico y’umukunzi we Gentille

Abazwa ku bijyanye no kujya kuba muri Amerika, Patient Bizimana yavuze ko nawe ajya yumva abavuga ko namara gukora ubukwe azajya gutura muri Leta Zunze Ubumwe za Amerika n’umukunzi we, ariko ngo siko biri. Yavuze ko we n’umukunzi we bazashyira imbere isengesho kugira ngo Imana izabahitiremo aho gutura.

Source: inyarwanda.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?