Umuhanzi Bosco Nshuti yasohoye amashusho(...)

Kwamamaza

agakiza

Umuhanzi Bosco Nshuti yasohoye amashusho y’indirimbo yise "Uranyumva"


Yanditswe na: Ubwanditsi     2020-06-30 06:25:14


Umuhanzi Bosco Nshuti yasohoye amashusho y’indirimbo yise

Umuhanzi Nshuti Bosco usanzwe uzwi mu ndirimbo zo kuramya no guhimbaza Imana: Ibyo ntunze , Warambabariye n ’izindi. kuri ubu akaba yashyize ahagaragara amashusho y’indirimbo nshya yise "Uranyumva" mu buryo bw’imbonankubone (live).

Nshuti bosco ni umukristo ubarizwa mu itorero rya ADEPR, muri Paruwase ya Gasave ku mudugudu wa Kumukenke.Uyu muhanzi usanzwe unaririmba muri Korari Sloam ibarinzwa kuri uyu mudugudu wa kumukenke, yatangiye kuririmba kugiti ke mu 2015. Akomoza ku ndirimbo yakunzwe n’abatari bake mu Rwanda ndetse no hanze yarwo "Ibyo ntunze", mukiganiro yagiranye na Zaburi nshya , Nshuti Bosco yavuze uburyo iyo ndirimbo yayihimbye.

Avuga ko byari mu bihe yabonaga ko nta nzira, yagize ati”Iyo ndirimbo yaje mu bihe nari ndimo,nari maze igihe mpagaritse ishuri numva ko nta bundi buryo nzabona bwo kwiga. Haciyeho igihe kingana n’umwaka, mbona Imana irabikoze mba ndongeye ndiga, ndangiza kaminuza. Ndavuga nti ushimwe mwami wanjye wowe umenyera ubuzima, ukampa kubyawe kubwo Ubuntu bwawe, nabura iki se ngufite ko umpagije” Bosco Nshuti yasusurukije abamukurikiye

Iyi ndirimbo "Uranyumva" yakoreye amashusho, mu buryo bwa Live hamwe n’itsinda ry’abacuranzi ndetse n’abamufasha kuririmba, yuje ubutumwa bushimangira ko umwami Yesu igihe cyose abera amaso abamutakira bose, kabone naho batavuga ariko Yesu we amenya ibyo bibwira mu mitima yabo. Mu magambo atangira iyi ndirimbo Bosco aragira ati”Mwami Yesu uranyumva niyo ntavuga, uhora utegeye ugutwi kwawe kumva ibyo usabwa n’umwana wawe, Mwami Yesu uranyumva”

Bosco avuga ko uburyo ahabwa iyerekwa ry’indirimbo (inspiration), ngo abona bije akaba yanatungurwa, ashobora kuba ari mu nzira agenda cyangwa aryamye. Uyu muhanzi kandi yanatangaje ko mu bihangano bye abikora adatezemo amaramuko, ko ahubwo ari ivugabutumwa.

Video yose "Uranyumva" wayisanga hano

[email protected]

Ibitekerezo (1)

Sikubwabo j Bosco

17-10-2020    20:03

indirimbo za Bosco Ncuti zirapfashacyane iyondikuyumva wagirango Bosco aranzi kuko zijyana nubuzimabwange zikanyongerera kwizera ninkokwakira ubuhanuzi gusa Imana I’ve iguha umugisha icyaza mpuza nawe.

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?