Noheri nziza ya 2020:Amasomo y’ingenzi mu(...)

Kwamamaza

agakiza

Noheri nziza ya 2020:Amasomo y’ingenzi mu buzima dukwiye kwigira kuri Yesu


Yanditswe na: Ubwanditsi     2020-12-23 05:49:34


Noheri nziza ya 2020:Amasomo y’ingenzi mu buzima dukwiye kwigira kuri Yesu

Kuwa 25 Ukuboza ni umunsi ngarukamwaka isi yose yizihiza ivuka ryaYesu cyangwa se Noheri. Ni umunsi w’umunezero ku batuye isi. Nubwo tuwizihiza incuro ibihumbi, ntacyo byaba bimaze nibaYesu atavukira mu mitima yacu. Reka dukungahaze ubuzima bwacu bw’umwuka turebera hamwe amasomo yatubera inkomezi mu mwaka mushya wa 2021 tugiye gutangira.

Birakwiye koburi wese ategura umutima we kugira ngoYesu Kristo awuvukiremo bityo tubeho ubuzima buhimbaza Imana gusa. Reka turebere hamwe amasomo 5 y’ingenzi mu buzima dukwiye kwigira kuriYesu:

1. Ibyo ushaka ko bakugirira,ba ari byo ugirira abandi

Intego ikomeye y’ubuzima ishingiye ku magamboYesu yigishije aboneka mu Butumwa bwiza bwanditswe na Matayo 7:12 “Nuko ibyo mushaka ko abantu babagirira byose mube ariko mubagirira namwe, kuko ayo ari yo mategekon’ibyahanuwe”.

Mubyukuri iri ni itegeko rireba buri muntu wese hatitawe ku idini abarizwamo. Mu yandi magambo, ibyo utifuza ko abandi bantu bagukorera, nawe ntukwiye kubibakorera. Ibyo udashaka ko abandi bakwikoreza, ntugomba kubibikoreza, niba udashaka ko abantu bakwiba, nawe ntugomba kutwara ibyabo, niba udashaka ko abantu bakubabaza, nawe irinde kubababaza. Mubyukuri fata abandi nk’uko wifuza ko bagufata.

2. Ntugakunde amafaranga

“Nta wucyeza abami babiri kuko yakwanga umwe agakunda undi, cyangwa yaguma kuri umwe agasuzugura undi . Ntimubasha gukorera Imana n’ubutunzi”. Matayo 6:24.

Ntimukirukanke ku mafaranga ngo abatware ibitekerezo. Gukunda amafaranga ni umuzi w’ibibi byose. Mwibuke ko amafaranga ubwayo atari mabi, kuko adufasha kubona ibyo dukeneye muri iyi si yihuta mu iterambere. Ariko urukundo rw’amafaranga rushobora gushyira ubuzima bwawe mu kaga.

Ikibazo ni uko abantu batangiye gukunda amafaranga kurusha Imana kandi amafaranga ubwayo bayagize imana. Abantu bashyize indangagaciro n’ubumuntu ku ruhande bakurikira amafaranga. Ariko mubyukuri Imana ibera hose icyarimwe. Iri muri wowe, muri njye no mu bindi binyabuzima byose byo ku isi: inyamaswa, ibiti, imigezi n’ibindi. Ariko ntiri mu mafaranga. Ni byiza ko wiga uburyo bwo gukoresha amafaranga yawe aho kugira ngo aguhindure igikoresho.

3. Haranira gukura no kwera imbuto

“Ishami ryose ryo muri njye ritera imbuto arikuraho, iryera imbuto ryose aryanganyaho amahage yaryo ngo rirusheho kwera imbuto”.Yohana 15:2 Kwanganyaho amahage ni ugutema amashami adafite umumaro ku giti kugira ngo abererekere amashami meza yera imbuto areke gukomeza kuyacura intungagihingwa.

Ibintu cyangwa imico bitaguha inyungu cyangwa bitagufasha gukura, ntukwiye kubitaho igihe. Jugunya kure imigenzereze mibi nk’ibintu bibi ureba kuri telephone, televiziyo n’ibindi bishobora kwangiza umubano wawe n’Imana. Niba ushaka kugera ku nzozi zawe kandi niba ushaka gukura mu buzima, niba ushaka kwera imbuto nyinshi icyo usabwa ni ukwitandukanya n’imigenzereze idahwitse

4. Icishe bugufi kugira ngo ukure mu mwuka

“Ahubwo uruta abandi muri mwe ajye aba umugaragu wanyu. Uzishyira hejuru azacishwa bugufi, uzicisha bugufi azashyirwa hejuru”. Matayo 23:11-12

Kugira ngo ukure mu mwuka, bigusaba gufasha abandi no kwicisha bugufi. Niba ushaka gukomera, fasha abakene n’abatishoboye. Tekereza ku bantu babayeho mu buzima bw’umwuka buhamye nka Yesu Kristo, Martin Luther King, Buddha, Nelson Mandela na Mahatma Gandhi. Ntibazigera bibagirana kuko babayeho ubuzima bwo kwicisha bugufi no gufasha abandi.

5. Hitamo amagambo witonze

“Amagambo yawe ni yo azagutsindishiriza, kandi n’amagambo yawe ni yo azagustindisha” Matayo 12:37. Hari umugani wa kera uvuga ngo “Tekereza kabiri mbere yo kuvuga”. Hitamo amagambo aboneye kandi ubikore witonze mugihe uvuga, bizaguha ububasha. Amagambo yawe agaragaza uko ubayeho kandi akerekana ibiri mu mutima wawe. Amagambo yawe agena imibereho yawe ubwawe n’uburyo ubana n’abandi mu muryango mugari. Amagambo arica kandi agakiza.

Muri macye tumaze kurebera hamwe amasomo yo mu buzima dukwiye kwigira kuri Yesu Kristo. Ni ahacu ho kuyashyira mu bikorwa kugira ngo tubashe kwizihiza noheri ya 2020 Yesu avukira mu mitima yacu.

Source: www.invajy.com

[email protected]

Ibitekerezo (1)

Emmy

25-12-2020    09:16

Mbifurije Nohel nziza,n,umwaka mushya muhire,kuri buri wese.

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?