Pakisitani: Amatorero yakajije umutekano(...)

Kwamamaza

agakiza

Pakisitani: Amatorero yakajije umutekano kubera ubwoba bw’abataliban


Yanditswe na: Ubwanditsi     2021-09-06 06:39:05


Pakisitani: Amatorero yakajije umutekano kubera ubwoba bw’abataliban

Amatorero yo muri Pakisitani akomeje gukaza umutekano kubera gutinya ko abatalibani bisubije ubutegetsi mu gihugu cy’abaturanyi cya Afuganisitani babinjirana rwihishwa.

Abarinzi bitwaje imbunda bashyizwe hanze y’insengero mu gihe cy’amateraniro kuri iki cyumweru, kubera ko bari baherutse kwibasirwa n’intagondwa z’abayisilamu mu bihe bishize.

Kuva Abatalibani basubirana ubutegetsi muri Afuganisitani, abakristo bo muri Pakisitani batinya ko ibitero by’iterabwoba bishobora kuziyongera.

Izindi ngamba zashyizweho zirimo kongera ubugenzuzi, kugenzura indangamuntu, no gusakisha ikoranabuhanga ryabugenewe uwo ariwe wese ugiye kwinjira mu rusengero.

Uharanira uburenganzira bwa muntu muri Pakisitani, Sajid Christopher, yatangarije Aid to the Church in Need (ACN) ko imitwe yitwara gisirikare nk’umutwe uhuriweho n’abatalibani ishobora kubyaza umusaruro ibintu biherutse kubera muri Afuganisitani, ikaba yakurikizaho abakristo n’indi miryango ifite aho ihuriye n’iyobokamana. Ati

"Hariho imitwe y’iterabwoba yibasiye amatorero n’ibindi bigo bya gikirisito ndetse "Ubu abatalibani bagarutse, bizashimangira TTP n’indi mitwe ya kisilamu bityo rero hashobora kubaho ibitero."

Hari amakuru mabi ava muri Afuganisitani y’abarwanyi b’abatalibani bagiye ku nzu ku yindi bahiga abakirisito, n’indi miryango ya gikristo ndetse n’umuntu wese ukekwaho kuba afitanye isano n’ibihugu by’urengerazuba.

Bwana Christopher yongeyeho ati: "Mu baturage bifuza amahoro n’iterambere [Abayisilamu] hazabaho ubwoba n’ubwo abashyigikiye abarwanyi bishimiye ko abatalibani bongeye gusubira ku butegetsi."

Source: ChristianToday

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?